Read Baibul, Mizo Hla Thlan Khawmte 7 Bible Online

Hla Thlan Khawmte 7 - Baibul, Mizo bible

Hla Thlan Khawmte 7

¹Pheikhawk bun chunga i pen mawizia; aw mi ropui fanu! I mal mumin lunghlu iang e, thawktu themthiam tak kut chhuak hnu chu.

²I laibu lah berhbu hun, uain pawlhsa kiamna ngai lo ang hian. I pum chuan a iang e, buh vum, lili par hmuna chhun chu.

³I hnute pahnih hian a ang, no pahnih, sazain phir a neih kha.

⁴I nghawngin a iang a ni, saingho kulhbing sang; I mitte'n Hesbon-a dilte, Bath-rabbim luhna kianga mi ang e; i hnarin a iang a ni, Lebanon kulhbing, Damaska lam zuk hawi chu.

⁵I thlungluin a iang, Karmel tlang, i lubahsam pawh a dum ziar e, a thlai mawi lalin a tuar zo lo.

⁶I mawizia leh lung i tihawizia, aw hmangaih, lawmnate zingah!

⁷I tlawntlai hian, tum thing a iang e, i hnutete'n a rah bawr a ang.

⁸Tum thingah chuan ka lawn chho ang a, a kau ka vuan ang, ka lo ti a: I hnutein grep bawr ang se, i thaw rimin apple ang bawk se.

⁹I kam uain tha mi ang mai chu, ka duhtak tan luang thla del del se, muhilte hmuiah luang lut rawh se.

¹⁰Ka duhtak ta chu ka ni a, keima lamah a thinlai a cham reng e.

¹¹Hawh teh, ka duhtak, ramah chhuak i la, thingtlang khuaahte i riak teh ang.

¹²Zingah grep huanah kal i la, i en dun ang grep, kuhmumin a vul emaw, theibuhfai pawh a par emaw, tah chuan ka pe ang che, ka hmangaihna.Zawlaidi hloin rimtui a chhuah a, kan kawngka bulah thei tha tinreng a awm rui e, a hlui leh thar. I tan ka khekkhal aw ka duhtak.

¹³Zawlaidi hloin rimtui a chhuah a, kan kawngka bulah thei tha tinreng a awm rui e, a hlui leh thar. I tan ka khekkhal aw ka duhtak.