Read Baibul, Mizo Isaia 1 Bible Online

Isaia 1 - Baibul, Mizo bible

Isaia 1

¹Amozaa fapa Isaian Juda-ho lal Uzia te, Jothama te, Ahazaa te, Hezekia te lal laia, Juda-ho leh Jerusalem chungchang thua inlarna a hmuh chu.

²Aw vante u, ngaithla u la, aw leilung, beng chhi rawh, LALPA chuan thu a sawi e: "Fanaute ka chawmin ka tiseilian a, ka chungah an hel ta si a.

³Bawngpain a neitu a hria a, sabengtung pawhin a pu chaw pekna a hre bawk a: Israelho erawh chuan an hre si lo a, ka mite chuan an ngaihtuah lo e," tiin.

⁴A! hnam sual, khawlohnaa khat, thi th alo tih ching, hnam nikhua lo an ni. LALPA chu an kalsan a, Israel-ho Mi Thianghlim chu hmusit a, intihrangin an hnung tawlh ta.

⁵Engati nge in hel zual deuh deuh a, vuaka in la awm cheu ni le? Lu chu a pumin a na a, thinlung pawh chu a pumin a chau ta.

⁶Kephah hnuai atanga lu thleng zakin dam lai reng reng a awm lo; pem te, vuak duk chur te, pan hnai late hlir a ni: chung chu an hmet ping lo a, an tuam hek lo a, sahriak an hnawih hek lo.

⁷In ram chu a tiau zo a; in khuate chu meiin a kang zo va: in ram chu ram dang miten in mithmuhah an ei zo a, ram dang mite tihchhiat angin a chhe zo ta.

⁸Zion fanu chu grep huana venbuk ang leh, fanghma huana thlam ang leh, khawpui hual vel anga hnutchhiahin a awm ta.

⁹Sipaihote LALPA chuan tihboral bang tlemte min lo zuahsak suh se la chuan, Sodom ang khan kan awm daih tawh ang a, Gomorra ang mai khan kan awm tawh ang.

¹⁰Sodom roreltute u, LALPA thu hi hre rawh u; Gomorra mite u, kan Pathian dan thu-ah hian beng chhi rawh u.

¹¹LALPA chuan, "In inthawina zozai hi ka tan eng nge a tangkaina awm? Berampa halrala hlante leh ran chawm thaute thau chu ka hne ta; bawngpate leh bram note leh kalpate thisenah pawh ka lawm lo e.

¹²Ka hmaa inlan tura in lo kal hian, ka biak in hung chhung kawtlai rah hi tuin nge phut che u ni?

¹³Thilpek mai maite chu rawn keng tawh suh u; englo rimtui chu ka tan thil tenawm tak a ni; thla thar te, chawlhni te, khawmpuia insawm khawm te mai mai chu ka ngaithei tawp lo mai.

¹⁴In thla tharte leh in hun bi nei kutte chu ka rilru chuan a hua a ni: ka tan thil hnawksak tak a ni; tuar ka ning tawh e.

¹⁵Tichuan in kut in phar hunah pawh in lakah ka mit ka hup tawh ang a: a ni, vawi tam tak in tanwgtai hunah pawh ka ngaithla tawh lo ang: in kutte chu thisenin a khat si a.

¹⁶Insil u la, intifai rawh u; ka mithmuh phak loah in thiltihte hi a sualna chu dah bo rawh u; sual tih hi bang tawh u la:

¹⁷thil tha tih zir tawh rawh u; rorelna fel zawng u la, hnehchhiana tuarte chu tanpui u la, pa nei lote chu rorelsak u la, hmeithaite chu sawipui rawh u," a tih ni.

¹⁸LALPA chuan, "Hawh teh u, i ngaihtuah tlang teh ang u! In sualte chu sen lar angin awm tawh mah se la, vur angin a var ang; sen duk angin sen tawh mah se la, beram hmul angin a awm ang.

¹⁹Tihnuam tak leh thu awih taka in awm chuan, in rama thil thate hi in ei ang:

²⁰nimahsela in duh loa in hel chuan, khandaihin a ei zo ang che u: LALPA ka chuan chu chu a sawi tawh a ni," a ti a.

²¹Engtizia nge khawpui rinawm tak chu nawhchizuarah a lo chan tak le aw! Rorel felnaa khatnu a nih thin vei nen! Amahah chuan felna a wm thin a, tunah erawh chuan tualthattute an awm tak zawk hi.

²²I tangka chu a ekchhiaah a lo chang ta a, i uain chu tui nen pawlh a lo ni ta.

²³I mi liante chu mi helhmang, rukrute thian an ni a; mi tinin tham an duh a, lawmman an um thin: pa nei lo te ro an relsak thin lo a, hmeithaite thute lah an hnenah a thleng ngai hek lo.

²⁴Chuvangin, Lalpa, Sipaihote LALPA, Israel-ho Mi Chaka chuan heti hian a sawi a: "A! mi dotute hi ka tifikiang mai ang a, ka hmelmate chungah phuba ka la ang:

²⁵tin, i chungah ka kut ka thlak leh ang a, i ekchhia chu fai takin ka tibo ang a, i suan zawng zawng chu ka la bo vek ang:

²⁶tin, i chunga roreltute chu a tira an awm ang khan ka awmtir leh ang a, i chhunga remruattute chu a hmasa bera an awm ang khan ka awmtir leh bawk ang: chu mi hnuah chuan, 'Felna khawpui, khawpui rinawm tak,' an la ti ang che.

²⁷Zion chu rorelna fela chhan chauh a ni tawh ang a, a chhunga mi hawikir lehte pawh felnaa chhan chhuah an ni ang.

²⁸Nimahsela, bawhchhetute leh mi sualte tihchhiatna chu a awm rual ang a, LALPA kalsantute pawh tihboralin an awm ang.

²⁹In sasaw duh takte chu in zahpui tawhin, in huan thlante avang chuan zak takin in awm dawn a ni.

³⁰Sasua a hnah uai tawh leh huan tui hmu lo ang mai hi in ni dan si a.Tin, mi chak tak chu ziza tawm ang a ni tawh ang a, a hnathawh chu meisi ang a ni ang; tichuan an kang dun ang a, tuma'n an timit lo ang," tiin.

³¹Tin, mi chak tak chu ziza tawm ang a ni tawh ang a, a hnathawh chu meisi ang a ni ang; tichuan an kang dun ang a, tuma'n an timit lo ang," tiin.