Read Baibul, Mizo Isaia 10 Bible Online

Isaia 10 - Baibul, Mizo bible

Isaia 10

¹Dan chimawm tak siam a, thupek khirh tak ngaihtuah chhuaktute u, in chung a pik e!

²Hetiang hian mi khawngaihthlakte dik takin in relsak duh lo a, retheite that vena tur in dang tlat a, hmeithaite in ei a, fahrahte in rawk a.

³Tichuan, an kan niah che u leh hla tak atanga tiauna lo thleng turah chuan eng nge in tih tak ang le? tanpui dilin tu hnenah nge in tlan tak ang le? In ropuina chu khawiah nge in hnutchhiah tak ang le?

⁴Salho hnuaiahte an kun ang a, thahho hnuaiahte an tlu ang, chu chauh chu an chan a ni tawh ang. Chuti kauva a tih pawh chuan a thinur chu a la reh si lo a, a kut chu a la lek ta cheu a.

⁵Hawh Assuria mi, ka thinurna talhtum, ka lungnih lohna kengtu tiang!

⁶Rallak la tur leh, thil laksak la tur leh, kawtthler chirhdiak anga rap turin ani chu Pathian zah lo hnam do turin ka tir ang a, ka thinurna mite beit urin thu ka pe ang.

⁷Nimahsela ani chuan chutiang chu a tum ani lo a, chutiang chu arilru pawhin a ngaihtuah hek lo; hnam tam namena tam lo tihchhiat leh tihboral a ni a rilruk zawk ni.

⁸Ka mi lian zawng zawngte hi lal vek an ni lo'm ni?

⁹Kalno khua chu Karchemis khua ang mai ani tawh lo'm ni? Hamath khua chu Arpad khua ang mai ani tawh lo'm ni? Samari khua chu Damaska khu ang mai a ni tawh lo'm ni?

¹⁰ka kut hian milemho ram, Jerusalem khua leh Samari khuaa mi aia milem siam chawp tha zawk neitu pawh, a zang chhuak ta si a,

¹¹Samari khua leh a milemte chunga ka tih ang khan Jerusalem khua leh a milemte chungah pawh hian ka ti ve lo ang ang em ni?" a ti si a.

¹²Chumi avang chuan heti hi a ni ang a, Lalpa chuan Zion tlang leh Jerusalem khaw chunga a hnathawh tur zawng zawng a thawh zawh hunah chuan, Assuria lal rilru uangthuang rah leh a mit chapo ropina chu ka la hrem ang.

¹³Ani chuan, "Ka kut chaknain ka ti a ni, ka finna nen hian; ka bengvar si a: chi tin, ramrite lah chu ka sawn a, an rote lah chu chhushak a, lalthutphaha thute lah chu mi huai tak tih angin ka hnuk thla ta a:

¹⁴ka kut hian chi tin, hausaknate lah chu sava bu angin a zawng chhuak a; miin sava tui a pui rauhsan hnute an la angin leulung luah zawng zawng hi ka la vek a a ni: thla zap emaw, ka ang emaw, hram emaw reng reng pawh an awm lo," a ti vei si a.

¹⁵Hreipui hian thl chehna'na a hmangtu chu a uankhum dawn em ni? Thingzaina hian a hruttu chu a hnuaichhiah danw em ni? Talhtumin alektute chu a lek vel zawk ang emaw, tiangin thing ni si lo a lek zawk ang emaw mai hi a ni.

¹⁶Chuvangin Lalpa, sipaihote LALPA chuan, a mi thaute zingah chuan cherna a tir ang a; a ropuina hnuaiah chuan mei alh lai mek ang hian mei chhemin a awm ang.

¹⁷Tin, Israel-ho entu chu mei atan a ni ang a, an Mi Thianghlim chu mei alh atan ani bawk ang: chu chuan ni khat thilah a hnimhlingneite leh a buarte chu a tikangin a tiboral ang,

¹⁸A ram ngaw leh a lei tha hmun ropuina pawh chu, thlarau leh taksa lamin, a tioboral ang: tichuan, chhinchhiahna kengtu a chauh hun lai ang a ni ang.

¹⁹A ram ngawa thing la awm chhunte chu naupang ziak tham leka tlem a ni tawh ang.

²⁰Tin, chumi niah chuan heti hi a ni ang a, Israel-ho la awm chhunte leh Jakoba chhungte zinga a la damte chuan anmahni thattu chu an ring leh tawh lo ang a; LALPA Israel-ho Mi Thianghlim chu, tihtakzetin an ring tawh zakw ang.

²¹A la awm chhun, Jakob-ho la awm chhunte chu, Pathian chak tak hnenah chuan an la kir leh ang.

²²I mi Israel-ho chu tuifinriat tiau vaivut zatin awm mah se la, a la awm chhunte chauh chu an kir leh dawn si a:

²³rorelna dik tak chuan a tihchhiat vek tur an ni.

²⁴Lalpa, Sipaihote LALPA chuan, tawpna, tawpna thleng ngei tura ruat tlat chu, lei chung zawng lailiah chuan a la siam dawn si a.

²⁵Chuvangin Lalpa, sipaihote LALPA chuan, heti hian a ti, "Aw ka mi, Zion-a awmte u, Aigupta rama an tih ang khan talhtuma vua che uin a tiang chu in chungah lek mah se la Assuria m chu hlau suh u.

²⁶rei lo te achinah chuan lungnih lohna chu hrikthlakin a awm tawh ang a, ka thinurna pawh anmahni tihborlnain hrikthlakin a awm tawh ang.

²⁷Oreb lungpuia Midian-ho an thah lai ang khan sipaihote LALPA chuan amah bei turin vuakna chu a chawk tho ang a: a tiang chu tuifinriat chung lamah a awm ang a, Aigupta rama a lek ang khan a lek ang.

²⁸Chumi niah chuan heti hi a ni ang a, aritphurh chu i koki ata lak boin a awm ang a, a nghawngkawl chu i nghawng ata lak boin a awm bawk ang: hriak thih avang chuan nghawngkawl chu tihchiatin a awm tawh ang," tiin.

²⁹Aiath khua a thleng ta, Migron khua a kal tlang ta; Mimkas khuaah a bungrua a dah ta;

³⁰kawnah an liam ta; Geba khuaah an riak ta: Ramah khawho chu an khur an khur ta; Saula Gibeah khawho chu an tlan bo ta.

³¹Aw Galim khaw fanu! I awin ring takin au rawh; aw Laisah khua! Ngaithla rawh; aw Anathoth, i va khawngaihthlak em!

³²Madmenah khawho tlan boin an awm ta; gebim khuaa awmte chu tlan bo tumin an inhawrkhawm luai luai e.

³³vawiin ngei hian Nob khuaah a cham dawn: Zion fanu tlang, Jerusalem mual pawng chu, a kut a thin khum e.

³⁴Ngai teh, Lalpa, sipaihote LALPA chuan, thil rapthlak takin a zarte chu sat thla ang a: sang tak takte chu kihin a awm ang a, a lawr bikte pawh chu rawt hniamin a awm ang.Thirin ramhnuai thing bik takte chu a kit ang a, Lebanin sidar thingte chu mi ropi kihin a tlu dur dur ang.

³⁵Thirin ramhnuai thing bik takte chu a kit ang a, Lebanin sidar thingte chu mi ropi kihin a tlu dur dur ang.