Read Baibul, Mizo Isaia 13 Bible Online

Isaia 13 - Baibul, Mizo bible

Isaia 13

¹Babulon khaw phur rik Amozaa fdapa Isaian a hmuh chu.

²Mi liahnbo kawngkaahte chuan an luh theihna turin tlang kawlh vulah chuan chhinchhiahna tar chhuak u la, ring takin anni chu au u la, kutin zaizir rawh u.

³Keimah ngeiin ka mi ruatho chu thu ka pe ta, a ni, ka mi chak tak, ka mi induh taka hlimte chu, ka thinur hrithlatu atan ka ko ta.

⁴Chu! Tlanga mipui au thawm, mipui tam tak thawm ang mai chu! Chu! hnam tin rama mi awm khawmho sa mur mur thawm chu! Sipaihote LALPA chuan ral bei turin Sipaiho a pun hlawm anih chu.

⁵Anniho, LALPA leh a lungnih lohna hriamhreite chu, ram hla tak ata, kawl kil tawp ret atangin ram zawng zawng hi tichhe turin an lo kal a ni.

⁶Chiau vak vak rawh u; LALPA ni chu a hnai tawh si a; Engkimtitheia atanga tihchhiatna a lo thleng angin a lo thleng dawn e.

⁷Chuvangin kut zawng zawng a chak lo ang a; mirhing thinlung tinreng pawh a tuiral ang:

⁸tin, an hlau vang a; natna leh lungnih lohnate chuan a man hlawm ang a; hmeichhe nau vei ang maiin an na ang: mak intitawnin an awm hlawm ang; an hmelte chu meiahlh hmel ang mai a ni ang.

⁹Ngai teh, ram titiau tur leh chuta mi sualte chu a chhung ata tiboral turin LALPA ni chu nasa takin thinrimna leh thinurna nasa tak nen, a lo thleng dawn e.

¹⁰van arsite leh a chhohreivungte chu an eng an chhuah lo ang a; ni chu a chhuah laia tihthimin a awm ang a, thla pawhin a eng chu a entir dawn tawh lo a ni.

¹¹Tin, khawvel hi an sualna avangin ka hrem ang a, mi suaksualte chu an khawlohna avangin ka hrem bawk ang; tin, mi chapo tawng chaltlai chu ka tireh ang a, mi hlauhawm chapona chu ka tihniam bawk ang.

¹²Mi hi rangkachak thianghlim ai pawha vang zawkin ka siam ang a, mihring ngei hi Ophir rangkachak thianghlim ai pawha vang zakwin ka siam ang.

¹³Chutichuan, van khi ka tikhur ang a, sipaihote LALPA thinrim avangin, a thinurna nasa tak niah chuan, lei pawh hi a awmna hmun sawn dawrh khawpa tihnghinin a awm ang.

¹⁴Tin, heti hi a ni ang a, sakhi um nek ang leh beram tuma khalh khawm loh angin mi tinin mahni chipuite lam theuh an hawi ang a, mi tin mahni ram lamah theuh an tlan bo ang.

¹⁵Tupawh an hmh apiang chhunt langin an awm ang a, tupawh an man apiang khandaiha tihtlukin an awm ang.

¹⁶An nausente pawh an mithmuhah sawm dep khawpa lei vuakna'na hmanin an awm ang a; an inte chu rawkin a awm ang a, an nupuite chu pawnsual tawkin an awm bawk ang.

¹⁷Ngai teh, Media-ho anmahni bei turin ka chawk tho ang a, chungho chuan tangka an ngaihsak lo ang a, rangkachak ah pawh an lawm lo ang.

¹⁸An thla ngulte chuan tlangvalte chu a tisawm ang a; mi rila rah khawngaihna reng reng an nei lo ang a; an mit chuan naupangte a zuah lo ang.

¹⁹Tin, Babulon, ram tin, ropuina, Kaldai-ho chhuan thil mawi tak chu, Pathianin Sodom leh Gomorra a tihboral lai ang khan a la awm ang.

²⁰Engtikahmah chutah chuan mi an awm tawh lo ang a, chhuan awm chhung zawng zawng chuan a chhungah awm an awm hek lo ang: Arab miten chutah chuan an puan in chu an zar hek lo ang a; beram vengtuten chutah chuan an beram rualte chu an bawhtir hek lo ang.

²¹Thlalera ram sate chutah chuan an bawk ang a; an inte chu thil nung ngui taktein a khat ang a; sava ngahwngseite chutah chuan an cheng ang a, satharte chutah chan an tualchai tawh zawk ang.Tin, chinghniate chu an kulh bingah chuan an hram ang a, sihalte pawh an lal in nuam takahte chuan an hram bawk ang: tin, a hrem hun tur chu a thleng dawn tawh a, a nite pawh tihseiin a awm lo ang.

²²Tin, chinghniate chu an kulh bingah chuan an hram ang a, sihalte pawh an lal in nuam takahte chuan an hram bawk ang: tin, a hrem hun tur chu a thleng dawn tawh a, a nite pawh tihseiin a awm lo ang.