Read Baibul, Mizo Isaia 16 Bible Online

Isaia 16 - Baibul, Mizo bible

Isaia 16

¹Ram roreltu tan beram note chu Sela khua thlaler lama awm atang chuan Zion fanu tlangah chuan thawn rawh u.

²Tichuan, Moab fanute chu sava, a bu ata rau darha thlawk thlawkte angin Arnon lui kaiah an awm dawn nia.

³rem min ruatsak la, ro min relsak rawh; i hlim chu chhun laiah zan angin siam la: hnawh chhuahte chu bihruktir rawh; tlan bo chu mantir suh.

⁴Moab zinga mi hnawh chhuaha awmte chu i hnenah awm rawh se; an tan tichetu hmel lakah chuan bihrukna hmun ni rawh: hleprutu chu engmah loa siamin a awm ta si a,tihchhiatna a reh ta a, hnehchiahtute chu ram atang hian tihboralin an awm ta.

⁵Tichuan lalthutphah khawngaihnaa tihnghehin a awm ang a, chumi chungah, Davida puan inah chuan, mi pakhat, rorelin, rorelna fel zawngin, thil fel rang taka ti nghalin, tihtakzetin a thu ang.

⁶Moab-ho chapona thu, an chapo em em ani tih kan lo hria a; an tawng chaltlaizia leh, an chapoizia leh, an thinurzia thu chu; an uannate chu engmah a ni lo.

⁷Chuvangin Moab-ho chu Moab ho chungah an chiau vak vak ang: Kir-ha-reseth grep rep hlawm chu lungchhe vankaiin in la tah chhan ang.

⁸Hesbon lote chu a chau zo ta si a, Sibmah grep hrui nen: hnam tin lalte chuan a kung tha mite chu an titliang pheng phung a; Jazer khaw thleng thlengin a zam hlawm a, thlalerah a za lut a; a pengte chu a zma darh sung a, tuipui chu a zam kai ta a.

⁹Chuvangin Sibmah grep hrui chu Jazer tahin ka tah ang a: aw Hesbon leh Elealeh, ka mittuin ka leih ang che: i nipui rahte chungah leh i buh seng chungah chuan inbei au thawm chu a tla ta si a.

¹⁰Lawmna chu laksakin a awm ta, lo tha tak atangte chuan hlimna chu laksakin a awm ta bawk a; grep huanahte chuan hla sak reng reng a awm tawh lo ang a, thawm hlimawn reng reng a awm tawh hek lo ang; grep sawrna khurahte chuan rap sawrtu reng rengin uain an rap chhuak tawh lo ang; grep seng au chu ka tireh ta.

¹¹chuvangin ka rilte hi Moab khawngaih avangin tingtang angin a ri a, ka kawchhung chu Kir-heres khawngaih avangin tingtang angin a ribawk a.

¹²Tin, heti hi a ni ang a, Moab chu a inlan hunah, hmun sangah intihaha, tanwgtai tura a hmun thianghlim a alo kal hunah chuan a hlawhtling lo ang.

¹³Chung chu Moab chungchang thu LALPA'n tun hma lama a sawi kha a ni.Tunah erawh chuan LALPA'n, "Inhlawhfa kum chhiar kum thum chhungin Moab ropuina chu, a mipui tam takte chawpin, hmuhsitawma awmtirin a awm ang a; a la awm chhunte chu tlemte tak meuh sawi tham loh an ni ang," tiin, a sawi ta.

¹⁴Tunah erawh chuan LALPA'n, "Inhlawhfa kum chhiar kum thum chhungin Moab ropuina chu, a mipui tam takte chawpin, hmuhsitawma awmtirin a awm ang a; a la awm chhunte chu tlemte tak meuh sawi tham loh an ni ang," tiin, a sawi ta.