Read Baibul, Mizo Isaia 19 Bible Online

Isaia 19 - Baibul, Mizo bible

Isaia 19

¹Aigupta ram phur rit chu.Ngai teh, LALPA chu chhum chak tak chunga chuangin Aigupta ram a lo thleng ta e: Aigupta ram milemte chu a hmaah chuan an khur zawih zawih ang a, Aigupta-ho thinlung chu an kawchhungah a tuiral mai ang.

²Tin, Aigupta mite chu Aigupta mite vek bei turin ka chawk tho ang: tichuan, mi tinin mahni unau beiin, mi tinin mahni thenawm beiin, an inkap ang; khua leh khua an inbei ang a, ram leh ram an inbei ang.

³Tichuan, Aigupta-ho thlarau chu an kawchhungah chuan engmah loa siamin a awm ang a; an remruat chu ka tichhia ang: tichuan, milemte leh, aikaihthiamte leh, ramhuai aienthiam zalwte leh, dawithiamte chu an rawn ang.

⁴Tin, Aigupta mite chu hotu nunchhe tak kutah chuan ka hlan ang a; tichuan lal kawlh takin an chungah ro a rel tawh ang. Lalpa, sipaihote LALPA chuan a ti.

⁵Tin, tuipui tuite chu a kang ang a, lui chu a luang boin a lo kangchat tawh ang.

⁶Luite ch a rimchia ang a; Aigupta ram tuiluangte chu a kam telh telh ang a, a kangchat mai ang: phairuangte leh tui hnimte chu a vuai zo ang.

⁷Nile lui kianga, Nile lui kam ngeia, ran tlatna phulte leh, Nile lui kianga thil chin zawng zawngte chu a lo ro ang a, len boin a awm ang a, a awm tawh lo ang.

⁸sangha mantute pawh chu an tap ang a, Nile luia nghakawi khai thinte zawng zawngte chu an awm an inchum chau tawh ang.

⁹Chu lo pawh chu ziza zai sin dke mite leh puan ngo tah mite chu an mualpho ang.

¹⁰Tin, a lung bante chu tihsawmin a awm ang a, inhlawhfa thin zawng zawngte chu an rilrui an lungngai ang.

¹¹Zoan khuaa mi liante chu an a ngawt mai: Pharaoa remruattu fing berte remruat chu sa remruat ang mai a lo ni ta; Pharaoa hnenah, "Mi fing fapa, hmasang lalho fapa ka ni," engtiziaa ti thin nge in nih?

¹²Khawiah nge i mi fingte chu le? Anni chuan hrilh nghal che rawh se; Aigupta ram chung thil thleng tur sipaihote LALPA ruatte chu, hre rawh se.

¹³Zoan khua ami liante chu mi a an lo ni ta a, Noph khuaa mi liante chu bumin an awm ta; Aigupta hnamho kila lungte chuan Aigupta-ho chu an vah botir ta.

¹⁴LALPA chuan Aigupta-ho zingah luhlulna thlarau a awmtir ta: tichuan zu rui mi chu a luakah a pai thlawk thlawk ang hian Aigupta-ho chu an hnathawh tinrengah a kal kawitir ta.

¹⁵Aigupta-ho tan luin emaw, meiin emaw, tum kauin emaw, phungladinin emaw thawhsak theih a awm tawh hek lo ang.

¹⁶Chu mi niah chuan Aigupta-ho chu hmeichheho ang an ni ang a: sipaihote LALPA kut thin chu an chunga a thin avangin an khurin an hlau ang.

¹⁷Juda rama awmho chu Aigupta-ho tan chuan rapthlak tak an lo ni tawh ang a, an hming an lamna apiangte chuan an hlau vang, an chunga thleng tur sipaihote LALPA thu ruat avang chuan.

¹⁸Chu mi niah chuan Kanaan-ho tawnga tawng leh,sipaihote LALPA hnenah chhechhama thu tiam thinte chu, Aigupta ram chhungah khaw panga a awm ang a; pakhat chu Boralna Khua an ti ang.

¹⁹Chu mi niah chuan Aigupta ram laiah chuan LALPA tan maicham a awm ang a, a ramriah chuan LALPA tan lungphun a awm ang.

²⁰Chu chu Aigupta ram a sipaihote LALPA tan chuan chhinchhiahna leh hriatna a ni ang: hnehchhiahtute avangin LALPA an la au dawn si a, tichuan anin chhandamtu leh humhimtu a tir ang a, ani chuan anniho chu a chhan chhuak ang.

²¹Tichuan LALPA chu Aigupta mite chuan chu mi niah chuan LALPA chu an hre tawh ang;a ni, inthawina leh thil pekin chibai an buk ang a, LALPA hnenah chuan thu an tiam ang a, an hlen bawk ang.

²²Tin, LALPA chuan Aigupta-ho chu a vua ang; a vua ang a, a tidam bawk ang; tichuan LALPA hnenah an kir leh ang a, ani chu anmahni ngen thlukin a awm ang a, anmahni a tidam ang.

²³Chumi niah chuan Aigupta ram atangin Assuria ram thlengin lamlian a awm ang a; tichuan Assuria mite chu Aigupta ramah an kal ang a, Aigupta mite chu Assuria ramah an kal bawk ang; Aigupta mite chuan Assuria mite nen Pathian chibai an buk tlang tawh ang.

²⁴Chumi niah chuan Israel-ho chu Aigupta-ho leh Assuria-ho pathumtu an n ni ang a, lei lailiah hian malsawmna an ni ang:sipaihote LALPA chuan, "Ka mi Aigupta-hpte leh ka kut chhuak Assuria-hote leh ka rochan Israel-hote chu malsawmin awm rawh se," tiin, mal a sawm si a.

²⁵sipaihote LALPA chuan, "Ka mi Aigupta-hpte leh ka kut chhuak Assuria-hote leh ka rochan Israel-hote chu malsawmin awm rawh se," tiin, mal a sawm si a.