Read Baibul, Mizo Isaia 2 Bible Online

Isaia 2 - Baibul, Mizo bible

Isaia 2

¹Amozaa fapa Isaian Juda-ho leh Jerusalem chungchang thu a hmuh chu.

²Ni hnuhnungahte chuan heti hi a ni ang a, LALPA in amwna tlang chu tlang lian chungahte chuan tihnghehin a awm ang a, tlang te te chungah chuan chawisanin a awm bawk ang; chutah chuan hnam tinrengte chu an kal nguah nguah ang.

³Tin, chi tam takte chu an kal ang a, "Lo haw u la, LALPA tlangah, Jakoba Pathian inah chuan i chho ang u; tichuan ani'n a kawng chanchinte chu min zirtir ang a, a kalkawngahte chuan kan kal ang," an ti ang: Zion atang chuan dan thu chu a lo chhuak dawn si a, lalpa thu chu Jerusalem atnagin a lo chhuak dawn a ni.

⁴Tin, ani chuan hnam tin karah ro a rel ang a, chi tam tak pawh a zilhhau vang: tin, a khandaihte chu leilehna hmawr zumahte an chher ang a, an feite chu theikung ahchhumna chem kawmahte an chher ang: hnam dangin hnam dang chungah khandaih an lek tawh lo ang a, indo dan pawh an zir tawh hek lo ang.

⁵Aw Jakoba chhungte u, lo haw u la, LALPA engah i leng ang u.

⁶Khawchhak lam tih dan te, Philistia dawite an ching a, ram dang mite tihdante an zawm tak avangin i mi Jakoba chhungte chu i kalsan ta a.

⁷An ram chu tangka leh rangkachakin a khat a, an sumte chu chhiar sen rual a ni hek lo; an ram chu sakawrin a khat a, an tawlailirte chu chhiar sen rual a ni hek lo.

⁸An ram chu milemin a khat a: anmahni kuta thawh chhuah, anmahni zungtangtea siam chu, an be thin.

⁹Mi tete chu tihhniamin an awm a, mi liante chu tihlawmin an awm bawk a: chuvangin anni chu ngaidam suh ang che.

¹⁰LALPA hlauhawmna lak atang leh a mawina ropuina lak atang chuan lungpuiah chuan lut u la, vaivutah biru rawh u.

¹¹Mihring induhnate chu tihlawmin a awm ang a, mite chapona chu tihhniamin a awm ang, chu mi niah chuan LALPA chauh chu chawisanin a awm ang.

¹²Sipaihote LALPA ni chu inngaisang leh chapo zawng zawng chungah leh chawisana awm zawng zawng chungah chuan a la awm dawn si a; tichuan tihtlawmin an awm ang:

¹³Lebanon tlanga sidar thing sang tak leh chawisana awmte zawng zawng chungah te,

¹⁴tlang lian sang tak chungah te, tlang te chawisana awm zawng zawng chungah te,

¹⁵in sang, sang tak zawng zawng chungah te, kulh tlangpui bang nei zawng zawng chungah te,

¹⁶Tarsish lawng lian zawng zawng chungah te, thil lem duhawm zawng zawng chungah te pawh a la awm ang.

¹⁷Mihring induhnate chu tihhniamin a awm ang a, mite chapona chu tihlawmin a awm ang: chu mi niah chuan LALPA chauh chu chawisanin a awm ang.

¹⁸Tin, milemte chu an boral daih ang.

¹⁹Tin, lei hi nasa tak taka tinghing tura a thawh hunah, LALPA hlauhawmna lak atang leh mawina ropuina lak atang chuan mite chu lungpui pukahte leh lei kuaahte chuan an lut ang.

²⁰Chu mi niah chuan miten an tangkaraw milemte leh an rangkachak milem te, biak tura an siamsakte chu, buikelek hnenahte leh bak hnenahte chuan an paih ang a;

²¹lei hi nasa tak taka tinghing tura a thawh hunah, LALPA hlauhawmna lak atang leh a mawina ropuina lak atang chuan, lungpui pukahte leh kham lungpui khu-ahte chuan an lut ang.An hnar chauha thaw awm mihring rin hi bansan tawh rawh uL eng kawngah nge rin tlak an nih tehlul ni?

²²An hnar chauha thaw awm mihring rin hi bansan tawh rawh uL eng kawngah nge rin tlak an nih tehlul ni?