Read Baibul, Mizo Isaia 21 Bible Online

Isaia 21 - Baibul, Mizo bible

Isaia 21

¹Tuipui thlaler phur rit chu. Chhim rama thawngaleivir a kal tlang angin thlaler atangin, ram hlauhawm tak atang chuan, a lo kal e.

²inlarna khirhkhan tak ka hnenah hriattir a ni tawh; vervek taka titu chuan vervek takin a ti a, rawktu chuan a rawk a. Aw Elam-ho, kal chho rawh u; aw Media-ho hual rawh u; an rumna zawng zawng chu ka tireh vek tawh e.

³Chuvangin ka kawngte hi natna nasa takin a khat a, hmeichhe nau vei natna anga natnain mi man ta: benga hre thei anga natnain mi man ta: benga hre thei lo khawpin na ka tuar a, khaw hmu thei lo khawpin ka mangang a.

⁴ka thinlung hi a thaw hlawp hlawp a, thil rapthlak takin mi tihlau va: tlai nem ka nghahhlelh thin kha ka tan khurhnaah a chang ta.

⁵Dawhkan chu an buatsaih a, ralvengtu chu an ventir a, an ei a, an in a: mi lainate u, tho u la, phaw kha hriak hnawih rawh u.

⁶Lalpa chuan ka hnenah heti hian a sawi a ni, "kal la, ralvengtu ventir rawh; ani chuan a thil hmuh chu sawi rawh se:

⁷tin, sipai pawl te, sakawr chung chuan, a kawp zela kal te, sabengtung pawl te, sanghawngsei pawlte a hmuh hunah chuan ngun takin a ngaithla kiau vang," tiin.

⁸Tin, ani chu sakeibaknei angina au a; "Aw LALPA, chhunah chuan ralven buk chungah hian ka ding fo a, zankhua khuain ka vennaah hian mi awmtir fo a:

⁹ngai teh, hetah hian mihring paw, sakawr chung chuang, a kawp zela kal an lo kal e," tiin. Tin, amah vek chuan, "Babulon khua chu a tlawm ta, a tlawm ta; an pathianho milem siam chawpte zawng zawng chu leiah tihkeh sawmin a awm ta," tiin, a chhang a.

¹⁰Aw ka buh vuaksa, ka hruiha buh: sipaihote LALPA, Israel-ho Pathian laka ka hriat chu ka hrih che u a nih hi.

¹¹Dumah phur tir chu. Miin Seir tlang atangin mi au a, "Ramvengtu, zan hi engti nge ni tawh? Ralvengtu zan hi engti nge ni tawh?" tiin.

¹²Ralvengtu chuan, "Zing a lo ni dawn ta e, zan pawh; in zawh duh chuan zawt rawh u: hawi leh u la, lo kal rawh u," a ti a.

¹³Arabia ram chunga phur rit chu. Aw Dedan-ho khualzin pawl tinte u, Arabia rama ramhnuaiah in riak ang.

¹⁴Tuihal hnenah chuan tui an rawn la a, tema rama awmte chuan an chawin tlan bote chu an hmuak a.

¹⁵Khandaihte lakah, khandaih phawi sa lakah leh, thal ngun khawih sa lakah leh indona nasa tak lak ata tlan bo an ni si a.

¹⁶LALPA chuan heti hian ka hnenah a sawi si a, "Inhlawhfa kum chhiar kum khat chhungin Kedar-ho ropuina zawng zawng chu a bo zo ang a,thal kap mi, Kedara thlahte zinga mi chak tak la awm chhun chu, tlem te an ni ang: LALPA, Israel-ho Pathian chuan, chu chu a sawi tawh si a," tiin.

¹⁷thal kap mi, Kedara thlahte zinga mi chak tak la awm chhun chu, tlem te an ni ang: LALPA, Israel-ho Pathian chuan, chu chu a sawi tawh si a," tiin.