Read Baibul, Mizo Isaia 27 Bible Online

Isaia 27 - Baibul, Mizo bible

Isaia 27

¹Chumi niah chuan LALPA chuan, a khandaih hriam tha tak, lian pui, rinawm tak chuan, liviathan rulpui chak tak leh liviathan rulpui chhawkawlh nghut chu a hrem ang a, tuipuia drakon awm chu a that bawk ang.

²Chu mi niah chuan, grep huan mawi tak chawimawiin hla sa rawh u.

³Kei LALPA hi a vengtu ka ni; mitkhapkar tinin tui ka leih ang a, tuma'n an khawih lohna'n achhun azanin ka veng ang.

⁴ka thin a rim tawh lo va: buar leh hnimhlingneite lo awm mah se ka thlo veng a, hmun khatah ka hal ral ang.

⁵Kei min rem duh chuan ka angchhungah lo tlu lut se, mi rem rawh se.

⁶Hun lo la thleng turah chuan Jakob-ho chuan zung an kai ang a; Israel-ho chu an kuhmumin an par ang: tichuan lei chung hi rahin a tikhat ang.

⁷Amah vawtute a vuak ang takin amah chu a vaw ve em ni? A nih loh leh, ama thahte thahna ang takin amah chu thahin a awm em ni?

⁸Amah chu i kal botir laiin a tawk lekin amah chu i hnial a; khawchhak thli tleh niah chuan a thaw na tak chuan amah chu a len sawn ta.

⁹chuvangin hei hian Jakob-ho khawlohna chu tlenfai a ni ang a, hei hi an sual kal bopuina rah hlir a ni; Aserte leh ni lemte chu tho tawh lo tur khawpin maicham lung zawng zawng chu tlak lung den phel ram rum ang maia an siam hi.

¹⁰Khua kulpui nei chu a khawhar a, awmna mi hnuchhawn leh kalsan hnu a ni ta si a, thlaler ang maiin: chutah chuan bawng no a tla ang a, chutah bawk chuan a bawk ang a, a tangte chu a ei ang.

¹¹A zarte chu a vuai hun chuan thliahin a awm ang; hmeichheho an lo kal ang a, an hla mai ang: hriat theihna reng reng nei lo mite an ni si a; chuvangin an siamtu chuan anni chu a khawngaih lo ang a, anmahni dintu chuan anni chu a duh reng reng a duhsak lo ang.

¹²Tin, chumi niah chuan heti hi a ni ang a, LALPA chuan, lui kuang khata luang dul dul atangin, Aigupta luite thlengin, a rah a vaw thla ang a, tichuan, aw Israela thlahte u, a mal mala chhiarin in am ang.Tin, chumi niah chuan heti hi a ni ang a, tawtawrawt lian pui an ham ang a; tichuan Assuria rama boral lek lekhote leh, Aigupta rama hnawh chhuahho awmte chu an lo kal ang a; Jerusalem khuaa tlang thianghlimah chuan LALPA chu chibai an buk ang.

¹³Tin, chumi niah chuan heti hi a ni ang a, tawtawrawt lian pui an ham ang a; tichuan Assuria rama boral lek lekhote leh, Aigupta rama hnawh chhuahho awmte chu an lo kal ang a; Jerusalem khuaa tlang thianghlimah chuan LALPA chu chibai an buk ang.