Read Baibul, Mizo Isaia 29 Bible Online

Isaia 29 - Baibul, Mizo bible

Isaia 29

¹E Ariel , Ariel, Davida awm hmun khuarna khua! Kumah kum belh rawh u; kutte chu lo thleng leh rawh se:

²chumi hunah chuan Ariel hi ka timangang ang a, tichuan sunna leh tahna a awm ang:tin, a ni chu ka tan Ariel ang a ni ang.

³Tin, nangmah bei tumin i velah ka ep ang chia, kulh siamin ka hual vel bawk ang chia, bei tur chein hual velna kulhbingte ka siam ang.

⁴Tichuan tihtlukin i awm ang a, lei hnuai atangin thu i sawi ang a, i tawng chu vaivut zingah zawitein a ri chhuak ang; i aw chu ramhuai aienthiam zawl aw ang lekin lei hnuai atangin a chhuak ang a, i tawng chu vaivut zing atangin a lo chhuak se se ang.

⁵Nimahsela nangmah dotu mipuite chu vaivut dip tak angin an awm ang a, mi hlauhawmho mipuite chu buhsi boral thinte ang hian an awm bawk ang: a ni, chu chu mitkhapkar loah a lo awm thut ang.

⁶Khawpui ri te, lirnghing te, ri nasa tak te, thawngaleivir te, thlipui te, thil kanralhmang meialh tein anni chu sipaihote LALPA hremin an awm ang.

⁷Tichuan Ariel dotu hnam zawng zawng mipuiho, amah leh a kulhbing beiotute zawng zawng leh amah timangangtu zawng zawngte chu, mumang ang lek an i ang, zana inlarna ang lek hi.

⁸Mi riltamin mumang a neihin chaw a lo ei thin a, nimahsela a han harh a, a kua chu a lo la ruak ang hi a ni ang: a nih loh leh, mi tuihalin mumang a neihin tui a lo in thin a, nimahsela a han harh a, a lo la chavuin tui a la chak ang hi a ni ang: Zion tlang beitu, hnam zawng zawng mipuiho chu, chutiang chu an ni ang.

⁹Ding reng u la, mak ti rawh u, nuam leng u la, mitdelin awm rawh u: an rui a, nimahsela uain avang a ni lo; an pai an pai a, nimahzela zu avang a ni lo.

¹⁰LALPA chuan mut duhna thlarau chu in chungah a leih bua a, in mit, zawlneite chu, a maimitchhintir a; in lu, hmu theitute chu, a khuh ta si a.

¹¹Tichuan inlarna reng reng in tan lehkhabu char tlata thu ang a ni ta, chu chu miten lehkha thiam mi hnenah "Khawngaih takin hei hi chhiar rawh," tiin an pe thin a: tin, ani chuan, "Ka chhiar thei lo, char tlat a nih hi," a ti thin a:

¹²tin, lehkhabu chu lehkha thiam lo mi hnenah, "Khawngaih takin hei hi chhiar rawh," tiin a pe thin a: tin, ani chuan, "Lehkha ka thiam lo," a ti thin.

¹³Tin, Lalpa chuan, "He mite hian mi rawn hnaih a, an ka leh an hmuiin mi chawimawi thin tak a, nimahsela an thinlung chu ka hlatah an sawn a, an mi tihna chu mihring thupek an inzirtir mai chu a ni:

¹⁴chuvangin, ngai teh, he mite zingah hian thilmak tak mai chu: tichuan an mi fingte finna chu a boral tawh ang a, an mi bengvarte hriatna chu thupin a awm tawh ang," a ti a.

¹⁵An remruat chu LALPA laka thup tura thuk taka zawngtute chu an chung a pik e! an thiltihte chu thim hnuaiah a awm a, "Tuin nge min hmu ang? Tuin nge hriat pawh min hria ang?" an ti a.

¹⁶Thilte hi in tiletling zo vek thin e a! Bel vawtu chu bellei ang leka ngaihin a awm dawn em ni, thil siam chuan a siamtu chu, "Ani mi siam ka ni hlei nem," a tih ni? A nih loh leh, thil din chuan a dintu chu "Hriatna reng a nei lo," a tih ni?

¹⁷Rei lo te chinah a ni lo'm ni? Lebanon chu lei tha tak hmuna chantirin a awm dawn a, lei tha tak hmun chu ram ngawa ngaihin a awm dawn?

¹⁸Chumi niah chuan bengngawngte chuan lehkhabu thute chu an bengin an hre tawh ang a, mitdel mitte chuan thim hnuai leh thim zing atangin a hmu tawh ang.

¹⁹Thuhnuairawlhte pawh chuan LALPAah chuan an hlimna chu an tipung tawh ang a, mihring zinga retheite chu Israel-ho Mi Thianghlimah chuan an lawm tawh ang.

²⁰Mi hlauhawm chu engmah loa siamin a awm tawh a, hmusittu chu a reh tawh a, khawlohna nghakheltute zawng zawng chu tihboralin an awm tawh si a:

²¹chungte chuan mi chu thupawi thu-ah thiltisualtuah an sia thin a, kulh kawngkaa ziltu awhna'n thang an kam thin a, mi fel chu thil engmah lo maiin an pumpelhtir thin.

²²Chuvangin LALPA, Abrahama tlantu chuan Jakoba chhungte chungchang thuah heti hian a ti: "Jakob-ho chu tunah chuan an mualpho tawh lo ang a, an hmai chu a dang tawh hek lo ang.

²³An fa, ka kut chhuakte chu, an zingah an hmuhin, ka hming chu an tithianghlim tawh zawk ang; a ni, Jakob-ho Mi Thianghlim chu an tithianghlim ang a, Israel-ho Pathian chu an tih tawh ang.Thlarauva vakbote pawh chuan an lo hre thiam tawh ang a, mi phunnawite chuan thu zirtir chu an zir tawh ang," tiin.

²⁴Thlarauva vakbote pawh chuan an lo hre thiam tawh ang a, mi phunnawite chuan thu zirtir chu an zir tawh ang," tiin.