Read Baibul, Mizo Isaia 30 Bible Online

Isaia 30 - Baibul, Mizo bible

Isaia 30

¹LALPA chuan, "Fa helhmangho chu an chung a pik e! chungho chuan mi an rawn a, kei erawh chu mi rawn si lo a, an sual chunga sual an belhchhahna turin khuhnain an khuh a, ka thlarau thuin erawh chuan an khuh si lo a.

²Pharaoa chaknaa intichak tur leh, Aigupta hlim ring turin, ka ka zawt si loin Aigupta rama chhuk tumin an kal a.

³Chuvangin Pharaoa chakna chu in mualphona a ni tah ang a, Aigupta hlim in lo ring hi in zahna a ni tawh ang.

⁴A mi liante chu Zoan khuaah an awm a, a palaite chuan Janes khua an thleng ta si a.

⁵An tan hnemhnanna reng nei lo mi, tanpui ni lo a, hnemhnanna nei mi ni hek lo a, zah leh hmingchhiatna ni zawkte chu, an zain an la zahpui ang," a ti a.

⁶Chhim rama sate phur rit chu. Manganna leh thlaphanna ram, sakeibakneinu leh sakeibakneipa, rulmuk leh rul alh thlawk thei chhuahna chu, an sum chu sabengtung no chungah te, an rote chu sanghawng sei zang pawngahte phurhtirin, an tana hnemhnanna nei lo mite hnenah pek turin, an kal tlang dual dual a.

⁷Aigupta chuan sawt lo tak leh tangkai lo takin a tanpui thin si a: chuvangin a ni, ani chu, "Rahab thu hle hle-i," ka vuah ni.

⁸Tunah kal la, chung chu an hmaa lehkha ziakna phekah ziak la, lehkhabuah pawh ziak rawh, tun hnua kumkhaw tlaitluan atan a nih theihna'n.

⁹Chungho chu mi helhmang te, fa dam theite, fa LALPA dan ngaithla duh lo te, an ni si a:

¹⁰hmutheitute hnena, "Hmutheitute hnena, "Hmu suh u," zawlneite hnena, "Thil dikte min hrilh lawk suh u, thilnuam lam kan hnenah sawi rawh u, bumna thu hrilh lawk rawh u:

¹¹kawng loah kal rawh u, kawng sirah peng rawh u, Israel-ho Mi Thainghlim chu kan hma ata hi tibo rawh u," ti thintute chu.

¹²Chumi avang chuan Israel-ho Mi Thianghlim chuan heti hian a sawi a, "He thu hi in hmusit avang leh hnechhiahna leh luhlulna in rin a, a chunga in innghah avangin,

¹³he khawlohna hi nangni tan chuan lung bang sang tak chhe lai, chim lek lek, pawng pur, vwailehkhatah mitkhapkar loa chhe rup tur ang hi a ni ang.

¹⁴Tichuan belvawtu bel an tikeh sawm ang hian, zuah awm hlek loa keh sawmin a them zingah lampei thuka mei lakna tur emaw, tuikhura tui thlana tur emaw pawh awm lo khawpin, a tikeh sawm ang," tiin.

¹⁵Lalpa PATHIAN, Israel-ho Mi Thianghlim chuan, heti hian a sawi tawh si a, "Kir leha chawla awmin, chhandamin in awm ang a, muang taka awmnaah leh ring taka awmnaah hian in chakna a awm ang," tiin: nimahsela in duh si lo.

¹⁶Ni lo, sakawr chung chuangin ka tlan dur dur ang," in ti zawk si a, chuvangin in tlan dur dur ngei ang: "Thil cha tak chungah kan chuang ang," tin, ti a; chuvangin a umtu tur che u chu chak tak an ni ang.

¹⁷Mi pakhat hrawkin mi sangkhat an tlan dur dur ang a: mi panga hrawkin in tlan dur dur ang: a tawpah chuan tlang chhipa pholeng tar ang leh, mual chunga chhinchhiahna awm anga hnutchhiahin in la awm mai ang.

¹⁸Chuvangin LALPA chuan a khawngaih theihna tur che uin a nghak ang a, chuvangin a lainat theihna tur che uin chawimawiin a awm ang: LALPA chu rorel felna Pathian a ni si a; amah nghaktute zawng zawng chu an eng a thawl e.

¹⁹Mite chu Jerusalem-a Ziona-ah chuan an awm dawn si a: in tap leh tawh lo ang; in au thawmah chuan ani chuan a khawngaih ngei ngei ang che u a; a hriat veleh a chhang ang che u.

²⁰LALPA chuan manganna chaw leh hrehawmna tui pe che u mah se la, in zirtirtute chu biruin an awm tawh lo ang a, in mitin in zirtirtute chu a hmu zawk tawh ang:

²¹tin, ding lama in pen veleh emaw, vie lama in pen veleh emaw, in bengin in hnung lama thu, "Hei hi kawng a nih hi, tah hian kal rawh u," tiin a hre zel ang.

²²Tin, in tangka milem siam tangka tia cheina leh, in rangkachak milem chhun rangkachak tuia luanna chu in tibawrhbang ang a: thil bawlhhlawh angin in paih tawh ang a, a hnenah chuan, "Kal bo daih rawh," ion ti ang.

²³Tichuan ani chuan i buh chi leia in tuh tur tan chuan ruah tui chu a pe ang a; leia thil tote pawh chu chawh a pe ang, chu chu tha tak, hlawk tak a ni ang: chumi niah chuan in rante chu ran tlatna hmun zau takahte chuan an tla ang,

²⁴bawngpa leh sabengtung no lei letutte chuan chaw leh sabengtung no lei lettute chuan chaw al, suahdur leh sisepa tihfai sa, an ei bawk ang.

²⁵Tin, inthahna nasa tak nia, ralven in sangte chu a chi ni chuan, tlang sang tinah leh mual pawng sang tinah chuan luipuite leh luite tui luangte a lo awm ang.

²⁶Chu lo pawh chu LALPA chuan a mite sil chu a tua a, an sahna pem chu a tihdam niah chuan, thla eng chu ni eng tlukin a awm tawh ang a, ni eng chu a lehsarihin, ni sarih chhung eng tlukin, a awm tawh ang.

²⁷Ngai teh, LALPA hming chu, a thinurnaa alh hluah hluain meikhu chhah mup chho ngut ngut zingah chuan, hla tak atangin a lo kal e: a hmuite chu lungnih lohnain a khat a, a lei chu thil kanralhmang mei ang a ni a:

²⁸a thaw chu, boralna thlangraa hnam tin thlei turin, lui nghawng thleng zeta a kuang liam dul dul ang a ni. Tin, mi tin kaah chuan hruai sualtirna hmuh dinna hrui a awm ang,

²⁹Tin, zana kut thianghlima an kut laia hla an sa angin hla in sa ang a; LALPA tlanga Israel-ho Lungpui hnen thlang tura phenglawng nen an kal laia thinlung hlimna an nei angin thinlung hlimna pawh in nei ang.

³⁰Tin, LALPA chuan a aw ropui tak chu a hriattir tawh ang a, a thinurna nasa tak leh thil kanralhmang meialhin, thlipui leh ruahpui leh rialin, a kut thlak dan chu a entir tawh ang.

³¹LALPA aw avang chuan Assuria mi, talhtuma mi vaw thintu chu, tihkeh sawmin a awm dawn tawh si a.

³²Ani chu tiang ruat saa LALPA'n a vuak apiangin khuang tete leh tingtangte nen a vua ang a: a tiang leka inbeinaahte chuan anmahni a bei ang.Tophet khuar zau tak leh thuk tak thing chheh khah lal halna tur an buatsaih daih tawh a, a tikang turin LALPA chuan kat lui anga luang mei a thaw chhuak ang.

³³Tophet khuar zau tak leh thuk tak thing chheh khah lal halna tur an buatsaih daih tawh a, a tikang turin LALPA chuan kat lui anga luang mei a thaw chhuak ang.