Read Baibul, Mizo Isaia 32 Bible Online

Isaia 32 - Baibul, Mizo bible

Isaia 32

¹Ngai teh, fel taka rorel tur lal a lo awm ang a, dik taka tithin hotute an lo chhuak bawk ang.

²Thlipui laka bikna hmun ang leh thlihrang laka inhumhimna ang a ni ang; thlalera lui luang ang leh ramrova lungpui lian tak hlim ang mai chu.

³An mit chuan chiang takin a hmu ang a, an beng pawhin fiah takin a hre tawh ang.

⁴Rilrua hmanhmawh chuan hriat thiam a zir ang a, dangawkte pawh nal takin an tawng thei ang.

⁵Mi sual chu tuma zah a kai lo ang a, mi duham chuan ngaihsan a hlawh hek lo ang.

⁶Mi sual chuan thu a a chhak chhuak a, suahsualna dang tur a suangtuah a, a thiltih leh a kam chhuakte chu LALPA elsen zawng hlir a ni; riltamte ei tur a laksak a, tuihalte in tur a tihbuaksak thin.

⁷Mi duham chu khawlo tak a ni; retheite chu dawt tichhe turin thil sual a phiar chhuak a, pachhiate pawh an diknaah pawh a dang tlat thin.

⁸Mi tha erawh chuan dik takin thil a ti a, thu dik a tan tlat thin.

⁹Hmeichhe nuam tawlte u, tho u la ka thu hi ngaithla teh u; fanu ngaihsamte u, ka thu sawiah hian beng chhi rawh u.

¹⁰Hmeichhe ngaihdamte u, kum khat leh ni eng zat emaw chinah chuan in mangang tah ang: grep lawh tur lah a awm dawn si lo a, lawh khawm turah chuan engmah a haw dawn hek lo.

¹¹Hmeichhe awm mai maite u, khur rawh u; mi ngaihsamte u, mangang takin awm rawh u; inhliup u la, saruakah insiam u la, in kawngahte chuan saiip puan veng rawh u.

¹²Lo duhawmte avang leh grep hrui rah duh mi avang chuan an awm an chum an chum ang.

¹³Ka mite ramah hian hnimhlingneite leh buarte chu a tla ang: a ni, khawpui hlimawm taka hlimna in zawng zawng chungahte chuan,

¹⁴Lal in chu kalsanin a awm dawn si a; mi tamna khawpui chu chhuahsanin a awm ang a; a mual pawng leh a ralven buk chu kumkhaw pukah te, ram sabengtung lawmna te, ran rual tlatna hmunte a ni ang;

¹⁵chunglam atangin a thlarau a rawn pe leh ang a, thlaler chu lei tha tak hmunah a chang ang a, lei tha tak hmun chu ram ngawa ngaiha a awm hun chuan.

¹⁶rorel felna chu thlalerah chuan a cheng ang a, felna chu lei tha tak hmunah chuan a awm ang.

¹⁷Tin, felna hnathawh chu remna a ni ang a, felnaa thil chhuak chu kumkhuaa muang taka awmna leh ring tlata awmna a ni ang.

¹⁸Tichuan ka mite chu ralmuanga awmnaah leh a nghet takahte leh chawlhna hmun muanawm takahte chuan an awm tawh ang.

¹⁹Nimahsela ram ngaw chu tithlu turin rial a tla dur dur ang a; khawpui chu tihtlawm derin a awm ang.Tui luanna zawng zawng kama chi theh thin a, bawngpa leh sabengtung thlah thintute u, in eng a thawl e.

²⁰Tui luanna zawng zawng kama chi theh thin a, bawngpa leh sabengtung thlah thintute u, in eng a thawl e.