Read Baibul, Mizo Isaia 33 Bible Online

Isaia 33 - Baibul, Mizo bible

Isaia 33

¹Nang rawk tawk ngai si lo a, rawktu, vervek taka tih tawk ngai si lov a, vervek taka titu, i chung a pik e! Mi rawk i ban hunah, rawk i la tawk ve ang ;a vervek taka i tih zawh hunah, i chungah vervek takin an ti ang.

²Aw LALPA, min khawngaih ang che; kan nghah reng che hi: tuk tin kan ban lo ni la, mangan hunah chuan min chhandamtu lo ni bawk ang che. Sa mur mur thawmah chuan mi tin an tlan bo ta a; nang i thawh meuh chuan hnam tin tihdarhin an awm ta.

³In sum rallaka lak tur pangangin thil a thiar khawm sup sup ang hian thiar khawmin a awm ang a khaukhuapte an zuang sup sup ang hian anniho chu sum chungah an zuang sup sup ang.

⁴LALPA chu chawisanin a awm ta; chung lamah khian a awm si a: ani chuan Zion chu rorel felna leh felnain a tikhat ta.

⁵I dam chhung chuan awm nghehna a awm ang a, chhandamna te, finna te, hriatnate a awm reuh vang: LALPA tihna chu a ro a ni.

⁶Ngai teh, an pasalthate chu pawn lamah an au a; remna palaite chu an tap zawih zawih a.

⁷lamliante chu a thing thiap thuap a, mi zin veivak chu an awm ta lo va: ani chuan thuthlung chu a bawhchhia a, khuate chu a hmusit a, mihring a ngaihsak tak lo.

⁸Ram chu a rapin a chau a: Lebanon chu a zakin a vuai a: Saron chu thlaler ang a ni ta; Baan leh Karmel chuan an hnahte an thing thla a.

⁹LALPA chuan, "Tunah chuan ka tho ang a, tunah chuan chawisanin ka awm tawh ang.

¹⁰Hnim ro in pai ang a, buh pawl in hring ang: in thaw chu nangmahni kang ral tur mei a ni.

¹¹Mi tinrengte chu chinai lung rawh ang, hnim hlingnei sam hnu meia an paih ang chu an ni ang," a ti a.

¹²Hla taka awmte u, ka thiltih hi bengin lo hre rawh u, hnaitea awmte u, ka thiltihtheihzia hi hre rawh u.

¹³Zion-a mi sual awmte chuan an hlau a; Pathian zah lo mite chu khurhnain a man ta. "Kanralhmang mei, kumkhuaa alh chu, kan zingah tu nge tuar thei awm ang?" an ti a.

¹⁴Fel taka awma dik taka sawi thintu; hnehchhiahnate hlawkpuina reng reng lungtena, tham la duh loa kut thinsana, thisen chhuah thu ngaithla duh loa beng hup a, sualna reng reng en duh loa maimitchhing thina chu;

¹⁵chu mi chu chunglamah a awm ang aL a kulhbing sang chu lungpui kulhbingte chu a ni ang a; a chaw chu a hnenah pek a ni ang a, atuite chu a awm ngei ngei ang.

¹⁶I mite chuan lal chu a mawinaah chuan an la hmu ang a, ram parh zau tak an la thlir ang.

¹⁷A chhiartu kha khawiah nge a awm tak? Chhiah chawi buktu kha khawiah nge a awm tak? Ralven in sangte chhiartu kha, khawiah nge a awm tak?" tiin, i thinlungin thil rapthlak tak kha i ngaihtuah ang.

¹⁸Mi kawlh ta, rawng ril tak i hriat theih loha tawng mite, tawng hrang i hriat thiam loha tawngte chu i hmu tawh lo ang.

¹⁹Kan kutna khawpui Zion chu en teh: i mitte chuan Jerusalem chu awmna muanawm tak, puan in engtik maha sawn lo tur, a kaih marna khen engtik maha phawi lo tur, a kaihna hrui reng reng chat lo tur ang chu, a hmu ang.

²⁰chutah chuan LALPA, lui zau tak tak leh lui tete awm thliah thluahna hmun chu, ropui takin kan hnenah a awm zawk ang: chung tui chungah chuan indona lawng lianpui kar fung nei mi reng reng a kal lo ang a, lawng lian rpui tak pawhin a kal pel hek lo ang.

²¹LALPA chu kan roreltu a ni a, LALPA chu dan min petu a ni a, LALPA chu kan lal a ni; ani chuan min chhandam ang.

²²I hruite chu tihdulin a awm a; an puan zar ngul bul chu an tinghet thei lo a, puan zar chu an zar thei lo: chu mi lai tak chuan rallak i tum tam tak chu semin a awm a; kebaite pawhin rallak sum an la ta a.chu mi khuaa awm chuan, "Ka dam lo e," a ti lo ang a, a chhunga mi awmte chu sual ngaihdamin an awm ang.

²³chu mi khuaa awm chuan, "Ka dam lo e," a ti lo ang a, a chhunga mi awmte chu sual ngaihdamin an awm ang.