Read Baibul, Mizo Isaia 34 Bible Online

Isaia 34 - Baibul, Mizo bible

Isaia 34

¹Hnam tinte u, benga hre turin lo hnai rawh u; mi tinte u, ngaithla rawh u: lei leh a chhunga awm zawng zawngte chuan bengin hre rawh se; khawvel lah a chhung ata chhuak zawng zawngte nen.

²LALPA chuan hnam tinreng chungah chuan lungnih lohna a neiin, an sipaiho zawng zawng chungah chuan thinrimna a nei si a: anni chu a tiboral vek a, thahah a pe ta a.

³An zinga thahate chu paih chhuahin an awm ang a, an ruang rimchhia chu a chho vut vut ang a, tlangte chu an thisena tihtuiin a awm ang.

⁴Vana awmho zawng zawngte khi tihralin an awm ang a, van khi lehkhabu zial mi an zial angin zialin a awm ang a: a awmho zawng zawngte khi, grep hrui ata a hnah a vuai a tla thin ang leh, theipui kung ata a hna vuai a tla thin ang hian, an vuai zoin an tla vek ang.

⁵Ka khandaih chuan vanah tlai takin a in ta si a; ngai teh, chu chu, rorel turin, Edom-ho chungah leh ka anchhelawh mite chungah chuan a chhuk ang.

⁶LALPA khandaih chu thisenin a tlai a, thaunaa tihthauin a awm ta, brem note leh kelte thisenin, berampa kal thautein: LALPA chuan Bozrah khuaah chuan inthawina a nei a, Edom ramah chuan thahna nasa tak a nei bawk si a.

⁷Selepate pawh chu an ruala sah thlukin an awm ang a, bawngpate, bawngchalte nen; an ram chuan thisen a tui ang a, an vaivut chu thaunaa tihthauin a am ang.

⁸LALPA phuba lak ni a ni tah si a, Zion avanga inbeihna thua thungrulhna kum chu.

⁹A lui tuite chu lawng hnaia chartirin a awm ang a, a vaivut chu kata chantirin a awm bawk ang a, a ram chu lawng hnai kang hluah hluahah a chang ang.

¹⁰Achhun azanin tihmihin a awm lo ang a; ameikhu chu kumkhuain a chho ngut ngut ang a; chhuan zamw chhung zawng zawng chuan chiain a awm reng ang a; kumkhua pawhin tuma'n an pal lo ang.

¹¹Tuivalawng leh sakuhin chumi ram chu an nei zawk ang a; chingpirinu leh choak chutah chuan an awm ang a: LALPA'n a tichhe vek ang a, hmun ruakah chuan a sahal a khai ang.

¹²An mi thate chu ram awp turin an ko ang a, nimahsela chutah chuan koh tur tumah an awm lo ang a; an mi lian zawng zawng chu engmah lo an ni ang.

¹³An lal inahte chuan hnihlingneite a to ang a, an kulhpui chhungahte chuan taiten leh buarte a to ang: sihalte awmnaah leh sava nghawngseite tan tuallai a ni ang.

¹⁴Tin, thlalera ram sate chu chinghniate nen an intawk ang a, sathar chuan a thian a ko ang a; a ni, zan thil hlauhawm pui chuan chutah chuan awm hmun a khuar ang a, ama tan chawlh hmun tur a hmu ang.

¹⁵Chutah chuan rulthal chuan bu a chhep ang a, a tui ang a, a keu ang a, a awp khawm ang: a ni, chutah chuan mute chu kawppui nei theuhin an awm khawm ang.

¹⁶LALPA lehkhabuah zawng u la, chhiar rawh u: chung zingah chuan pakhat mah kim lo a awm lo ang a, pakhat mah kawppui nei lo a awm lo ang: ka ka ngeiin thu a pe a, ka thlarau ngeiin chung chu a hruai khawm ta hlawm si a.Ani chuan an tan thum a vawrsak a, a kutin hruia tehin ram chu a semsak hlawm a; kumkhuain an nei ang a, chhuan awm chhung zawng zawngin chutah chuan an awm ang.

¹⁷Ani chuan an tan thum a vawrsak a, a kutin hruia tehin ram chu a semsak hlawm a; kumkhuain an nei ang a, chhuan awm chhung zawng zawngin chutah chuan an awm ang.