Read Baibul, Mizo Isaia 36 Bible Online

Isaia 36 - Baibul, Mizo bible

Isaia 36

¹Tin, Hezekia lal kum sawm leh kum lina kumah chuan heti hi a ni a, Assuria ram lal Senakeriba chu Juda rama khua kulhpui nei zawng zawng bei turin a han chho a, a la ta a.

²Tin, Assuria lal chuan Rabsakeba chu sipaiho tam tak hruaiin Lakis khua atangin Jerusalem khuaa lal Hezekia hnenah chuan a ti ra. Tin, dil chhakta zawk tuilakna kianga puan sutu phul lamlianah chuan a din ga.

³Chutichuan lal chhungte chunga hotua awm Hilkia fapa Eliakima te, lehkha ziaktu Sebnaa te, chanchin ziaktu Asaphaa fapa Joa-te chu a hnenah an lo chhuak a.

⁴Tin, Rabsakehan an hnenah, "Hezekia hnenah heti hian sawi rawh u, 'Lal ropui tak Assuria lal chuan heti hian a ti, I rinna i nghahna hi eng nge ni le?

⁵Indona atan chuan i remruat leh i chakna hi thu mai mai a ni, ka ti: tu nge i rin a, ka chunga i hel tak ni le?

⁶Ngai teh, he luang sawp tiang, Aigupta-ho hi, i ring a nih hi; chumi chu miin a rinchhan chuan akutah a chhun lut nhgawt ang; Aigupta lal Pharaoa chu amah ringtu zawng zawng chungah chuan chutiang chu a ni thin.

⁷A nih loh leh, ka hnenah, LALPA kan Pathian chu a ni kan rin ni, i tih chuan, ani chu Hezekian Juda-ho hnenah leh Jerusalem-ho hnenah, He maicham hmaah chauh hian in be tur a ni, tiin, a hmun sangte leh a maichamte a lak bosak kha a ni lo'm ni?

⁸Chutichuan, khawngaih takin, ka pu Assuria lal hnenah chuan thu tiam rawh, tichuan keiin sakawr sanghnih ka pe ang che, nangin a chunga chuangtu turte i hmuh theih dawn phawt chuan.

⁹Engtin nge, tawlailirte leh sakwar chung chuang mite la thu-ah Aiugupta-ho chunga i rinna nghatin, ka pu chhiahhlawh te berte zinga hotu pakhat pawh hi i dan zawh dawn le?

¹⁰Tin, he ram hi tichhe tura bei turin LALPA tel loa lo chho em ka nih? LALPA'n ka hnenah, Chu ram chu bei turin chho la, tichhe rawh, mi ti a ni,' tiin," a ti a.

¹¹Tin, Eliakima leh Sebnaa leh Joate chuan, Rabsakeha hnenah, "Khawngaih takin i chhiahhlawhte hi Suria tawngin min be awh rawh; chu chu kan hre thei si a: kulh bang chunga mite beng hriatah Juda tawngin min be tawh suh," an ti a.

¹²Nimahsela Rabsakeha chuan, "Ka pu chuan i pu hnen chauhvah leh i hnen chauhvah he'ng thu hi sawi turin mi tir em ni? Kulh bang chhunga thuho, nangmahni nena mahni ek la ei tur leh mahni zun la in turte hnenah hian mi tir zawk ani lawm ni?" a ti a.

¹³Ti Rabsakeha chu a ding a, Juda tawngin aw ring takin a au a, "Lal ropui tak Assuria lal thute hi ngaithla rawh u.

¹⁴Lal chuan heti hian a ti, 'Hezekia bumin awm duh suh u; ani chuan a chhanhim thei dawn si lo cheh u:

¹⁵Hezekian, LALPA chuan matheiloin min chhanhim ang; he khawpui hi Assuria lal kutah pekin a awm lo ang, tiin sawi mah se la, LALPA chu Hezekia sawi angin ringduh chuang hek suh u.

¹⁶,17 Hezekia thu ngaithla suh u: Assuria lal chuan heti hian a sawi si a, Min rem ula, ka hnenah hian lo chhuak rawh u; tin, ka lo kal a, nangmahni ram anga bu leh uain awmna ram, chhang leh grep huante awmna rama ka kalpui hma loh che u chuan, mi tinin mahni grep huia mi leh mi tinin mahni theipui kunga mi ei theuh ula, i tinin mahni tuikhur tui in theuh rawh u.

¹⁷,16 Hezekia thu ngaithla suh u: Assuria lal chuan heti hian a sawi si a, Min rem ula, ka hnenah hian lo chhuak rawh u; tin, ka lo kal a, nangmahni ram anga bu leh uain awmna ram, chhang leh grep huante awmna rama ka kalpui hma loh che u chuan, mi tinin mahni grep huia mi leh mi tinin mahni theipui kunga mi ei theuh ula, i tinin mahni tuikhur tui in theuh rawh u.

¹⁸LALPA'n min chhanhim ang, tia Hezekian a thlem tak dah che uin fimkhur rawh u. Hnam tin pathian zinga mi reng rengin an ram chu Assuria lal lakah an chhanhim ta em ni?

¹⁹Hamath leh Arpad-ho pathiante kha khawiah nge an awm tak? Sepharvaim-ho pathiante kha khawiahnge an awm tak? Samari khua kha ka lakah an chhanhim ta em ni?

²⁰Chung ram pathian zawng zawng zinga mi chuan tute nge an ram ka lakah chhanhim ni? LALPA chuan Jerusalem khua hi ka lakah a chhanhim tehchai ang maw?' tiin," a ti a.

²¹Anni erawh chu an ngawi reng a, thu pakhat mahin an chhang lo: lal thupek chu, "Ani chu chhang suh u," tih a ni si a.Chutichuan lal chhungte chunga hotua awm Hilkia fapa Eliakima te, lehkha ziaktu Sebnaa te, chanchin ziaktu Asaphaa fapa Joa-te chu silhfen pawhthler inbelin Hezekia hnenah chuan an lo thleng a, Rabsakeha thu sawite chu an hrilh ta a.

²²Chutichuan lal chhungte chunga hotua awm Hilkia fapa Eliakima te, lehkha ziaktu Sebnaa te, chanchin ziaktu Asaphaa fapa Joa-te chu silhfen pawhthler inbelin Hezekia hnenah chuan an lo thleng a, Rabsakeha thu sawite chu an hrilh ta a.