Read Baibul, Mizo Isaia 38 Bible Online

Isaia 38 - Baibul, Mizo bible

Isaia 38

¹Chung lai chuan Jezekia chu thih ngamin a na a.Tichuan Amozaa fapa zawlnei Isaia ch a hnenah a lo kal a, a hnenah," LALPA chuan heti hian a ti,'I chhungte khawsak dan tur relsak rawh; dam chhuak loin i thi ngei dawn si a,' tiin," a ti a.

²Chutichuan Hezekia chu bang lam hawiin a let a, LALPA hnenah a tawngtai a,

³Aw LALPA, i hmaah thutak leh thinlung tha famkim pua ka awm thinzia leh, i mithmuha thil tha ka tih thinzia kha, khawngaih takin hre reng ang che," a ti a. Tin, Jezekia chu a tap ta zawih zawih a.

⁴Chutichuan LALPA thu chu Isaia hnenah a lo thleng

⁵Kal la, Hezekia hnenah sawi rawh, 'LALPA, i pu Davida Pathian chuan heti hian a ti, I tawngtaina kha ka hria a, i mittuite pawh ka hmu a: ngai teh, i dam chhung nite hi kum sawm leh kum ngain ka tisei ang.

⁶Tin, nang leh he khawpui hi Assuria lal lakah ka chhanhim ang a: he khawpui hi ka hum ang.

⁷Tin, LALPA'n a thil sawi hi a ti ngei dawn tih, hei hi i tan LALPA laka chhinchhiahna tur chu a ni ang:

⁸En teh Lal Ahaza dar chin tehnaa ni hlim saw, rahka sawmin ka tikir ang," a ti a. Chutichuan ni hlim chu rahka sawm a kir leh ta a.

⁹Juda lal Hezekia dam lo, a dam leh hnua a lehkha ziak chu :

¹⁰Ka dam chhung nite chhun lai takah hian thlan kawngkaahte chan ka lut dawn a: Ka dam chhung kum la bak turte chu chhuhin ka awm ta," ka ti a.

¹¹LALPA, LALPA ngei chu, mi nung ramah hian ka hmu dawn tawh lo va: Khawvela awmte zingah hian mihring ka hmu leh dawn tawh lo a nih hi.

¹²Ka awmna hi sawnin a awm a, beram vengtu puan in angin ka hnen ata lak boin a awm ta; Puan tahtun a puan a zial angin ka nunna hi ka zial a ani chuan thembu atangin mi chep chhum hmawk dawn a: Nangin ni khat leh zan khat thil thu-ah mi titawp mai dawn a nih hi" ka ti a.

¹³Zing thlengin a ngawi hram hramg a; sakeibaknei angin ka ruh zawng zawng a titliak vek a: Nangin ni khat leh zan khat thil thu-ah mi titawp mai dan a nih hi.

¹⁴Vamur emaw, kanghlai emaw angin ka hram ka hram a, Thuro angin ka rum ka rum a, chung lam thlirna'n ka mit a vai zo ta; Aw LALPA, hnehchhiaha ka awm hi, nang chuan a bul mi tumsak ang che.

¹⁵Eng nge ka sawi ang aw! Ani chuan mi bia a, ani vek chuan a ti ta nghal a: Ka nunna thawpikna avang khan ka dam chhung kum zawng zawngah chuan zawi tein ka kal dem dem tawh ang.

¹⁶Aw Lalpa, hetiang thil avang hian mihringte hi an nung thin a, chungah chauh chuan ka thlarau nunna chu a awm thin: Chumi avang chuan mi tidam lehin mi tinung leh ang che.

¹⁷Ngai teh, ka thlamuanna turin a ni, thawpikna nasa tak ka neih kha ni: Nimahsela nang chuan, ka nunna i hmangaih avangin, chhiatna khuarkhurum ata chu i chhanhim ta; Ka sual zawng zawng kha i hnung lamah chuan i paih vek si a.

¹⁸Thlan hian a fak thei si lo che a, thihna hian a chawimawi thei hek lo che: Kuarkhuruma chhukte chuan i thu tak chu an beisei t hei lo a ni.

¹⁹Mi nungin, mi nungin, anni ngei chuan, vawiina ka tih ang hian an fak ang che: Pa chuan fate hnenah i thutak chu a hriattir ang.

²⁰LALPA chu mi chhandam turin a peih reng a ni. Chuvangin ka dam chhung zawng zawngin, LALPA inah chuan, a hlate hi tintangte nen ka sa ang.

²¹Isaia chuan, "Theipui rah hlawm khat la se la, damdawi abela bel mi atan a khawihliah bel rawh se, tichuan a dam ang," a lo ti tawh a ni.Hezekia pawh chuan, "LALPA inah ka chho leh ang tih hriatna eng chhinchhiahna nge lo awm ang?" a lo ti tawh a ni.

²²Hezekia pawh chuan, "LALPA inah ka chho leh ang tih hriatna eng chhinchhiahna nge lo awm ang?" a lo ti tawh a ni.