Read Baibul, Mizo Isaia 39 Bible Online

Isaia 39 - Baibul, Mizo bible

Isaia 39

¹Chumi lai chuan Baladana fapa Babulon lal Merodak-baladana chuan lehkhate leh lawmman Hezekia hnenah a thawn a: a na tih leh a dam leh ta tih a lo hriat avangin.

²Tichuan Hezekia chu an chungah a lawm a, an hnenah a thil hlu dahna in te, tangka te, rangkachak te, englo rimtui te, hriak hlu tak te, a ralthuam dahna in chhung zawng zawng chu a entir a; a ina mi leh a rma chhunga mi Hezekian an hnena a entir loh thil eng reng a awm lo.

³Chumilai chuan zawlnei Isaia chu lal Hezekia hnenah a lo kal a, a hnenah, "Nichina mie khan eng nge an sawi?" Khawi atangin nge i hnenah an lo kal?" a ti a. Tin, Hezekia chuan, "Ram hla tak ata, Babulon atang chuan ka hnenah an lo kal a ni," a ti a.

⁴Tichuan ani chuan, "I inah hian eng nge an en kha?" a ti a. Tin, Hezekia chuan, "Ka in chhung awm zawng zawng chu an en vek: ka ro tha zinga mi ka entir loh engmah a awm lo," tiin a chhang a.

⁵Tichuan Isaian Hezekia hnenah chuan, "Sipaihote LALPA thu hi hre rawh.

⁶Ngai teh, i in chhunga awm zawng zawng leh vawiin thlenga i puten an khawl khawmte chu Babulon khuaa kalpuiin a awm vek ang; engmah reng reng hnutchhiahin a awm lo ang; chutiang nite chu a la thleng dawn,' LALPA'n a ti.

⁷Tin, i fapa, i rila la rah tur, i hrin turte ngei zinga mi chu, an kal bopui ang; anni ch Babulon lal inah chuan mi tilrehah an la awm ang,' a ti," a ti a.Tichuan Hezekian Isaia hnenah chuan, "LALPA thu i sawi hi a tha e," a ti a. Amah vek chuan, "Ka dam chhung hian remna leh thutak a awm dawn si a," a ti bawk a.

⁸Tichuan Hezekian Isaia hnenah chuan, "LALPA thu i sawi hi a tha e," a ti a. Amah vek chuan, "Ka dam chhung hian remna leh thutak a awm dawn si a," a ti bawk a.