Read Baibul, Mizo Isaia 4 Bible Online

Isaia 4 - Baibul, Mizo bible

Isaia 4

¹Tin, chu mi niah chuan hmeichhe pasarihin mipa pakhat an chelh ang a, "Keimahni chaw kan ei ang a, keimahni silhfente kan inbel ang e: i hming chauh min puttir rawh; ka hming chhia hi min chhilhsak rawh," tiin, an sawi ang.

²Chu mi niah chuan LALPA peng chu mawi tak leh ropui takin a awm ang a, Israel-ho la damte tan chuan leia rahte chu tha tak leh mawi takin a awm ang.

³Tin, heti hi a ni ang a, LALPA'n, rorelna thlarau leh kanna thlarau a, Zion fanute bawlhlawhna chu a silfai hnu leh,

⁴Jerusalem thisen chu a chhung ata a tlenfai hnu chuan, Zion-a la awm leh Jerusalem-a la awmte chu thianghlim an ti ang, Jerusalem-a la damte zinga hming ziak zawng zawng te chu.

⁵Tin, LALPA'n Zion tlanga awmna zawng zawng chungah leh a inkhawmpuite chungah chuan chhunah chhum leh keikhu, zanah meialh eng a siamsak ang: ropuina zawng zawng chungah chuan englo zar a awm dawn si a.Chhunah ni sa hliahtu atan leh thlipui leh ruahpui lakah inhumhimna leh bihrukna hmun atan bawkte a ni ang.

⁶Chhunah ni sa hliahtu atan leh thlipui leh ruahpui lakah inhumhimna leh bihrukna hmun atan bawkte a ni ang.