Read Baibul, Mizo Isaia 41 Bible Online

Isaia 41 - Baibul, Mizo bible

Isaia 41

¹Aw thliarkarte u, ka hmaah chuan ngawi thiap rawh u; mi tin chuan an chakna tithar leh se la: lo hnai hlawm se la; chumi hnuah chuan sawi rawh se: rorel turin i inhnaih tlang teh ang u.

²Khawchhak ata mi pakhat, felna avanga a ke bula a koha chu, tuin nge kai harh? Ani chuan hnam tin a hmaah a pe a, lalho chungah ro a reltir a; anni chu vaivut angin a khandaih hennah a pe a, buh si thli chhem len angin a thalngul hnenah a pe bawk a.

³Ani chuan anniho chu a um a, him takin a kal zel a;a kea a la kalna ngai loh kawngah chuan.

⁴Atir ata chhuan zawng zawng koin, tuin nge thawk a, ti zo? Kei LALPA, a hmasa ber leh a hnuhnung bera hnena awm hi, a titu chu ka ni.

⁵Thliarkarte chuan an hmu a, an hlau a; kawl kilte chu an khur a: an rawn hnaih a, an lo kal a.

⁶Mi tinin mahni thiante an tanpui a; mi tinin an unaute hnenah, "Thlamuang takin rawm rawh," an ti theuh a.

⁷Chutiachuan a charna lam thu-ah chuan, "A tha e," tiin, themthiam mi chuan rangkachak chher mi a fuih a, tuboha deng mam mi chuan dolung deng mi a fuih bawk a: tin, a nghin lohna turin kilhnatein a kilh tlat a.

⁸Nimahsela, nangni Israel-ho ka chhaihhlawh, Jakob-ho ka mi thlan, ka thian Abrahama thlahte u,

⁹nangni leilung tawpna ata ka mi hruai, a kil ata ka mi koh, "Ka chhiahhlawhte in ni, paih thla loin ka thlang zawk che u," ka tihate u,

¹⁰hlau suh u, kei in h nenah ka awm si a; mangang suh u, kei in Pathian ka ni si a: ka tichak ang che u a; a ni, ka tanpui ang che u; a ni, ka felna kut ding lamin ka chelh reng ang che u.

¹¹Ngai teh, in chunga lungni lo zawng zawng chu mualpho tak leh zak takin an awm ang: nangmahni hnialtute chu engmah lo ang an ni ang a, an b oral ang.

¹²nangmahni hnailtute chu in zawng ang a, in hmu si lo ang: nangmahni dotute chu engmah lo ang an ni ang a, thil awm lo ang mai an ni ang.

¹³Kei LALPA in Pathian hian "Hlau suh u, ka tanpui dawn a che u," tiin, in kut ding lam chu ka chelh dawn si a.

¹⁴Nang Jakob changpat leh Israel mite u, hlau suh u, ka tanpui ang che u, LALPA'n a ti, nangmahni tlantu che u chu Israel-ho Mi Thianghlim chu a ni.

¹⁵Ngai teh, buh chilna khawl thar tak, hria tak, ha nei mi-ah ka siam ang che u: tlangte chu chilin in vaw sawm ang a, mual pawngte chu buh si angin in siam ang.

¹⁶In zap ang a, thliin a chhem leng ang a, thawngaleivirin a tidarh ang: tin, nangni chu LALPAah chuan in lawm ang a, Israel-ho Mi Thianghlim chu in la chhuang ang.

¹⁷Mi rethei leh pachhiate chuan tui an zawng thin a, a awm si lo a, an lei chu tuihalin a ro vek thin; kei LALPA hian anni chu ka chhang ang a, kei Israel-ho Pathian hian anni chu ka kalsan lo ang.

¹⁸Tlang sang kawlh vel vulah chuan luite ka luan chhuahtir ang a, ruam laiahte chuan tuihnate ka chhuahtir bawk ang: thlaler chu dilah ka siam ang a, ram ro chu tuihnaah ka siam bawk ang.

¹⁹Thlalerah chuan sidar thing te, thingri te, lenhmui te, hriak thing te ka phun ang a; ram rovah chuan far te, phan te, tuifar te ka phun za vek ang:

²⁰LALPA kut chuan chung chu a ti a ni tih leh Israel-ho Mi Thianghlim chuan a siam ani tih an hmuh a, an hriat a, an ngaihtuah a, an hriat thiam tlanna turin.

²¹In thu chu rawn sawi rawh u, LALPA'n a ti; pathian in intihna chhan berte chu lantir rawh u, Jakob-ho Lalin a ti.

²²Chung chu lantir se la, thil lo la thleng tur chu kan hnenah saiw rawh se: kan ngaihtuah theihna tur leh a tawpna tur kan hriat theihna turin, tun hma thilte chu eng nge a nih sawi rawh u; a nih loh leh, thil lo la thleng turte chu hriattir rawh u.

²³Pathian in ni tih kan hriat theihna turin tun hnua thil lo la thleng turte chu sawi rawh u le: a ni, kan manganna tur leh kan en tlanna turin, thil tha emaw thil tha lo emaw ti rawh u le.

²⁴Ngai teh u, engmah in lo nih loh hi, in thiltih pawh engmah a ni hek lo: nangmahni thlangtute chu mi tenawm tak an ni.

²⁵hmar lam ata mi pakhat ka kai harh a, ani chu a lo thleng ta: ni chhuahna ata ka hming lamtu chu: ani chu lung charna sawisak angin roreltute a sawisa ang a, bawlvawtuin hlum a rap ban angin a rap bawk ang.

²⁶Kan hriat theihna turin tuin nge atir atang khan saiw ngai? A ni, "Ani hi a dik e," kan tih theihna turin tuin nge sawi lawk ngai? A ni, sawi reng reng an awm lo, a ni, hriattir reng reng an awm lo, a ni, in thu sawite hi hria reng reng an awm o.

²⁷Keiin Zion hnenah chuan, "En teh, anni saw en teh," ka ti hmasa ang a; Jerusalem hnenah chuan chanchin tha rawn thelntu pakhat a pe ang.

²⁸Tin, ka han en pawhin mi reng reng an awm lo a; anmahni ka han zawh pawhin, an zinga remruattu, thu pakhat pawh chhang thei tumah reng reng an awm lo.En teh u, an za hian, an hnathawhte chu engmah lo a ni a, thil awm lo reng reng a ni: an milem chhunte chu thli leh boruak chauh a ni.

²⁹En teh u, an za hian, an hnathawhte chu engmah lo a ni a, thil awm lo reng reng a ni: an milem chhunte chu thli leh boruak chauh a ni.