Read Baibul, Mizo Isaia 43 Bible Online

Isaia 43 - Baibul, Mizo bible

Isaia 43

¹Tunah erawh chuan, aw Jakob-hote u, LALPA nangmahni siamtu leh aw Israel-hote u, nangmahni dintu chuan heti hian a ti: "Hlau suh u, ka tlan tawh che u hi; in hmingah ka ko che u a, ka ta in ni si a sin.

²Tuite in dai kai lai pawhin kei in hnenah ka awm ang a; luite in dai kai lai pawhin a chim pil lo ang che u: meia in kal tlang lai pawhin in kang lo ang a; meialhin a tialh hek lo ang che u.

³Kei hi LALPA in Pathian, Israel-ho Mi Thianghlim nangmahni chhandamtu ka ni si a; nangmahni tlanna atan Aigupta ram ka pe a, Ethiopia leh Seba ramte chu nangmahni aiah ka pe.

⁴ka ngaiha hlu tak in nih a, mi zahawm tak in nih bawk a, ka hmangaih bawk che u avangin, nangmahni aiah mite ka pe ang a, in nunna aiah mi tin ka ep ang.

⁵Hlau suh u, in hnenah ka awm si a: in thlahte chu kahwchhak lam atangin ka rawn hruai ang a, khawthlang lam atangin ka hruai khawm ang che u,

⁶hmar lam hnenah chuan, 'Thlah rawh u,' ka ti ang a; chhim lam hnenah chuan, 'Hreng reng suh u,' ka ti ang; ka fapate chu hla tak atangin rawn hruai u la, ka fanute chu kawlkil atangin rawn hruai rawh u;

⁷ka hming pu apiangte leh ka ropuina tura ka siam apiangte chu; anmahni chu ka din a, a ni, anmahni chu ka siam a ni.

⁸Mit nei si mitdelte leh, beng nei si bengngawngte chu hruai chhuak rawh u.

⁹Hnam tinreng inkhawm se la, mi tin awm khawm rawh se: an zingah tuin nge hei hi sawi thei a, tun hma thilte min hriattir thei? Thiam chantira an awm theihna turin an thuhretute chu rawn hruai rawh se: a nih loh leh, bengin hria se la, 'Thutak a ni,' ti rawh se.

¹⁰Mi hriata, mi rina, amah chu ka ni tih in hriat theihna turin, nangni hi mi hriatpuitute in ni, ka chhiahhlawh ka thlana pawh chu, LALPA'n a ti: ka awm hma chuan Pathian reng reng din an awm lo a, ka awm hnuah pawh an awm hek lo ang.

¹¹Kei, keimah ngei hi, LALPA chu ka ni; keimah lo chu chhandamtu reng reng an awm lo.

¹²Keimahin ka sawi a, ka chhandam a, ka hriattir a, in zingah khan ram dang pathian reng reng an awm loh kha; chuvangin nangni hi ka thu mi hriatpuitute in ni, LALPA'n a ti, tin, kei chu Pathian ka ni.

¹³A ni, ni awm achinah khan kei chu amah chu ka ni; tichuan ka kut ata chhan chhuakt hei tumah reng reng an awm lo: hna ka thawk ang a, tuin nge chu chu sut ang?" tiin.

¹⁴LALPA, nangmahni tlantu, Israel-ho Mi Thianghlim chuan heti hian a ti: "Nangmahni avangin Babulon khuaah chuan sipaiho ka tir a, tichuan an zain, Kaldai-hote chu, an lawmna lawngpuiah-te chuan tlan bo mi hruaiin ka hruai chhuk ang.

¹⁵Kei hi, LALPA, in Mi Thianghlim, Israel-ho Siamtu, in Lal chu ka ni," tiin.

¹⁶Tuipuia kawng siam a, tui tam tak zinga lamlian sialtu,

¹⁷sipai rual ropui tak, tawlailirte leh sakawrte hruai a, tho leh hauh lo tura titlu rem rumtu, khawnvar phita tihmih anga tichimittu LALPA chuan heti hian a ti:

¹⁸Tun hma thilte chu hre reng suh u la, hmasang thilte chu ngaihtuah hek suh u.

¹⁹Ngai teh u, thil thar ka ti dawn e; tun apang hian a tiak ang; chu chu in hre dawn lo'm ni? Thlalerah meuh pawhkawng ka siam ang a, ram rovah chuan luite ka siam bawk ang.

²⁰,21 Ka mi, ka thlante, mi fakna tilangtu tura ka tana ka mi siamte chu, in tur ka pek theihna'n, thlalerah chuan tuite ka awmtir avang leh, ram rovah chuan luite ka awmtir avangin ram sate pawhin mi chawimawi ang, sihalte, sava nghawngseite lamin.

²¹,20 Ka mi, ka thlante, mi fakna tilangtu tura ka tana ka mi siamte chu, in tur ka pek theihna'n, thlalerah chuan tuite ka awmtir avang leh, ram rovah chuan luite ka awmtir avangin ram sate pawhin mi chawimawi ang, sihalte, sava nghawngseite lamin.

²²Nimahsela aw Jakob-ho, nangni zawngin mi ko si lo a, aw Israel-ho, nangni zawngin mi ning zawk a nih hi.

²³halrala in thil hlan ran tete chu mi rawn lak ngai lo a; in inthawina lamte chuan mi chawimawi ngai hek lo. Thil hlanin rawng ka bawltir ngai lo che u a, berawin ka tihah ngai hek lo che u.

²⁴Fu reng reng tangkain mi leisak ngai lo a, in inthawinate thauin mi titlai ngai hek lo: in sualna phurh hnate mi thawhtir zawk a, in khawlohnatein nangnin mi tihah ta a ni.

²⁵Kei, keimah ngei hi, keimah leh keimah avang ngawta in bawhchhiatnate thai bo thintu chu ka ni; in sualnate pawh ka hre reng lo ang.

²⁶Mi hriatpui rawh u; i ngaihtuah tlang ang u: thiam chantira in awm theihna'n in thu chu sawi rawh u.

²⁷In pu hmasa ber khan thil a tisual a, in palaite pawhin ka lakah an bawhchhia a.chuvangin hmun thianghlima mi liante chu ka tibawrhbang ang a, tichuan Jakob-ho chu anchhedawngah ka siam ang a; Israel-ho chu hauburah ka siam bawk ang.

²⁸chuvangin hmun thianghlima mi liante chu ka tibawrhbang ang a, tichuan Jakob-ho chu anchhedawngah ka siam ang a; Israel-ho chu hauburah ka siam bawk ang.