Read Baibul, Mizo Isaia 45 Bible Online

Isaia 45 - Baibul, Mizo bible

Isaia 45

¹LALPA chuan a hriak thih, Kura, hnamte chu a hmaah tudawl tur leh, lalho kawnghrente phelhsak tur leh, a hmaa kawngkharte hawnsak tur leh, kulh kawngkharte khar loa awmtir tura, a kut din lam ka chelha hnenah chuan, heti hian a ti:

²Kei i hmaah ka kal ang a, a bumboh laite chu ka tirual ang: dar kawngkharte chu ka tichhe rem rum ang a, a kalhna thir tlawnte chu ka tibung ang:

³tin, LALPA, i hminga kotu che, Israel-ho Pathian ngei chu ka ni tih i hriat theihna'n thim zinga rote chu ka pe ang chia, hmun fianrialte sum thuhrukte pawh ka pe ang che.

⁴Jakob-ho ka chhiahhlawhte leh Israel-ho ka thlante avang chuan i hmingin ka ko che a ni: mi hre ngai lo mah la, hming ka sak sak ang che.

⁵,6 Kei hi LALPA chu ka ni, a dang reng reng an awm lo; keimah lo chu Pathian reng reng an awm lo: keimah lo chu a dang reng reng an awm lo tih ni chhuahna lam atang leh thlang lam atanga an hriat theihna turin, mi hre ngai lo mah la, i tai ka hrensak ang che: kei hi lalpa chu ka ni, a dang reng reng an awm lo.

⁶,5 Kei hi LALPA chu ka ni, a dang reng reng an awm lo; keimah lo chu Pathian reng reng an awm lo: keimah lo chu a dang reng reng an awm lo tih ni chhuahna lam atang leh thlang lam atanga an hriat theihna turin, mi hre ngai lo mah la, i tai ka hrensak ang che: kei hi lalpa chu ka ni, a dang reng reng an awm lo.

⁷Eng ka siam thin a, thim pawh ka siam thin a ni; remna ka siam thin a, sualna pawh ka siam thin a ni; kei hi LALPA, chung thil zawng zawng ti thintu chu ka ni," tiin.

⁸Vante u, chung lam atang khan far thlaktir rawh u, van dumte khan felna rawn leih thla rawh se: chhandamna an chhawr chhuahtir theihna'n lei inhawng se la, felna nen to duntir rawh se; kei LALPA hian chu chu ka siam a ni.

⁹Mahni Siamtu hnailatu chu a chung a pik e! leia lampei zinga lampei mai mai chu! Hlum chuan a vawtu hnenah, "Eng nge i siam ni?" a ti dawn em ni? A nih loh leh, i hnathawh chuan, "A kutin thia reng a nei lo," a ti dawn em ni?

¹⁰A pa hnenah, "Eng nge i hrin ni?" titu chung emaw, a nu hnenah, "Eng nge i hrin dawn ni?" titu chung emaw a pik e!

¹¹LALPA, Israel-ho Mi Thianghlim, anmahni Siamtu chuan heti hian a ti: "Thil lo la thleng tur thu chu mi zawt u la; ka fapate thu-ah leh, ka kut hnathawh thuah hian thu mi pe rawh u.

¹²Lei hi ka siam a, a chunga mihring awm hi ka siam bawk a: keimah ka kut ngei hian, van ka kai pharh a, a sipaihote chu thu ka pe bawk a ni.

¹³Kura chu felna nein ka kai harh a, a kawng zawng zawng chu ka tingil ang: ani chuan a khawpui chu a siam leh ang a, ant lanna man duh vang ni loin, lawmman duh vang ni hek loin,ka salte chu a chhuahtir ang, sipaihote LALPA'n a ti," tiin.

¹⁴LALPA chuan heti hian a ti, "Aigupta thawkrimho leh Thiopia sumdawng mi leh Seba-ho mi sang takte chu in hnen lamah an lo kal ang a, in taah an awm tawh ang; namgmahni an zui ang che u; khaidiat bunin a ni an lo kal dawn ni: tichuan bawkkhupin chibai an buk ang che u a, 'Pathian chu nangmahniah a awm ngei mai; a dang reng reng an awm lo, Pathian dang reng reng an awm lo,' tiin.

¹⁵Aw Israel-ho Pathian, Chhandamtu, Pathian inthu thina chu i ni ngei mai.

¹⁶Mualpho takin an awm ang, a ni, an zain zak takin an awm ang: milem siamtute chu zahnaah chuan an lut tlang ang.

¹⁷Israel-ho erawh chu kumkhaw chhandamnaa LALPA Chhandamin an awm ang: chatuan thleng pawhin in mualphoin in zak hek lo ang.

¹⁸LALPA, van siamtu chuan, (ani chu Pathian, leilung hi dina siamtu chu a ni; ani chuan leilung hi a tinghet a, engmah loah a siam lo a, mihring awmna'n a din zawk a ni) heti hian a ti si a: "Kei hi LALPA chu ka ni; a dang reng reng an awm lo.

¹⁹A rukin, ram thim hmunah thu ka sawi ngai lo a; Jakoba thlante hnenah, 'Engmah lovah mi zawng rawh u,' ka ti ngai lo: kei LALPA hian felna thu ka sawi thin a, thu dik takte chu ka hril thin.

²⁰Inkhawm u la, lo kal rawh u; hnam tin zinga hremna pumpelhote u, lo hnai tlang rawh u: an thing mile siam chawp keng thina, mi chhanhim thei hlei lo pathian hnena tawngtai thintute chuan hriatna reng reng an nei lo.

²¹Sawi u la, rawn tichhuak rawh u; a ni, inberawn hlawm rawh se: hmasang ata tuin nge hriattir? Hman lai ata tuin nge sawi? Kei LALPA hian ka tih a ni law ni? Keimah lo chu Pathian dang reng reng an awm lo; Pathian fel leh chhandamtu ka ni; keimah lo chu a dang reng reng an awm lo.

²²Kawlkila mi zawng zawngte u, ka lam lo hawi u la, chhandamin awm rawh u: kei hi Pathian ka ni si a, a dang reng reng an awm lo.

²³Khup tinreng chu ka hmaah a thingthi tawh ang a, lei tinreng pawhin ka hnenah chhechham in thu a tiam tawh ang,' tiin mahni leh mahni inchhalin chhia ka chham ta, thu chu felna hlirin ka ka atangin a chhuak tawh a, a lo let leh tawh lo ang.

²⁴Miin 'LALPA-ah chauh felna leh chakna a awm,' tiin, ka hnenah an la sawi ang: ama hnen ngeiah mi an lo kal ang a, a chunga lungni lo zawng zawngte chu mualpho takin an awm tawh ang.Israela thlahte zawng zawng chu LALPA-ah chuan a ni, thiam chantira an awm a, LALPA chu an chhuan dawn ni," tiin.

²⁵Israela thlahte zawng zawng chu LALPA-ah chuan a ni, thiam chantira an awm a, LALPA chu an chhuan dawn ni," tiin.