Read Baibul, Mizo Isaia 47 Bible Online

Isaia 47 - Baibul, Mizo bible

Isaia 47

¹Aw Babulon fanu nula, chhuk la, vaivutah thu rawh; aw Kaldai fanu, lalthutphah lovah leiah thu rawh : awm no leh nuamsa an ti danw tawh lo che a ni.

²Buh rawt sawmna lungte la la, chhang phut siam rawh: i inkhuhna puan kha dah la, i fen fual kha hlip la, i ke kha hawng la, luite dai kai rawh.

³I saruak chu khuh lohin a awm ang a, a ni, i zahmawh chu a lang ang: phuba ka la ang a, mi tumah ka ren lo ang.

⁴Min tlantu chu, a hming sipaihote LALPA a ni, Israel-hote Mi Thianghlim chui.

⁵Aw Kaldai fanu, ngawi rengin thu la thim hnuaiah lut rawh, "Ram ti lalnu," anti dawn tawh lo che a ni.

⁶Ka mite chungah ka thinur a, ka rochan chu ka tibawrhbang a, i kutah ka pe chia: nang chuan an chungah khawngaihna reng reng i lantir lo a; tarho chungah lam pawh i nghawngkawl rit tak chu i nghat ta chawrh a.

⁷Tin, "Kei hi kumkhuain lalnuah ka awm ang," i ti a: chutichuan chung thilte chu i rilruin i ngaihtuah lo a, a tawpna tur lah chu i hre reng hek lo.

⁸Chutichuan nang nunkhawnawm bawla, ngaihsam taka awma, mahni rilrua, "Keimah ka ni, keimah lo chu mi dang reng reng an awm lo, hmeithaiah ka thu lo ang a, fate chan thu ka hre hek lo ang," titu, hei hi hre rawh:

⁹he'ng thil pahnih, fate channa leh hmeithaina hian, ni khat thil thu-ah mitkhapkar loah a tlakbuiak zawk dawn che a ni: i dawi hmanna chu tam hlein, i invenna chu tam rei rui mah se la, chung chu nasa tak maiin i chungah a lo thleng dawn a ni.

¹⁰I suahsualna chu i ring a; "Tuma'n mi hmu lawi lo e," i ti vei si a; i finna leh i hriatna chuan a tikhawlo chia: "Keimah ka ni, keimah lo chu mi dang reng reng an awm lo," i rilruin i ti bawk a.

¹¹Chuvangin thil th alo i chungah a lo thleng ang a; a ven dan i thiam lo ang: vanduaina pawhin a tlakbuak ang chia; chu chu i tibo thei lo ang: tiauna pawh vawilehkhatah i chungah alo thleng thut ang a, chu chu i hre lawk lo ang.

¹²I invenna leh i dawi hmanna, i naupan tet ata i intihhah thinnate chu, dinpui ta che; i sawtpui theih dan phawta, i hnehpui theih dawn phawt chuan.

¹³I remruat a tam em avangin i hah ta a nih hi: tunah chuan van semtute, arsi thlirtute, thlakipa thu hrilhlawktute chu ding se la, i chunga thil lo la thelng turte lakah chuan chhanhim che rawh se.

¹⁴Ngai teh, buhpawl ang mai ani ang; meiin a kang ang; meialh thiltihtheihna lakah chuan an inchhanhim lo ang: intihhlumna tur meihawl ang a ni lo ang a; ai tur mei ang pawh a ni hek lo ang.Chutiang chuan i intihhah thinna thilte chu i tan a awm dawn a ni: i naupan tet ata i laka sumdawngtute chu mahni kawng theuhvah an vak bo ang a; chhanhimtu tur che tumah reng reng an awm lo ang.

¹⁵Chutiang chuan i intihhah thinna thilte chu i tan a awm dawn a ni: i naupan tet ata i laka sumdawngtute chu mahni kawng theuhvah an vak bo ang a; chhanhimtu tur che tumah reng reng an awm lo ang.