Read Baibul, Mizo Isaia 49 Bible Online

Isaia 49 - Baibul, Mizo bible

Isaia 49

¹Aw thliarkarte u, ka thu ngaithla u la, hla tak ata mi tinte u, ngaithla bawk rawh u: LALPA chuan chhul atang rengin mi ko a; ka nu pum chhung atang rengin ka hming a lo sawi tawh a:

²ka ka hi khandaih hriam tak angin a siam a, a kutah chuan mi thukru a; thla nawhtlet varah mi siam a, a thal bawmah chuan mi khung tlat a:

³tin, ka hnenah, "Nang chu ka chhiahhlawh i ni a; Israela, chawimawia ka awmna tura chu i ni," a ti a.

⁴Kei erawh chuan, "Athlawn maiin ka thawkrim a, engmah loah leh boruak maiah ka tha ka seng a: nimahsela matheiloin ka chunga rorelna tur chu LALPA hnenah a ni a awm ni, mi rulhna tur pawh chu ka Pathian hnenah a ni a awm ni," ka ti a.

⁵Tin, tunah chuan LALPA, Jakob-ho hnena hruai lehna'n leh, Israel-ho a hnena hruai khawma an awmna'n, a chhiahhlawh awm tura chhul atanga mi dintu chuan a sawi a: (LALPA mithmuhin mi zahawm ka ni si a, ka Pathian chu ka chakna a lo ni ta bawk a:)

⁶a ni, ani chuan, "Jakob-ho hnamte tundinnan leh Israel-ho zinga humhimate chu awmtir lehna'na, ka chhiahhlawha i awm hi, thil te tak te a la ni; Jentailte tiengtu-ah pawh ka ruat bawk ang che, kawlkil thlenga ka chhandamtua i awm theihna turin," a ti a.

⁷LALPA, Israel-ho tlantu leh an Mi Thianghlim chuan, mite hmusita, hnamhoten riau a, roreltute chhiahhlawh hnenah chuan heti hian a ti: "LALPA rinawma, Israel-ho Mi Thianghlim nangmah thlangtu avang khan lalten an hmu ang a, an tho vang; mi liante pawhin chiobai an buk ang," tiin.

⁸,9 LALPA chuan heti hian a ti, "Hun lawmawmah ka ngaithla chia, chhandamna niah ka tanpui che: mi tangte hnenah, 'Chhuak rawh u,' thima awmte hnenah, 'Lo lang rawh u,' tia, ram tung ding tur leh rochan ram tiau tawh hnute anniho chu luahtir turin ka humhim chein, mite thuthlung atan ka ruat ang che. Kawngahte chuan an ei zel ang a, tlang sang kawlh vel vul zawng zawngahte chuan an tlatna hmun chu a awm ang.

⁹,8 LALPA chuan heti hian a ti, "Hun lawmawmah ka ngaithla chia, chhandamna niah ka tanpui che: mi tangte hnenah, 'Chhuak rawh u,' thima awmte hnenah, 'Lo lang rawh u,' tia, ram tung ding tur leh rochan ram tiau tawh hnute anniho chu luahtir turin ka humhim chein, mite thuthlung atan ka ruat ang che. Kawngahte chuan an ei zel ang a, tlang sang kawlh vel vul zawng zawngahte chuan an tlatna hmun chu a awm ang.

¹⁰An riltamin an tuihal lo ang a; lumin a tihreawmin niin a em hek lo ang: anmahni khawngaihtu chuan a hruai dawn si a, tuihna kiang ngeiahte chuan a hruai dawn a ni.

¹¹Tichuan ka tlang zawng zawng chu kawngah ka siam ang a, ka lamliante chu tihsanin a awm bawk ang.

¹²En teh, sawngte saw hla tak atangin an lo kal dawn saw; en teh, sanwgte saw hmar la atang te, thlang lam atang tein an lo kal dawn saw; sawngte saw Sinim ram atangin an lo kal dawn saw.

¹³Aw vante u, hlim takin zai rawh u; aw leilung, hlim takin awm rawh; aw tlangte u, hla sa chhuak phut rawh u: LALPA chuan a mite ch a thlamuan si a, mi hrehawm tuarte pawh chu a khawngaih dawn a ni.

¹⁴Nimahsela Zion chuan, 'Jehoa'n mi kalsan a, LALPA'n mi theihnghilh ta,'a ti a.

¹⁵hmeichhiain a fapa, a rila rah chu, khawngaih lohna turin a nau a hnute hne lai chu a theihnghilh thei em ni? Thei e, chungte chuan an theihnghilh a ni thei e, nimahsela kei chuan ka theihnghilh lo ang che.

¹⁶En teh, ka kutphahahte hian ak ziak che hi; i kulh bangte chu ka hmaah a awm reng fo a ni.

¹⁷I fate chu an hmanhmawh a; nangmah tiboraltute leh nangmah tichhetute chuan an chhuahsan ang che.

¹⁸Dak la, i mit len vel la, en rawh: he'ng zawng zawng hi an inkhawm a, i hnenah an lo kal a nih hi. Ka nunna chhalin, 'Nang chuan chawimawina inbel angin hengho hi i ineblin, mo a inhreng angin hengho hian i inhreng ngei ang,' LALPA'n a ti.

¹⁹I hmun chhia leh tiau hnute leh i ram tihboral hnu thu-ah zawng tunah chuan a awmate atan i te lutuk ngei ngei dawn tawh si a, nangmah lemtute kha hla takah an awm dawn tawh a ni.

²⁰I fa hloh hnua i fa neih lehte chuan, 'Hmun hi ka tan a te lutuk a: ka awmna turin hmun mi pe rawh,' tiin i bengah an la sawi ang.

²¹Tichuan nangin i rilruin, 'Hengho hi tuin nge mi hrinsak ni le? Ka fate ka hloh a, mahni maia sala vak vak ka ni si a: tichuan hengho hi tuin nge tiseilian ni le? Ngai teh, keimah chauha hnutchhiahin ka awm si a, hengho hi khawiah nge an lo awm ni le?' i ti ang," tiin.

²²Lalpa PATHIAN chuan heti hian a ti, "Ngai teh, hnam tin tan ka kut ka pharin, mi tin tan ka chhinchhiahna ka tar chhuak ang: tichuan i fapate chu apawma pawmin i hnenah an rawn hruai ang a, i fanute pawh an kokia chhuanga rawn hruaiin an awm ang.

²³Tin, lalte chu i fate pawmtupa an ni ang a, an lalnute pawh chu i fate pawmtunu an ni ang; anni chuan hmaia lei siin chibai an buk ang chia, i kea vaivut chu an liak ang; tichuan kei hi LALPA ka ni tih i hre mai ang, mi nghaktute chu mualphoin an awm lo ang.

²⁴rallakte chu mi chak tak lakah chhuhsaka awmin, mi hlauhawm salte chu chhanchhuahin an awm dawn em mi?

²⁵Daw e a, LALPA chuan heti hian a ti, 'Mi chak tak salte meuh pawh chhuhsain an awm ang a, mi hlauhawm rallakte chu chhanchhuahin an awm ang: nangmah dotu chu ka do dawn si a, i fate pawh ka chhandam dawn a ni.Tin, nangmah hnenchhaihtute chu anmahni sa ka eitir ang a; uain thlum rui ang hian anmahni thisenin an rui ang: tichuan mi zawng zawngin, kei LALPA hi nangmah chhandamtu leh nangma tlantu, Jakob-ho Mi Chaka chu ka ni tih, an hria ang,'" tiin.

²⁶Tin, nangmah hnenchhaihtute chu anmahni sa ka eitir ang a; uain thlum rui ang hian anmahni thisenin an rui ang: tichuan mi zawng zawngin, kei LALPA hi nangmah chhandamtu leh nangma tlantu, Jakob-ho Mi Chaka chu ka ni tih, an hria ang,'" tiin.