Read Baibul, Mizo Isaia 5 Bible Online

Isaia 5 - Baibul, Mizo bible

Isaia 5

¹Ka tuh taka thu, a grep huan chungchang thu chu, ka duh taka tan lain ka sa teh ang. Ka duh taka chuan tlang lei tha tak maiah grep huan a nei a:

²a velin lei a lai khuar a, a lungte chu a chhar fai a, grep hrui tha ber mi a phun a, a laiah chuan in sang a sa a, chutah chuan grep sawrna khur pawh a lai a: tin, grep raha rah turin a beisei a, nimahsela grep suak maiin a lo rah ta zawk a.

³Tunah hian, aw Jerusalem-a awmte leh Juda mite u, khawngaih takin kei leh ka grep huan kara thu hi min ngaihtuahsak teh u khai.

⁴Ka grep huanah hian ka tih tawh ang lo liam kha chuan a chungah eng nge tih leh chuan tur lo la awm ta ni le? Eng vangin nge, grep raha rah tura ka besei nen khan, grep suaka a lo rah mai kha ni le?

⁵Tunah hian gai teh u, ka grep huan chunga ka tih tur chu ka hrilh ang che u: a hling pal chu ka la bo ang a, ei zawhin a awm ang: a lung pal chu ka tichim ang a, rah behin a awm ang:

⁶tin, ka tiram vek ang a; sah noin a awm lo ang a, laih phutin a awm hek lo vang; buar leh hnimhlingneite a to zakw ang: chhumte pawh a chunga ruah reng reng surtir lo turin thu ka pe bawk ang.

⁷Sipaihote LALPA grep huan chu Israel chhungte hi a ni a, Juda mite hi a kung duhawm tak chu an ni si a; rorelna fel a beisei a, nimahsela, ngai teh, hnehchhiahna a lo awm ta zawk a; felna a beisei a, nimahsela, ngai teh, au thawm alo awm ta zawk a ni.

⁸Ram lailiah anmahni chauh an awm theihna tura mi tel vena hmun rang rang awm lo khawp hiala in leh in inzamwtir zel leh, lo leh lo inzawmtir zel thintute chung chu a pik e!

⁹Sipaihote LALPA chuan ka bengah heti hian a ti, "Tihtakzetin in tam tak, lian tak tak, mawi pui puite chu, urtu awm loin a la ram ang.

¹⁰Grep huan tin, sawm hmunah bath khat chauh a la haw dawn a, buh chi homer khat tuhin ephah khat chauh a la haw dawn si a," tiin.

¹¹Zu um tura zing tak taka tho a, uainin a tihruih bung hma loha zan rei tak tak thlenga awm thinte chu an chung a pik e!

¹²tingtang leh perhkhuang te, khuangte leh phenglawngte, uain ne an ruaithehnaahte chuan a awm thin a, nimahsela LALPA hnathawh chu an ngaisang thin lo a, a kut thiltih chu an ngaihtuah ngai hek lo.

¹³Chuvangin ka mite chu, hriatna an neih loh avangin, sala hruaiin an awm ta a: an mi zahawmte chu an ril a tam a, an mipuite chu tuihalin an dangro zo ta a.

¹⁴Chuvangin Seol chuan a duhna chu a lo tizau a, a ka chu teh rual loh khawpin a ang ta a: tichuan an ropuina te, an mipui te, an ropui hbung bungna te, an zinga lawm taka awmte nen chuan an lut thla ta duah duah a.

¹⁵Mi tete chu tihkunin an awm, a, mi liante chu tihtlawmin an awm a, chapo mitte chu tihhniamin a awm ta a;

¹⁶sipaihote LALPA erawh chu rorelnaa chawisanin a awm ta zawk a, Pathian, Mi Thianghlim chu, felnaa tihthianghlimin a awm ta a.

¹⁷Tin, beram note chu an tlatna hmuna an tla angin an tla dial dial ang a, mi thau pui pui hmun rama thilte chu vakvaihoten an ei ang.

¹⁸Bumna hruihruala khawlohna hnuk a, tawlailir hruizena sualna hnuk chu an chung a pik e!

¹⁹Kan hmuhna turin ti thuai se la, a thiltih tur chu ti rang thuai rawh se: kan hriat theihna turin Israelho Mi Thianghlim remruat chu lo hnaiin lo thleng rawh se," ti thintute chu.

²⁰Thil tha lo chu thil tha tia, thi tha chu thil tha lo ti thina, eng chu thima ngaia, thim chu enga ngai thina, thil thlum chu thil khaa ngaia, thil kha chu thil thluma ngai thintute chu an chung a pik e!

²¹Mahni ngaiha fingte leh mahni mithmuha bengvarte chu an chung a pik e!

²²Uain in kawnga mi chak ta, zu chawhpawlh kanwga thahrui nei apiangte chu an chung a pik e!

²³tham ei avanga mi sual thiam chantir thina, mi fel felna laksak thintute chu.

²⁴Chuvangin meialhin buh pal a liak ral duak duak thin ang leh, hnim ro chu meialha a tlu zawih zawih thin angin an zung chu tawihna angin a awm ang a, an par chu vaivut angin a chho chuai chuai ang: sipaihote LALPA dan chu an duh loh a, Israel-ho Mi Thianghlim thu chu an ngaihnep avangin.

²⁵Chuvangin LALPA thin chu a mite chungah a thawk a, a kut chu an chungah a lek a, a vua a, tichuan tlangte chu a khur dur dur a, an ruangte chu kawtthler laiahte chuan balhhlawh ang maiin a awm rem rum a. Chuti kauva a tih pawh chuan a thinur chu a la reh si lo a, a kut chu a la l ek ta cheu a.

²⁶hnam tin hla taka mite tan chhinchhiahna a tar chhuak ang a, kawlkil ata ko turin a faifuk ang: tichuan, ngai teh, anniho chu rang takin an lo kal t huai ang:

²⁷an zingah tumah an hah lo ang a, an inchhuih hek lo ang; tumah an muthlu lo vang a, an muhil hek lo ang; an kawnghren chu phelh dulin a awm hek lo ang a, an pheikhawk c hilhna chu a cht hek lo ang:

²⁸an thalte chu zum tak a ni a, an thal ngul zawng zawngte chu khawih sain a awm thup a; an sakawr tinte chu meilung ang maia ngaih a ni ang a, an tawlalilir kete chu thawngaleivir ang maia ngaih a ni bawk ang:

²⁹an thawm ri hum hum chu sakeibaknei hahum ang mai a ni ang a, sakeibaknei vanglaite hahum ang maiin an ri hum hum ang; a ni, an ri hum hum ang a, an saseh tur chu a she ang a, him takin an kal bopui ang a, chhanchhuaktu tur tumah an awm lo ang.Chu mi nbiah chuan tuifinriat ri hum hum angin an chungah an ri hum hum ang: tichuan miin ram chu an han thlir chuan, ngai teh, thim leh manganna hlir a ni a, eng lah chu, chu mia chhumahte chuan tihthimin a awm a.

³⁰Chu mi nbiah chuan tuifinriat ri hum hum angin an chungah an ri hum hum ang: tichuan miin ram chu an han thlir chuan, ngai teh, thim leh manganna hlir a ni a, eng lah chu, chu mia chhumahte chuan tihthimin a awm a.