Read Baibul, Mizo Isaia 50 Bible Online

Isaia 50 - Baibul, Mizo bible

Isaia 50

¹LALPA chuan heti hian a ti, "In nu makna lehkha, ka makna chu, khawiah nge a awm ni? A nih loh leh, ka leibatnate a tu bera hnenah nge ka hralh che u ni? Ngai teh u, in khawlohnate avangin a ni, hralha in awm a, in bawhchhiatnate avangin a ni, in nu pawh kha maka a awm ni.

²Eng vangin nge ka lo kal khan mi reng reng an awm loh le? Eng vangin nge ka koh khan mi chhang tur reng reng an awm loh le? Ka kut hi tlan thei lo turin tihtawiin a awm reng reng em ni? A nih loh leh, chhanhim turin thiltihtheihna reng reng ka nei lo em ni? Ngai teh u, ka zilhhaunain tuifinriat ka tikang thin a,luipuite chu ram rovah ka siam thin: tui reng reng a awm loh avangin a sanghate chu a uih a, tuihalin an thi thin.

³van khi thimin ka tuam thin a, saiip puan a khuhna turin ka siam thin," tiin.

⁴Mi hah tak chu thu-a ka tihhahdam thiamna'n Lalpa PATHIAN chuan zirtirte lei mi pe a; ani chuan atuk atuk tin, a kai harh a, zirtirten an hriat anga hre turin ka beng hi ka kai harh thin.

⁵Lalpa PATHIAN chuan ka beng mi tihawngsak a, kei chu ka hel lo a, ka hawi kir hek lo.

⁶Ka hnungzang hi vawtute hnenah ka dawh a, ka biangte hi hmul pawttute hnenah ka dawh bawk : mualphonaah leh chilah ka hmai ka hup lo.

⁷Lalpa PATHIAN chuan mi tanpui dawn si a; chuvangin ka zak ngai lo va: chuvangin meilung ang tlatin ka hawi thin a, ka mualpho lo ang tih ka hria.

⁸Thiam mi chantirtu chu a hnai e; tuin nge mi do ang? I ding ve ve ang: mi dotu chu tu nge ni? Mi rawn h naih rawh se.

⁹Ngai teh, Lalpa PATHIAN chuan mi tanpui ang; tuin nge thiam loh mi chantir ang? Ngai teh, chung zawng zawngte chu silhfen angin a la hlui ang a, thimin a ei chhe vek ang.

¹⁰In zingah LALPA tih a, a chhiah hlawh thu awih chu, tu nge ni? Thima leng a, eng reng reng nei lo va chuan LALPA hming chu ring se la, a Pathian chungah innghat rawh se.Mei chhema, thingthutea inhreng thin zawng anwgte u, ngai teh u; in meialhah leh in thingthu halte zingah chuan leng rawh u. Hei hi ka kut atang in la hmuh tur chu a ni; lungngai taka i la mutna tur chu.

¹¹Mei chhema, thingthutea inhreng thin zawng anwgte u, ngai teh u; in meialhah leh in thingthu halte zingah chuan leng rawh u. Hei hi ka kut atang in la hmuh tur chu a ni; lungngai taka i la mutna tur chu.