Read Baibul, Mizo Isaia 52 Bible Online

Isaia 52 - Baibul, Mizo bible

Isaia 52

¹Aw, Zion, harh la, harh la, i chakna inbel rawh; aw Jerusalem, khawpui thianghlim, i silhfen mawi takte chu inbel rawh: tun achinah chuan serhtan loh leh mi bawlhhlawh chu i chhungah an lut dawn tawh si lo.

²Aw Jerusalem, vaivut i kai kha inthing rawh; tho la, thu rawh: aw Zion fanu, sala awm, i nghawng phuarnate kha phelh rawh.

³LALPA chuan heti hian a ti si a, "Engmah loa hralh in ni a; tichuan tangka loa tlan in ni tawh ang," tiin.

⁴Lalpa PATHIAN chuan heti hian a ti si a, "Ka mite chu atirah chuan Aigupta rama awm turin an chhuk a: tin, Assuria min enga khawlawi loin an hnehchhiah hlawm a.

⁵Chutichuan tunah, hetah hian eng nge ka tih dawn? Ka mite hi engmah loa hruai boin an awm si a, LALPA'n an ti, a chunga roreltute chu an te tuar tuar a, LALPA'n a ti, ka hming hi nilenga sawichhiatin a awm fo.

⁶Chuvangin ka mite chuan ka hming an hria ang; chuvangin chumi niah chuan a sawitu chu ka ni tih an hria ang; ngai teh, keimah hi ka ni," tiin.

⁷tlangahte chanchin tha thlena, remna thu tlangaupuia, thil tha chanchin tha a thlena, chhandamna thu tlangpuia, Zion hnena "I Pathian chu lalah a thu," titu ke chu a va mawi em!

⁸Chu! I ral vengtute aw chu! Aw an chhuah a, hlim takin an zaiho chu: LALPA chu Zion-a a lo kir leh hunah chuan inhmatawnin an hmu dan si a.

⁹Jerusalem hmun chhe tawhte u, hlim chhuak phut u la, hlim takin zaiho rawh u: LALPA chuan amite chu a thlamuan ta si a, Jerusalem chu a tlan ta a ni.

¹⁰LALPA chuan hnam tinrengte mithmuhah a ban thianghlim chu a hlim ta; tichuan kawlkila mi zawng anwgin kan Pathian chhandamna chu an hmu ang.

¹¹Chhuak rawh u, chhuak rawh u, chuta tang chuan chhuak rawh u, thil bawlhhlawh reng reng dek suh u; a chhung ata kal chhuak rawh u; LALPA bungbel kengtue u, thianghlim takin awm rawh u.

¹²Hmanhmawh akin in kal chhuak dawn si lo a, tlan chhiain in kal dawn hek lo: LALPA chuan in hma a hruai dawn si a; Israel-ho Pathian chu in hnudaltu a ni ang.

¹³Ngai teh, ka chhiahhlawh chuan fing takin a ti ang a, chawimawi leh chawisanin a awm ang, sang tak maiin a awm ang.

¹⁴A hmel chu mihring hmel ai maha tihchhiat a ni a; a pianhmang pawh mihring pianhmang aia tihchhiat a ni bawk; mi tam takin mak an tih ang bawkin,hnam tam takin mak an ti a, lalho pawh mak tiin an dang reng ang, an hmuh ngai loh an hmuin an hriat ngai loh an hria ang.

¹⁵hnam tam takin mak an ti a, lalho pawh mak tiin an dang reng ang, an hmuh ngai loh an hmuin an hriat ngai loh an hria ang.