Read Baibul, Mizo Isaia 54 Bible Online

Isaia 54 - Baibul, Mizo bible

Isaia 54

¹Aw ching, nang, fa hring ngai lo, hlim takin zai rawh; nang, nau vei ngai lo, hla sa chhuak phutin, au chhuak rawh: pasal nei mi fate ai chuan khawharnu fate an tam zawk si, LALPA'n a ti.

²I puan in hmun chu zauh rawh, i awmnate puan in chung chu kai pharh rawh se: ren suh: i hruite chu tisei la, i kaihmarna khente chu tinghet rawh.

³Ding lam leh vei lamah i darh zau dawn si a; tichuan i chi thlahte chuan hnam tin an rochung ang a, khawpui tiau hnuahte chuan mi an awmtir leh ang.

⁴Hlau suh, i mualpho dawn si lo: zak hek suh, mualphoin i awm dawn si lo: i tleirawl lai mualphona chu i theihnghilh tawhin, i hmeithaina hmingchhiatna chu i hre reng dawn tawh si lo.

⁵Nangmah Siamtu chu i pasal a ni si a; a hming chu sipaihote LALPA a ni: Israel-ho Mi Thianghlim chu nangmah tlantu a ni bawk a ni; ani chu khawvel zawng zawng Pathian an ti ang. Nupui rilrua lungngai tak, tlangval laia nupui tawh, paih hnu koh leh angin LALPA'n a ko che a nih hi, i Pathianin a ti.

⁶Mitkhapkar lek ka ma chia; nimahsela khawngaihna nasa takin ka hruai leh ang che.

⁷Ka thinur liamin mitkhapkar i lakah ka hmai ka thup a; nimahsela kumkhawngilneihnain ka khawngaih ang che, LALPA nangmah tlantu chuan a ti. Chu chu ka tan Nova tuite ang kha a ni si a: "Nova tuite chuan lei a chim pil leh tawh lo ang," tia, chhia ka chham ang khan, "I chungah ka thinur tawh lo ang a,ka zilhhau tawh hek lo ang che," tiin, chhia ka chham ta a ni.

⁸Tlang liante chu an kal bo ang a, tlang tete chu sawnin an awm bawk ang; ka ngilneihna erawh hi chu i lak ata a kal bo lo ang a, ka remna thuthlung chu sawnin a awm hek lo ang, LALPA a khawngaihtu che chuan a ti.

⁹Aw nang tihretheih, tuifawn vawrh vawrh, thlamuanna nei lo, ngai teh,i lungrem chu lung tha miin ka rem ang a, i lungphumte chu sapphir lungtein ka rem bawng ang.

¹⁰I chhip zumte ch rubi lungin, i kawngkharte chu karbankul lungin, i kulh zawng zawng chu lungmawitein ka siam ang.

¹¹Tin, i fate zawng zawng chu LALPA zirtirin an awm ang a, i fate thlamuanan chu nasa tak a ni ang.

¹²Felnaa tihnghehin i awm ang a: hnehchhiahna ata hla takah i awm ang a, i hlau dawn lo a ni; thil rapthlak ata hla takah i awm bawk ang a, a hnaih dan lo che a ni.

¹³Ngai teh, bei tur chein an la pung khawm a ni thei a, neimahsela ka thu a ni lo vang: angmah bei tura pung apiangte chu nangmah avangin an tlu ang.

¹⁴Ngai teh, kei chuan thirdeng pum zapa a hnatahwhna tur hriam chher thintu chu ka siam a; keimah vekin tichhe turin tichhetu ka siam bawk a ni.Nangmah beina tura hriam chher reng reng a sawt lo ang; lei tinreng thupawia nangmah rawn khingtute chu thiam loh i chantir ang. Chu chu LALPA chhiahhlawhte rochan chu ani a, an felna chu ka hnen ata a ni, LALPA'n a ti.

¹⁵Nangmah beina tura hriam chher reng reng a sawt lo ang; lei tinreng thupawia nangmah rawn khingtute chu thiam loh i chantir ang. Chu chu LALPA chhiahhlawhte rochan chu ani a, an felna chu ka hnen ata a ni, LALPA'n a ti.