Read Baibul, Mizo Isaia 55 Bible Online

Isaia 55 - Baibul, Mizo bible

Isaia 55

¹Hawh u, tuihal apiangte u, tuiahte hian lo kal rawh u, tangka nei lote pawh; lo kal u la, lei u la, ei rawh u; a ni lo kal u la, uain leh hnutetui tangka pe loin, a man pawh pe loin lei rawh u.

²chaw ni si loah eng vangin nge tangka in sen? Puar leh fanna ni si loah eng vangin nge in tha in sen? Ka thu ngun takin ngaithla u la, thil tha chu ei rawh u, in nunna chu thil thauvah chuan hlim rawh se.

³In beng rawn dawh u la, ka hnenah lo kal rawh u; ngaithla u la, tichuan in nunna chu a nung ang: tin, in hnenah kumkhaw thu ka thlung ang, Davida hnena khawngaihna tiam tlatte chu.

⁴Ngai teh, ani chu mi tin tan hretuah ka ruat a, mi tin tan hruaitu leh hotuah ka ruat a ni.

⁵Ngai teh, i hriat ngai loh hnam chu i ko ang a, nangmah hre ngai lo hnam chu i hnenah an lo tlan ang, LALPA i Pathian avang leh Israel-ho Mi Thianghlim avang chuan; ani chuan a chawimawi si chia.

⁶Hmuh awla a awm loa hian LALPA chu zawng u la, a hnaih lai hian ko rawh u:

⁷mi suaksual chuan a awm dan chu bansan se la, mi fel lo chuan a ngaihtuahnate chu bansan bawk rawh se: LALPA hnenah kir leh rawh se, tichuan anin a lo khawngaih ang; kan Pathian hnenah kir leh rawh se, anin a ngaidam nasa khawp dawn si a.

⁸Ka ngaihtuahte hi i ngaihtuahte a ni si lo a, i awm dante chu ka awm dan a ni hek lo, LALPA'n a ti.

⁹Van khi lei aia a sang zawk angin, ka awm dante hi in awm dante aiin a sang zawk si a, ka ngaihtuahte pawh hi in ngaihtuahte aiin a sang zawk bawk a ni.

¹⁰Ruah leh vur chu van atangin a sur thin a, khi lamah khian a kir leh ngai lo a, lei hi a chawm zawk a, thil a totirin a chawrtir a, buh chi thehtu hnenah buh chi a pe a, eitu hnenah ei tur a pe thin;

¹¹Chutiang bawkin ka ka atanga ka thu chhuak chu a awm ang: engmah tih nei loin ka hnenah a kir leh lo ang a, ka duh ang chu a tizo zawk ang a, thil ti tura ka tirhnaah chuan a hlawhtling bawk ang.

¹²Hlim taka chhuakin, thlamuang taka hruai chhuahin in awm dawn si a: tlang liante leh tlang tete chuan in hmaah hla an sa chhuak phut ang a, phul thing zawng zawngte chuan an kut an beng bawk ang.Hnimhlingnei ai chuan far a to zawk ang a, buar ai chuan lenhmui a to zawk ang: chu chu LALPA tan hming thatna tur leh kumkhaw chhinchhiahna tihborala awm lo tur a ni ang.

¹³Hnimhlingnei ai chuan far a to zawk ang a, buar ai chuan lenhmui a to zawk ang: chu chu LALPA tan hming thatna tur leh kumkhaw chhinchhiahna tihborala awm lo tur a ni ang.