Read Baibul, Mizo Isaia 59 Bible Online

Isaia 59 - Baibul, Mizo bible

Isaia 59

¹Ngai teh u, LALPA kut chu chhandam thei lo turin tihtawiin a awm lo a; a beng chu hre thei lo turin a ngawng hek lo:

²in khawlohnate chu nangni leh in Pathian kara tlain a tithen zawk che u a ni a, benga a hriat duh lohna turin in sualnate chu a hmai chu a hliahsak bawk che u a ni.

³In kutte chu thisena tihbawlhhlawhin a awm a, in kut zungtangte lah khawlohnaa tihbawlhhlawhin a awm si a; in hmuite chuan dawt a sawi a, in lei chu suahsualna thu saiwin a phun nuah nuah thin.

⁴Tuma'n dik takin thupawi an sawi lo a, tumah thutak takin thu an sawipui ngai lo:boruak mai mai hi an ring a, dat an sawi thin a; thiltihsualna an pai a, khawlohna an hring thin.

⁵Rulmuk tuite an awp keu a, maimawm ril puan an tah thin: an tui eitute chu an thi thin a, tihkeha awmah chuan rul a lo chhuak thin.

⁶An maimawm ril puan chu silhfenahte a chang lo ang a, an thiltihte chu an inbel hek lo ang: an thiltihte chu khawlohna thiltihte a ni a, thil rawng taka tihna chu an kutah a awm bawk a.

⁷An kete chu thil tha lo lamah a tlan thin a, thisen sawiselbo chhuah turin an hmanhmawh thin: an ngaihtuahte chu khawlohna ngaihtuahnate a ni thin a; tiauna leh chhiatna chu an kawngahte a awm thin.

⁸Thlamuanna kawng an hre lo a; an kalhnaahte chuan dikna reng reng a am ngai lo: an tan kawng kawite an siam a; chuta kal apiang chuan thlamuanna an hre ngai lo.

⁹Chuvangin rorelna chu keimahni atanga hla takah a awm thin a, felna chuan min um phak ngai hek lo: eng kan nghak thin a, nimahsela, ngai teh, thim a lo ni thin; enna kan nghak thin a, nimahsela thim mupah bawk kan kal thin.

¹⁰Mitdel angin bang kan dap dun dun thin a, a ni, mit nei lote angin kan dap dun dun thin: thimhlim ang maiin chhunah kan inchhuih thin a; mi chakte zingah chuan mitthi ang mai kan ni.

¹¹Savawmte angin kan zain kan huk dur dur thin a, thurote angin nasa takin kan rum nghuat nghuat thin: rorelna kan nghak thin a, nimahsela a awm hauh si lo a; chhandamna kan nghak thin a, nimahsela keimahni atangin hla takah a awm thin.

¹²Kan bawhchhiatnate hi i hmaah a pung ta si a, kan sualnate hian min hek thin a ni: kan bawhchhiatnate hi kan hnenah a awm reng si a, kan khawlohnate zawng kan hria a ni:

¹³kan bawhchiat te, LALPA kan phatsan te, kan Pathian zui zel loa kan hawisan te, hnehchhiah thu leh hel thu kan sawi te, dawt thu kan pai a, thinlung ata kan sawi chhuah thinte hi.

¹⁴Tichuan rorelna chuan hnung lam min hawisan a, felna chuan hla takah min dinsan ta: thutak chu kawtthlerah a tlu reng si a, dikna chu a lut thei lo a ni.

¹⁵A ni, thutak a awm ta lo a; thil tha lo bansantu chu rallakah a insiam thin: tichuan LALPA'n chu chu a hmu a, rorelna reng reng awm ta lo chuan a tilungni ta lo a.

¹⁶Tin, mi reng reng an awm lo tih a hria a, dilsaktu reng reng an awm lo chu mak a ti a: chuangin ama ban ngei chuan chhandamna a insiam a; ama felna ngei chuan a inchelh ding ta a.

¹⁷Tin, felna chu awmphawah a ha a, chhandamna lukhum akhum a; tin, inthuamnaah chuan phuba lakna silhfente chu a inbel a, kawrfualah chuan thahnemngaihna a ha a.

¹⁸An thiltihte angin, an thiltihte ang ngeiin ani chuan a thungrul ani chuan a thungrula ng, amah dotute chu thinrimnain, a hmelmate chu thungrulhnain a thungrul ang; thliarkarte chu thungrulhnain a thungrul ang.

¹⁹Chutichuan LALPA hming chu tlang lam atangin LALPA hming chu tlang lam atangin an tih ang a, a ropuina ni chhuahna atangin an tih bawk ang; ani chu tui lian thut, LALPA thawa chhem luan vut vut angin a lo kal dawn si a.

²⁰Tin, Zion-ah chuan tlantu a lo kal ang a, Jakob-ho zinga bawhchhiatna hawisantute hnenah pawh a lo kal ang, LALPA'n a ti:Kei zawng hei hi a ni, an hnena ka thuthlun chu ni LAPAN a ti: ka thlarau i chunga awm leh, ka thu i kaa ka dahte chuan, tun achinah chatuan thleng pawhin i ka chu an chhuahsan lo ang a, i thlahte ka chu an chhuahsan hek lo ang a, i thlahte thlah leh chhawng ka pawh tun atanga kumkhuain an chhuahsan hek lo ang, LALPA'n a ti.

²¹Kei zawng hei hi a ni, an hnena ka thuthlun chu ni LAPAN a ti: ka thlarau i chunga awm leh, ka thu i kaa ka dahte chuan, tun achinah chatuan thleng pawhin i ka chu an chhuahsan lo ang a, i thlahte ka chu an chhuahsan hek lo ang a, i thlahte thlah leh chhawng ka pawh tun atanga kumkhuain an chhuahsan hek lo ang, LALPA'n a ti.