Read Baibul, Mizo Isaia 62 Bible Online

Isaia 62 - Baibul, Mizo bible

Isaia 62

¹A felna chu enna anga a chhuah a, amah chhandamna chu khawnvar alh anga a chhuah hma loh chuan, Zion avangin ka ngawi reng lo ang a, Jerusalem avangin ka awm hle hle lo ang.

²Tichuan hnam tinin i felna chu an hmu ang a, lal zawng zawngin i ropuina chu an hmu bawk ang: tin, hming thar, LALPA kain a vuah tur chuan an ko ang che.

³LALPA kuta mawina lallukhum leh i Pathian kuta ropuina lukhum i ni bawk ang.

⁴Mak," an ti leh tawh lo ang che; i ram pawh chu "Tihtiau," an ti leh tawh hek lo ang: "Duhlai," an ti tawh zawk ang chia, i ram pawhin pasal a nei dawn a ni.

⁵tlangvalin nula nupuia an nei thin ang hian ifapaten nupuiah an nei ang che: mo neitu chu mo chungah a lawm angin, i Pathian chu i chungah a lawm ang.

⁶,7 Aw Jerusalem, i kulh chungah ralvengtute ka ventir a; a chhun azanin engtikah mah an ngawi lo ang: Jerusalem hi a tihngheha,m leiah hian fakawma a siam hma loh chuan, nangni LALPA hriatpuitua awmte u, awm hle hle hlek suh u la, amah pawh chu awm hle hletir hlek suh u.

⁷,6 Aw Jerusalem, i kulh chungah ralvengtute ka ventir a; a chhun azanin engtikah mah an ngawi lo ang: Jerusalem hi a tihngheha,m leiah hian fakawma a siam hma loh chuan, nangni LALPA hriatpuitua awmte u, awm hle hle hlek suh u la, amah pawh chu awm hle hletir hlek suh u.

⁸,9 LALPA'n, "I buh chu nangmah dotute chawah ka pe leh tawh hauh lo ang a: ram dang miten i thawh chhuah uain chu an in tawh lo ang: a sengtute chuan an ei tawh zawk ang a, LALPA chu an fak ang; a lotute chuan ka hmun thianghlim hung chhung kawtlaiah chuan an in tawh ang," tiin a kut ding lam leh a ban chak tak chhalin chhia a chham ta.

⁹,8 LALPA'n, "I buh chu nangmah dotute chawah ka pe leh tawh hauh lo ang a: ram dang miten i thawh chhuah uain chu an in tawh lo ang: a sengtute chuan an ei tawh zawk ang a, LALPA chu an fak ang; a lotute chuan ka hmun thianghlim hung chhung kawtlaiah chuan an in tawh ang," tiin a kut ding lam leh a ban chak tak chhalin chhia a chham ta.

¹⁰Chhuak u la, kulh kawngkaahte chhuak rawh u; mite tan kawng buatsaih u la; chhung pawng u la, lamlian chu chhung pawng rawh u; lungte chu chhar fai u la; mite tan chhinchhiahna tar chhuak rawh u.

¹¹Ngai teh u, LALPA'n kawlkil thlengin heti hian a hriattir a ni, "Zion fanu hnenah heti hian sawi rawh u, 'En teh, nangmah chhandamna a lo thlen dawn hi; en teh, a lawmman chu a hnenah a awm hi, a rulhna chu ahmaah a awm bawk a.Tichuan anni chu, Mi thianghlimho, LALPA tlante an ti ang a: nang chu, Zawn chhuah, Kalsan loh khawpui, an ti ang che,' tiin, " a ti a.

¹²Tichuan anni chu, Mi thianghlimho, LALPA tlante an ti ang a: nang chu, Zawn chhuah, Kalsan loh khawpui, an ti ang che,' tiin, " a ti a.