Read Baibul, Mizo Isaia 66 Bible Online

Isaia 66 - Baibul, Mizo bible

Isaia 66

¹LALPA chuan heti hian a ti, "Van ka thutphah a ni a, lei ka ke nghahchhan a ni: in eng ang nge mi saksak ang: Khawii hmun nge ka chawlhna tur chu?

²Heng thil engkim hi ka kutin ka siam ani si a, chutichuan he'ng thil engkim hi a lo awm ta a ni, LALPA'n a ti: amaherawhchu mi, rethei taka awm, rilrua inchhir ngawih ngawih, ka thua khur thina lam hi ka en zawk ang.

³Bawngpa talhtu chu mihring thattu ang a ni a; beram nova inthawitu chu ui nghawng titliaktu ang a ni a; thilpek hlantu chu vawk thisen hlantu ang a ni a, beraw haltu chu milem malsawmtu ang a ni: a ni, anmahni kawng chu a thlang ta a, an thil tenawmahte chuan an rilru a lawm thi;

⁴ka koh lai khan tuma'n mi chhan lo a, thu ka sawi lai kha, benga an hriat loh a, ka mit hmuha thil sual chu an tih zawk a, ka thil lawm loh zawng chu an thlan avangin kei pawhin anmahni bumna turte chu ka thlansak ang a, an hlauhzawngte chu an chungah ka thlentir ang," tiin.

⁵A thua khur thitne u, LALPA thu hi hre rawh u: "In unau, nangmahni hawtu leh ka hming avanga nangmahni hnawt chhuaktute chuan, 'In lawmna kan hmuh theihna'n LALPA chu tihropuiin aawm rawh se,' an ti a; nimahsela an zak tawh zawk ang.

⁶Chu! Khawpuia sa mur mur thawm chu! Biak ina thawm a nih chu! A hmelmate thungrultu, LALPA thawm anih chu!

⁷Ani chuan vei hman loin nau a nei a; na hre hman loinmipa naupang ahring a.

⁸Chutiang chu tuin nge hre thei ngai? Chutiangte chu tuin nge hmu ngai? Ni khatah ram a piang thut dawn em ni? Vfawilhekhatah hnam hrinin a awm thut dawn em ni? Zion chuan nau a vei veleh a fate chu a hring ta pang si a.

⁹Pian hun thlentir siin ka hrintir dawn lo em ni? LALPA'n a ti: kei hrintir thintu hian fa ka neihtir phal dan lo em ni? i Pathianin a ti.

¹⁰Jerusalem hmangaihtu zawng zawngte u, Jerusalem chu hlimup u la, lawmpui rawh u: amah suntu zawng zawngte u, lawm avangin hlimpui rawh u:

¹¹in hneka, thlamuanna hnuteahte chuan in tlai theihna'n leh, in hnek daka, a ropuina tam takah chuan in lawm theihna'n," tih hi.

¹²LALPA chuan heti hian a ti si, "Ngai teh u, remna chu luipui ang maiin a hnen thlengin ka luantir ang a, hnam tin ropuina chu luite a kuang liam dul dul ang maiin, a hnen thlengin ka luantir bawk ang, tichuan chu chu in hne ang; a hmathlak ang che u a, a mal chungah chuan a tumtir ang che u.

¹³Mi, a nuin a thlamuan angin ka thlamuan ang che u; tichuan Jerusalem-ah chuan thlamuanin in awm dawn nia.

¹⁴Tin, chu chu in hmu ang a, in thinlung chu ahlim ang a, in ruhte pawh hlobet hring dup angin a duah hluah hluah ang: tichuan LALPA kut chu a chhiahhlawhte lamah a awm tih an hria ang a, a hmelmate chungah alungni lo ang.

¹⁵Ngai teh u, a thinur chu thinrimnaa hrithla tur leh, a zilhhauna chu meialhtea hritla turin, LALPA chu mei nen a lo kal dawn si a, a tawlailirte chu thawngaleivir ang mai a ni ang.

¹⁶Meiin a ni, LALPA'n a ngaihtuah dawn ni, a khandaihin a ni, mi zawng zawng a ngaihtuah dawn ni: tichuan LALPA tihhlumte chu tam tak an ni ang.

¹⁷Huanahte inthawi tuma inzui dum dum tura intithianghlim leh inthianfai thinte, vawk sa leh thil tenawm leh chaichim sa eite chu an boral tlang ang, LALPA'n a ti.

¹⁸Am thiltihte leh an ngaihtuahte chu ka hre si a: hnam tinreng leh tawng tinreng ka hruai khawm hun a lo thleng dawn; tichuan an lo kal ang a, ka ropuina an hmu ang.

¹⁹Tin, an zingah chuan chhinchhiahna ka awmtu ang a, tichuan an zinga hremna pumpelh apiangte chu hnam tin hnenah - Tarsis te, Pul te, thal ngul kuaiho Lud hnenah te, Tubal leh Javan-ho hnenah te, thliarkar hla ta, ka hmingthan la hre ngai lo a, ka ropuina la hmu ngai loho hnenahte chuan - ka tir ang; tichuan hnam tin zingah ka ropuina thu an sawi ang.

²⁰Tichuan Israela thlahten an thilhlan chu bungbel thianghlim taka LALPA ina an rawn la lut thin ang hian, LALPA hnena thilhlan atan hnam tinreng zing ata in naute zawng zawng chu saker chungah te, tawlailirah te, zawnnaah te, sabengtung chungah te, sanghawngsei chungah te, Jerusalem ka tlang thianghlimah chuan an rawn hruai ang, LALPA'n a ti.

²¹Tin, chung zinga mi pawh chu puithiam atante leh Levia mi atante ka la ang, LALPA'n a ti.

²²Van tharte leh lei thar ka la siam tur chu ka hmaah a awm reng dawn angin, in thlahte leh in hming chu a awm reng bawk dawn a ni, LALPA'n a ti.

²³Tin, heti hi a ni ang a, thla thar atanga thla thar dang thlengin, chawlhni atanga chawlhni dang thlengin mi zawng zawng ka hmaah chibai mi buk turin an lo kal zut zut ang, LALPA'n a ti.Tin, an kal chhuak thin ang a, ka laka bawhchhetute ruang chu an en ang: an lungte chu an thiin, an mei chu tihmihin a awm dawn si lo; mi zawng zawng tan thil tenawm tak an ni ang.

²⁴Tin, an kal chhuak thin ang a, ka laka bawhchhetute ruang chu an en ang: an lungte chu an thiin, an mei chu tihmihin a awm dawn si lo; mi zawng zawng tan thil tenawm tak an ni ang.