Read Baibul, Mizo Isaia 7 Bible Online

Isaia 7 - Baibul, Mizo bible

Isaia 7

¹Tin, Uzia fa Jothama fapa Ahaza lal lai chuan heti hi a ni a, Suria lal Rezina leh Israel lal Remalia fapa peka chu Jerusalem run turin an chho a; nimahselah, an hneh thei lo.

²Tin, Davida chhungte chu, "Suria chu Ephraim nen an tang dun ta," tiin, an hrilh a. Tichuan a thinlung leh a khua leh tuite thinlung chu, ramhnuai thingte thliin a tinghing susu susu ang hian, tihnghinin a lo awm ta a.

³Chutichuan LALPA chuan Isaia hnenah, "Nang leh i fapa Searjasuba chu, dil chakta zawk tuilakna tawpah, puansutu phul lamlianah chuan, Ahazaa hmuak turin kal chhuak tawh u la;

⁴a hnenah, 'Fimkhur la, awm hle hle rawh; meichher bung khu mai mai pahnih, Suria lal Rezina leh Remalia fapaa thinurna nasa tak chu, hlau suh la, i thinglung chu zam suh se.

⁵Juda chu han beiin han tibuai i la, chutah chuan kan tan luhna tur siamin, a lai takah Tabeela fapa chu lalah i thuttir ang u, tiin.

⁶Suria leh Ephraim leh Remalia fapa chuan an phiar che avangin.

⁷Lalpa PATHIAN chuan heti hian a ti a. An thu phiar chu a puitling lo ang a, a hlawhtling hek lo ang.

⁸Suria lu chu Damaska a ni a, Damaska lu chu Rezina lek a ni si a: kum sawmruk leh kum nga ral hmain Ephraim chu chi tih tlak loah aawm turin tihchhiat vekin a awm ang:

⁹tin, Ephraim lu chu Samari a ni a, Samri lu chu Remalia fapa lek a ni si a. In rin duh loh chuan, tihnghehin in awm thuai lo ang, tiin,' ti rawh," a ti a.

¹⁰Tin, LALPA chuan Ahazaa a be leh a,

¹¹LALPA i Pathian hnenah chhinchhiahna dil rawh; Seol thuk tak ata emaw van sang tak ata emaw," a ti a.

¹²Ahazaa erawh chuan, "Kal dil lo ang, LALPA pawh ka fiah hek lo ang," a ti a.

¹³Tin, ani chuan, "Aw Davida chhungte u, tunah ngaithla teh u; mihring tihhah hi thil te tak teah in ruat a ni maw, ka Pathian lam pawh tihhah in duh zel ni?

¹⁴chuvangin LALPA ngei chuan chhinchhiahna a pe ang che u; ngai teh u, nula thianghlim pakhat a rai ang a, fapa a hring ang a, a hmingah Immanuela a sa ang.

¹⁵Ani chuan thil tha lo lam duh loh nachang a hriat hunah leh, thil tha lam duh nachang a hriat hunah chuan bawnghnute khal leh khawizu a ei thin ang.

¹⁶Naupang chu t hil tha lo lam duh loh nachang leh thil tha lam duh nachang a hriat hma pawhin lal pahnih i huatate ram chu a tiau dawn a ni," a ti a.

¹⁷Ephraim chuan Juda a then ni ata la thleng ngai lo nite chu LALPA chuan i chungah leh, i khua leh tuite chungah leh, i pa chhungte chungah chuan a thlentir ang, Assuria lal ngei chu.

¹⁸Chu mi niah chuan heti hi a ni ang a, LALPA chu Aigupta lui tawp rettea tho awm leh, Assuria rama ikhuai awm chu, ko turin a faifuk ang.

¹⁹Tichuan an lo kal ang a, an zain kawr chhe rek rukah te, lungpui pukah te, hnimhlingnei zawng zawngah te, ran tlatna hmun zawng zawngahte an fu ang.

²⁰Chu mi niah chuan Lalpa'n bakmehchem hawh, Luipui piah rama Assuria lal awm chu hmangin, lu leh ke hmul chu a ziat fai ang a; khabe hmul pawh a ziat bo vek ang.

²¹Tichuan chu mi niah chan heti hi a ni ang a, mi pakhatin bawngla pakhat leh beram pahnih chauh a vul ang;

²²nimahsela heti hi a ni ang a, hnutetui tam tak an la pek dawn avangin hnutetui khal a ei thin ang: ram chhunga la awm apiangin hnutetui khal leh khawizu an ei theuh dawn si a.

²³Tin, chu mi niah chuan heti hi a ni ang a, hmun tin, grep hrui sang, tangka sang man awmna apiangte chu, buar leh hnimhlingnei hmun mai a ni tawh ang.

²⁴Ram zawng zawng chu buar leh hnimhlingnei hlir a lo nih tak avangin chutah chuan thal leh thal ngul kengin an kal ang.Tin, tlang, bawngtuthlawha laih tawh zawng zawngah chuan, buar leh hnimhlingnei hlauh avangin i lo kal lo ang a, bawngchalte tlattirna leh beram chil mai atan a ni zawk tawh ang," a ti a.

²⁵Tin, tlang, bawngtuthlawha laih tawh zawng zawngah chuan, buar leh hnimhlingnei hlauh avangin i lo kal lo ang a, bawngchalte tlattirna leh beram chil mai atan a ni zawk tawh ang," a ti a.