Read Baibul, Mizo Isaia 8 Bible Online

Isaia 8 - Baibul, Mizo bible

Isaia 8

¹Tin, LALPA chuan ka hnenah, "Lehkha ziakna phek hlai tak la a, mihring kawlawmin a chungah ;Maher-salal-has-baza atan,' tiin, ziak rawh;

²tichuan hretu rinawm, puithiam Uria leh Jaberekia fapa Zekaria chu hriatpuitu atan ka siam ang," a ti a.

³Tin, zawlneinu hennah chuan ka kal a, tichuan ani chuan nau a pai a, fapa a hring ta a. Chutichuan LALPA'n ka hnenah," A hmingah Maher-salal-has-baza sa rawh.

⁴Naupang chuan, 'Ka nu,''Ka pa, tih nachang a hriat hma pawhin Damaska hausaknate a hriat hma pawhin Damaska hausaknate leh Samari laka ral lak sumte chu Assuria lal hmaah an kal bopui dawn si a," a ti a.

⁵Tin, LALPA chuan ka hnenah a sawi leh a,

⁶Heng chite hian Silova tui dam taka luang del delte chu an duh loh avang leh, Rezina leh Remalia fapa chunga an lawm avangin,

⁷ngai teh, LALPA chuan luipui tui, khauh takte leh tam takte (Assuria lal leh a ropuina zawng zawng chu), an chungah a luantir ang : tichuan a kuang zawng zawng chu a lo liam dul dulin, a kam zawng zawngah pawh a liam dul dul ang :

⁸tin, Juda-ho ram thlengin a tuam lut dul dul ang a; a liamin a luang tlang dul dul ang a; nghawng pawh a chim phak hial ang; tin, a thla zar chuan, aw Immanuel, i ram vang lam zawng zawng hi a awh vek ang.

⁹Chi tinte u, buai ta nuai nuai che u, kehsawmin in awm dawn nia; ram hla taka mi zawng zawngte u, beng chhi rawh u: inralthuam rawh u, kehsawmin in awm dawn nia; in ralthuam rawh u, kehsawmin in awm dawn nia.

¹⁰Inrawn khawm rawh u, engmah a ni hlei lo ang e; thu sawi rawh u, a puitling thei lo ang e: Pathian kan hnenah a awm si a," tiin.

¹¹LALPA chuan kut chak takin heti hian ka hnenah a saiw a, he chita kawngah hian ka kal ve lohna turin mi thunun a nih hi:

¹²He chite hian 'Phiar an nei e,' an tih thin nazawng chu 'Phiar an nei e,' ti ve suh u; an tih pawh chu tih ve loin, hlau ve hek suh u.

¹³Sipaihote LALPA, amah ngei chu in tithianghlim tur a ni; amah chu in tiha ni sela, amah chu in hlauha ni rawh se.

¹⁴Tin, ani chu hmun thianghlim ani ang a; Israela chhung hnihte tan erawh chuan tlukna lung leh dalna lungpui a ni zawk ang a, Jerusalem-a awmte tan thang leh fal ani bawk ang.

¹⁵Tichuan mi tam takin chu chu an chhuihin an tlu ang a, tihkehin an awm ang a, an awk ang a, manin an awm ang," tiin.

¹⁶Hriattirna thu zial hi phuar la, dan thu hi ka zirtirte zingah nemin chhinchhiarh raw.

¹⁷Tin, kei chuan Jakona chhungte laka a hmai thuptu LALPA chu ka nghak ang a, amah chu ka thlir reng ang.

¹⁸ngai teh, kei leh LALPA mi pek naupangte hi, Israel-ho zingah hhian sipaihote LALPA Zion tlanga awm laka chhinchhiahna atante leh thilmak atante kan ni a.

¹⁹Tin, miin, "Ramhuai aienthiam zawl leh dawithiam hram chuap chuap leh phun nuah nuahte chu rawn rawh u," an tih hunah che u chuan heti hian chhang rawh u, "Miten an Pathian chu anr awn zawk tur a ni lo'm ni? Mi nungte tan chuan mitthi an rawn tur em ni?

²⁰Dan Thu leh Hriattirna Thu chu rawn tur a ni," tiin. Chu mi thu ang zela an sawi loh chuan an tan khua reng reng reng a var thuai dawn lo a ni.

²¹Mangang tak leh riltam chungin ram chu an fang ang a; tin, heti hi a ni ang a, an ril a tam hun chuan an thin chu a ur em em ang a, an lal leh an Pathian chu anchhia an lawh bawrh bawrh ang a, an vanvadak vak vak ang:tin, lei lam an en ang a, ngai teh, manganna leh thimna, thlaphan nguina chu a ni ang: tichuan thim chhah mupah hnawh boin an awm ang.

²²tin, lei lam an en ang a, ngai teh, manganna leh thimna, thlaphan nguina chu a ni ang: tichuan thim chhah mupah hnawh boin an awm ang.