Read Baibul, Mizo Isaia 9 Bible Online

Isaia 9 - Baibul, Mizo bible

Isaia 9

¹Nimahsela thlaphanga awm tawhi tan chuan nguina reng reng a awm tawh lo ang. Hman lai chuan Zebulun ram Nephtali ram chu hmustawmin a awmtir a, nimahsela hun hnuhnungah chuan ropui takin a awmtir ta, dil kamah, Jordan ralah, hnam tin Galili chu.

²Mi thim hnuaia kalte chuan eng nasa tak an hmu ta: thihna hlim rama awmte chungah ngei chuan eng chu a lo eng ta.

³Hnam chu i titam ta a, an hlimna pawh i tipung ta a: buh seng laia hlim angin i hmaah an hlim ta a, miin rallak sum an sema an hlim ang maiin.

⁴A ritphurhna nghawngkawl leh a kovia zawn fung, a hnechiahtu talhtum chu, Midian-ho hneh ni ang khan i tihtliaksak ta si a.

⁵Indona hmuna mi ralthuama an inthuamna zawng zawngte leh an silhfen thisen kai hniang hnuangte chu hala tuah ral a la ni ang.

⁶Kan tan naupang a lo piang a, fapa pekin kan awm ta a: rorelna chu a kokiah a chuang ang a: a hmingah chuan, Maka, Remruattua, Pathian Chaka, Chatuan Pa, Remna Lal an ti dawn si a.

⁷A ram a zu zel ang a, a ramah remnain tawpintai a nei lo ang; Davida lalthutthlengah a thu ang a, dik tak leh fal takin rorelin a rawn tinghet ang, tun atanga kumkhuain, thahnemngaihna chuan chung chu a ti ang.

⁸Lalpa chuan Jakob-ho ramah thu a thawn a, Israel-ho chungah a tla ta a.

⁹Tichuan mi zawng zawng, Ephraim-ho leh Samaria awm, chapo tak leh rilrua uangthuang taka,

¹⁰Lei rawh chante chu chim mah se la lung chang chherin kan rem mai ang: theipui thingte chu sah chhumin awm mah se la, sidar thingten kan thlak mai ang," titute chuan an la hria ang.

¹¹Chuvangin LALPA chuan Rezina dotute chu amah do turin a chawisang ang a;

¹²a hmelma, a hma lama Suria-hote, a hnung lama Philistia-hote chu, a chawk tho vang; tichuan ka angin Israel-ho chu an ei zo ang. Chuti kauva a tih pawh chuan a thinur chu a la reh si lo a, a kut chu a la lek ta cheu a.

¹³Nimahsela mite chuan anmahni vawtu lam chu an hawi chuang si lo a, sipaihote LALPA chu an zawng chuang hek lo.

¹⁴Chuvangin LALPA chuan Israel-ho alian atein, tum kau leh phungladin ang maiin ni khat thilah a chhawk vek ang.

¹⁵Upa leh mi zahawmte chu, a lu chu an ni a; dawt zirtir thin zawlneite chu, a mei chu an ni.

¹⁶Heng mite hruaitute hian an hruai sual thin a ni; an hruaiate chu tihboralin an awm tihn.

¹⁷Chuvangin Lalpa chu an tlangvalhote chungah a lawm lo ang a, an fahrahte leh hmeithaite chu a khawngaih hek lo ang: an zain Pathian zha lo mi leh thil tha lo titute an ni theuh a, ka zawng zawng chuan thu lawilo a sawi theuh si a. Chuti kauva a tih pawh chuan a thinur chu a la reh si lo a, a kut chu a la lek ta cheu a.

¹⁸Suahsualna chu mei angin a alh hluah hluah si thin a, buar leh hnimhlingneite chu a kang ral thin: a ni, ramhnuai thing bit zingahte chuan a kang hluah hluah a, a khu chho ngut ngut thin.

¹⁹Sipaihote Lalpa thinur avangin ram chu a kang chhia a, mite pawh chu meia tuah tur thing ang an ni a; tumah mahni unau pawh an zuah lo.

²⁰Tichuan miiin an ding lama mi an chuh ang a, nimahsela a ril a la tam cheu vang; an vei lama mi an ei ang a, nimahsela an tlai chuang lo ang: mi tinin mahni ban ti an ei theuh ang.Manase-hoin Ephraim-ho an ei ang a, Ephraim-hoin Manase-ho an ei ang: tin, an pahnih chuan Juda-ho an do dun ang. Chuti kauva a tih pawh chuan a thinur chu a la reh si lo a, a kut chu a la lek ta cheu a.

²¹Manase-hoin Ephraim-ho an ei ang a, Ephraim-hoin Manase-ho an ei ang: tin, an pahnih chuan Juda-ho an do dun ang. Chuti kauva a tih pawh chuan a thinur chu a la reh si lo a, a kut chu a la lek ta cheu a.