Read Baibul, Mizo Leviticus 10 Bible Online

Leviticus 10 - Baibul, Mizo bible

Leviticus 10

¹Tin, Arona fapa, Nadaba leh Abihua te chuan an mei lakna chu an la ve a, chutah chuan meiling an dah a, rimtui an phul a, LALPA hmaah a thupek lohin mei hman loh chi an hlan a.

²Chutichuan LALPA hma atangin mei a lo chhuak a, anni chu a kanghlum a, LALPA hmaah chuan an thi ta a.

³Chutichuan Mosia'n Arona hnenah, "Mi rawn hnaihtuahte chuan thianghlimin ka lang ang a, mipui zawng zawng hmaah huan chawimawiin ka awm ang,' tia LALPA'n a sawi kha hei hi a nih hi," a ti a. Tin, Arona chu a ngawi reng a.

⁴Tichuan Mosia chuan Arona pami Uziela fapa Misaela leh Elzaphana te chu a ko a, an hnenah, "Lo hnai u la, in unaute hi hmun thianghlim ata dawipawnah zawn chhuak rawh u," a ti a.

⁵Chutichuan an lo hnai a, kawr ha chungin daipawnah an zawn chhuak a, Mosia sawi ang chuan.

⁶Tin, Mosia'n Arona hnenah leh a fapa Eleazara leh Ithamara te hnenah chuan, "In sam thlah suh u la, in puante pawtthler hek suh u, chutilochuan in thi ang a, mi zawng zawng chungah a thinur ang: in unau, Israela chhungkaw pumpuiin mei, LALPA hal chu sun zawk rawh se.

⁷Tin, inbiakna puan in kawngka ata chu in chhuak tur a ni lo, chutilochuan in thi ang: LALPA hriak, thih mi chu in chungah a awm si a," a ti a. Tichuan Mosia thu ang chuan an ti ta a.

⁸Tin, LALPA'n Arona chu a bia a,

⁹Nang emaw I fapate emaw pawhin inbiakna puan in chhunga in kal laiin uaiin leh zu reng reng in suh u, chutilochuan in thi ang: in thlahte zel thlenga kumkhaw dan tur a ni ang a;

¹⁰chu chu a thianghlim leh a thianghlim lo leh a thiang leh a thiang lo in thlei theihna tur leh

¹¹LALPA'n Mosia hmanga an hnena a sawi, thupek zawng zawngte chu Israel thlahte chu in zirtir theihna'n a ni ang, tiin.

¹²Tin, Mosia'n Arona hnenah leh a fapa la dam Eleazara leh Ithamarate hnenah chuan, "LALPA tana meia thilhlana mi, chhangphut thilhlan lak bangte chu la u la, maicham bulah dawidim tel loin ei rawh u: thil thianghlim a ni si a:

¹³tin, LALPA tana meia thilhlana i pual leh i fapate pual a nih avangin hmun thianghlimah in ei tur a ni; chutianga thupek ka ni e.

¹⁴Tin, a ir then leh a bawp ding lam then chu hmun faiah in ei tur a ni; nang leh i fapate leh i fanute ho nen: Israela thlahte remna thilhlan inthawinaa i pual leh i fapate puala ruat a ni si a.

¹⁵Bawp then leh ir then chu LALPA hmaa then thilhlana then turin meia thilhlan thau nen an rawn keng tur a ni a: chu chu nang leh i fapate nen, kumkhuaa in pual tur a ni ang, LALPA thupek ang khan," a ti a.

¹⁶Tin, Mosia chuan sual thawina kel chu ngun takin a zawng a, tin, ngai teh, an lo hal tawh reng a ni a: tichuan, Arona fapa la dam, Elazara leh Ithamara chungah chuan a thinur a,

¹⁷Engatinge sual thawina chu hmun thianghlimah in ei loh? Thil thianghlim, mipuiho khawlohna phur tura LALPA hmaa remna siamsakna tura a pek che u a ni si a.

¹⁸Ngaiteh u, a thisen chu hmun thianghlimah in la lut hlei nem: thu ka pek ang khan hmun thianghlimah chuan in ei ngei ngei tur a ni a sin," tiin.

¹⁹Tin, Aronan Mosia hnenah, "Ngaiteh, vawiinah hian LALPA hmaah an sual thawina leh an halral thilhlan chu an hlan a ni a; hetiang thil hi ka chungah a lo awm ta mai si a: vawiinah hian sual thawina chu lo ei ta i la, LALPA ngaiha thil tihawm a lo ni dawn maw?" a ti a.Tin, Mosia'n chu chu a hriatin a lungawi ta a.

²⁰Tin, Mosia'n chu chu a hriatin a lungawi ta a.