Read Baibul, Mizo Leviticus 12 Bible Online

Leviticus 12 - Baibul, Mizo bible

Leviticus 12

¹Tin, LALPA'n Mosia a bia a,

²Israela thlahte hnenah, 'Hmeichhiain nau a paia fapa a hrin chuan ni sarih a bawlhhlawh ang a; hmeichhe dan pangngai hun laia a bawlhhlawh ang chuan a bawlhhlawh ang.

³Tin, a ni riat niin naute serh hmawr vun tan tur a ni.

⁴Thisen avanga inthianin ni sawmthum leh ni thum a la awm cheu tur a ni; a inthen ni a kim hma loh chuan thil thianghlim reng reng a khawih tur a ni lo a, hmun thianghlimah pawh a lut tur a ni hek lo.

⁵Hmeichhia a hrin erawh chuan hmeichhe dan pangngai hun laia a bawlhhlawh angin chawlhkar hnih a bawlhhlawh ang; tin, thisen avanga inthianin ni sawmruk leh ni ruk a la awm cheu tur a ni.

⁶Tin, fapa emaw fanu emaw avanga a inthenna ni a kim veleh halral thilhlanah beram no kum khat mi leh sual thawina'n parva no emaw, thuro emaw inbiakna puan in kawngka bulah puithiam hnenah a rawn keng tur a ni:

⁷Tin, anin LALPA hmaah a hlan ang a, inremna a siamsak ang a, tichuan a thisen chhuahna ata tihthianghlim a ni ang. Hei hi mipa emaw hmeichhia emaw hringtu tana dan a ni.Tin, a neihin beram no a tlin loh chuan thuro tuak khat emaw, parva no tuak khat emaw a keng tur a ni: pakhat chu halral thilhlanah, pakhat chu sual thawina'n: tin, puithiamin inremna a siamsak ang a, tichuan a thianghlim tawh ang,' tiin sawi rawh," tiin.

⁸Tin, a neihin beram no a tlin loh chuan thuro tuak khat emaw, parva no tuak khat emaw a keng tur a ni: pakhat chu halral thilhlanah, pakhat chu sual thawina'n: tin, puithiamin inremna a siamsak ang a, tichuan a thianghlim tawh ang,' tiin sawi rawh," tiin.