Read Baibul, Mizo Leviticus 13 Bible Online

Leviticus 13 - Baibul, Mizo bible

Leviticus 13

²Mi a tisa vun a vun emaw, a khir emaw, a bawl emaw, a vuna phar hri ni awma a lan chuan puithiam Arona hnenah emaw, a fapa, puithiamte zinga tu ber emaw hnenah hruai tur a ni.

³Tin, puithiam chuan tisa vuna hri chu a lo en ang a; tin, a hri awmna laia hmul chu a lo vara, a hri chu a tisa vun aia thuka a lan chuan phar hri a ni a: tin, puithiam chuan amah a lo en ang a, mi bawlhhlawh a nih a puang tur a ni.

⁴A tisa vuna bawlte chu a lo var a, vun aia thuka a lan loh a, a hmul chu a var loh chuan hri veitu chu puithiamin ni sarih a khung hrang ang a,

⁵tin, puithiam chuan ni sarih ni chuan amah chu a en ang a: tin, ngai teh, a hri chu a ngai renga a hmuh a, a hri chu a tai darh loh chuan puithiam chuan ni sarih vek a khung hrang leh ang a:

⁶tin, puithiam chuan ni sarih ni chuan a en leh ang a: tin, ngai teh, hri chu a lo thim a, hri chu a vuna a tai darh loh chuan puithiam chuan a thianghlim tih a puang tur a ni: khir mai a ni: a puante a su ang a, a lo thianghlim ang.

⁷Amaherawhchu a thianna tura puithiam a inentir hnua a khir chu a vuna a tai darh zau chuan puithiam a inentir leh tur a ni:

⁸tin, puithiam chuan a lo en ang a, tin, ngai teh, a khir chu a vuna a tai darh chuan puithiam chuan a bawlhhlawh tih a puang ang: phar a ni.

⁹Phar hri miin a vawn chuan puithiam hnenah hruai tur a ni;

¹⁰tin, puithiamin a lo en ang a, tin, ngai teh, vuna a vara a lo vun chhuah a, a hmul a tihvara a vung chu a lawn chuan,

¹¹phar benvawn a tisaah a awm a ni a, puithiamin a bawlhhlawh tih a puang ang a, khung hran tur a ni lo a, bawlhhlawh a ni si a.

¹²Tin, a phar chu vuna a tai darh zau a, a hri veitu chu a vun, a lu atanga a ke ler thlenga puithiam hriat theih chin pharin a bawm chuan,

¹³puithiam chuan a en ang a; tin, ngai teh, pharin a tisa zawng zawng a bawm chhuah tawh chuan hri veitu chu a thiang tih a puang tur a ni: a var zo tawh a, a thianghlim tawh a ni.

¹⁴Amaherawhchu a tisa a lo lawn chuan a lo bawlhhlawh ang.

¹⁵Puithiam chuan a tisa lawng chu a lo en ang a, a bawlhhlawh tih a puang tur a ni: tisa lawng chu a bawlhhlawh a ni; phar a ni.

¹⁶Amaherawhchu tisa lawng chu a lo danglam leh a, a lo var leh chuan puithiam hnenah a kal ang a,

¹⁷tin, puithiamin a lo en ang; tin, ngai teh, a hri chu a lo var chuan puithiam chuan hri veitu chu a bawlhhlawh lo tih a puang tur a ni: a thianghlim tawh a ni.

¹⁸Tin, tisa vun a lo khawihlia, a lo dam a,

¹⁹a khawihlina hmuna a lo var pawn emaw, var sen deuha a lo bawl emaw chuan puithiam entir tur a ni.

²⁰Tin, puithiam chuan a lo en ang a, tin, ngai teh, vun aia thuka a lan a, a hmul chu a lo var chuan puithiamin a bawlhhlawh tih a puang tur a ni: phar hri a ni a, khawihliah chuan a lo piang chhuak a ni.

²¹Amaherawhchu puithiamin a lo en a, tin, ngai teh, hmul var a awm loh a, vun aia a thuk loh a, a thim deuh chauh a nih chuan, puithiamin ni sarih a khung hrang ang a:

²²tin, vuna a tai darh chuan puithiamin a bawlhhlawh tih a puang tur a ni: hri a ni.

²³Amaherawhchu a bawl var chu a awmna ngaia a awm a, a tai darh loh chuan khawihli ser mai a ni a; puithiamin a thianghlim tih a puang tur a ni.

²⁴Tin, tisa vun a kan a, a kang lawng lai chu var sen deuh emaw, a var emawa a lo bawl chhuah chuan,

²⁵puithiamin a lo en ang a, tin, ngai teh, a bawl lai taka hmul chu a vara vun aia thuka a lan chuan phar a ni a, kangah chuan a lo piang chhuak a ni; tichuan puithiamin a bawlhhlawh tih a puang tur a ni, phar hri a ni.

²⁶Amaherawhchu puithiamin a lo en a, tin, ngai teh, a lo bawla a hmul var a awm loh a, vun aia thuk loa thim deuh chauh a nih chuan puithiamin ni sarih a khung hrang ang a:

²⁷tin, puithiamin ni sarih niin amah chu a en ang a, vuna a tai darh zau chuan puithiamin a bawlhhlawh tih a puang tur a ni, phar hri a ni.

²⁸Tin, a bawl chu a awmna ngaia a awm renga vuna a tai darh loh a, thim deuh chauh a nih chuan mei kan pawn mai a ni a, puithiamin a thianghlim tih a puang tur a ni: kang ser mai a ni.

²⁹Tin, hmeichhia emaw, mipa emawin a luah emaw, a khabe hmul laiah emaw hri a vei chuan

³⁰puithiamin hri chu a lo en ang a: tin, ngai teh, vun aia thuka a lana, hmul eng sin tak a awm chuan puithiamin a bawlhhlawh tih a puang tur a ni: pupangliah a ni a, lu leh khabe hmul phar a ni.

³¹Tin, puithiamin pupangliah hri chu a en a, tin, ngai teh, vun aia thuk loa a lan a, a hmul dum a awm loh chuan puithiamin pupangliah hri veitu chu ni sarih a khung hrang ang a:

³²tin, ni sarih niin puithiamin hri chu a en ang a, tin, ngai teh, pupangliah chu a tai darh loh a, hmul eng a awm loh a, pupangliah chu vun aia thuka a lan loh chuan,

³³meh tur a ni a, pupangliah lai erawh chu a met tur a ni lo; tin, puithiamin pupangliaha chu ni sarih dang a khung hrang leh ang a:

³⁴tin, ni sarih ni chuan puithiamin pupangliah chu a en leh ang a: tin, ngai teh, pupang- liah chu a vuna a darh loh a, vun aia thuka a lan loh chuan puithiamin a thianghlim tih a puang tur a ni; tin, a puante a su ang a, a lo thianghlim tawh ang.

³⁵Amaherawhchu pupangliah chu a inthenfai hnua vuna a tai darh zau chuan,

³⁶puithiamin amah chu a lo en ang a, tin, ngai teh, pupangliah chu vuna a tai darh chuan, puithiam tan chuan hmul eng chu zawn a ngai kher lo ang; a bawlhhlawh a ni.

³⁷Amaherawhchu pupangliah chu a ngai renga a hmuh a, hmul dum a to chuan pupangliah chu a dam a ni a, a thianghlim a ni; puithiamin a thianghlim tih a puang tur a ni.

³⁸Tin, hmeichhia emaw, mipa emaw, an tisa vunah bawl, bawl var tak a awm chuan,

³⁹puithiamin a en ang a; tin, ngai teh, an tisa vuna bawl chu a var thim deuh chauh a nih chuan bawl mai a ni a, vuna lo piang a ni a, a thianghlim a ni.

⁴⁰Mi a sam a tlak kawlh chuan lukawlh a ni a; nimahsela a thianghlim a ni.

⁴¹A chhip sam a tlak kawlh chuan chalkawlh a ni a; nimahsela a thianghlim a ni.

⁴²Amaherawhchu lukawlhah emaw, chalkawlhah emaw, hri sen deuha var a awm chuan, a lukawlh emaw, a chalkawlh emawa lo piang phar a ni.

⁴³Tichuan puithiamin a lo en ang a, tin, ngai teh, a lukawlh emaw, a chalkawlh emawa hri lo pawng chhuak chu a sen var hiara tisa vuna phar anga a lan chuan,

⁴⁴mi phar a ni a, a bawlhhlawh a ni; puithiamin a bawlhhlawh tih a puang ngei ngei tur a ni, a pharna chu a luah a ni.

⁴⁵phar hri vei chu a puante pawhthler a ni ang a, a sam te a thlah ang a, hmui chung lam a tuam ang a, 'Ka bawlhhlawh e, ka bawlhhlawh e,' tiin a au tur a ni.

⁴⁶Pharin a bawm chhung chu bawlhhlawh a ni ang a; a bawlhhlawh a ni a, a awm hrang tur a ni; a awmna tur chu daipawn a ni.

⁴⁷,48 Silhfen pawh, sahmul silhfen emaw, la zai sin silhfen emaw pawh; tah emaw phiar emaw pawh; la zai sin emaw sahmul emaw pawh; savun emaw, engpawh savuna siamah emaw phar hri a awm a,

⁴⁸,47 Silhfen pawh, sahmul silhfen emaw, la zai sin silhfen emaw pawh; tah emaw phiar emaw pawh; la zai sin emaw sahmul emaw pawh; savun emaw, engpawh savuna siamah emaw phar hri a awm a,

⁴⁹chu hri chu silhfenah emaw, savunah emaw, tahah emaw, phiarah emaw, engpawh savuna siamah emaw a bring deuh emaw, a sen deuh emawa a lo lan chhuah chuan, phar hri a ni a, puithiam entir tur a ni.

⁵⁰Tin, puithiamin hri chu a lo en ang a, hri kaina chu ni sarih a khung hrang ang a;

⁵¹tin, ni sarih niin hri chu a en ang a, hri chu silhfen, tahah emaw, phiarah emaw, eng atan pawha an hman savunahte emaw, a tai chuan hri chu phar nghet tak chi a ni a, a bawlhhlawh a ni.

⁵²Silhfen chu, tah emaw, phiar emaw, sahmul emaw, la zai sin emaw, savuna siam chi reng reng emaw, phar awmna tawh phawt chu a hal tur a ni; phar nghet tak chi a ni si a, hal ngei tur a ni.

⁵³Tin, puithiamin a lo en a, tin, ngai teh, silhfen, tah emaw, phiar emaw, savuna siam chi reng reng pawha hri chu a tai loh chuan,

⁵⁴hri awmna chu puithiamin suk thu a pe ang a, ni sarih dang a khung hrang leh ang:

⁵⁵tin, hri awmna sul hnu chu puithiamin a en leh ang a, tin, ngai teh, hri lan dan chu a danglam loh chuan hri chu fai lo mah se la, a thianghlim chuang lo a ni, i hal tur a ni: a nghet chi a ni; a chhung lam emaw, a pawn lam emawa kawlh pawh ni rawh se.

⁵⁶Tin, puithiamin a lo en a, tin, ngai teh, suk hnua thim deuh chauh a nih chuan silhfen ata emaw, savun ata emaw, tah ata emaw, phiar ata emaw chu a pawt thla ang a:

⁵⁷tin, hri chu silhfen tahah emaw, phiarah emaw, savuna siamahte emaw a la lan cheu chuan, a lo chhuak leh a ni a; hri awmna chu i hal tur a ni.

⁵⁸Tin, silhfen chu, tah emaw, phiar emaw, engpawh savuna siam chi reng reng emaw i suk a, hriin a kiansan chuan suk leh tur a ni a, tichuan a lo thianghlim tawh ang.Hei hi silhfen, sahmul emaw, la zai sin emaw, tah emaw, phiar emaw, savuna siam chi reng rengte emawa phar hri awm a thianghlim leh a thianghlim loh puanna dan tura chu a ni," tiin.

⁵⁹Hei hi silhfen, sahmul emaw, la zai sin emaw, tah emaw, phiar emaw, savuna siam chi reng rengte emawa phar hri awm a thianghlim leh a thianghlim loh puanna dan tura chu a ni," tiin.