Read Baibul, Mizo Leviticus 15 Bible Online

Leviticus 15 - Baibul, Mizo bible

Leviticus 15

¹Tin, LALPA chuan Mosia leh Arona a bia a,

²Israela thlahte chu bia u la, an hnenah, 'Mipa tupawh a tisaah thil a puh chuan a thil put avang chuan a bawlhhlawh a ni.

³A thil put chhung zawng chu a bawlhhlawh a ni: a tisaah chuan a put reng emaw, a put chu dan emaw pawh ni se la, a bawlhhlawh tho a ni.

⁴Thil puta mutna khum tawh phawt hu a bawlhhlawh ang; tin, a thutna tawh phawt chu a bawlhhlawh bawk ang.

⁵Tin, tupawh a khum khawih apiangte chuan an puante an su ang a, an inbual tur a ni a, tlai lam thlengin an bawlhhlaw ang.

⁶Thil puta thutnaa thu apiangte chuan an puante an su ang a, an inbual tur a ni a, tlai lam thlengin an bawlhhlawh ang.

⁷Tupawh thil puta tisa chu khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.

⁸Tin, thil puta chuan mi bawlhhlawh lo chil a chhak chuan a puante a su ang a, a inbual tur a ni a, tlai lam thlengin a bawlhhlawh ang.

⁹Chuanna engpawhah thil puta chu a chuan chuan a bawlhhlawh ang.

¹⁰Tupawh a innghahna hnu thil khawih apiangte chu tlai lam thlengin an bawlhhlawh ang; tin, chung thil chawisawntu apiangte chuan an puante an su ang a, an inbual tur ani a, tlai lam thlengin a bawlhlawh ang.

¹¹Tin, tupawh thil puta chuan, a kut tleuh loa a khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.

¹²Tin, thil puta hlumbel khawih hnu chu tihkeh tur a ni; tin, thing bungbel zawng zawn chu tleuh fai vek tur a ni.

¹³Tin, thil puta chu, a thil put tihthianghlim a nih chuan a inthenna'n ni sarih a intuk ang a, a puante a su ang a; tin, lui tuiah a inbual ang a; tichuan a lo thiang- hlim tawh ang.

¹⁴Tin, a ni riat ni chuan thuro tuak khat emaw, parva no tuak khat emaw kengin LALPA hmaah inbiakna puan in kawngka bulah a kal ang a, puithiam a pe tur a ni:

¹⁵Tin, puithiam chuan sual thawina'n pakhat, halral thilhlanah pakhat a hlan tur a ni; tin, puithiam chuan a thil put thuah LALPA hmaah inremna a siamsak ang.

¹⁶Tupawh inpawlna chi amah atanga a chhuah chuan a pumin a inbual vek tur a ni a, tlai lam thlengin a bawlhhlawh ang.

¹⁷Tin, silhfen te, vunte inpawlna chi awmna tawh phawt chu suk faia sil fai vek tur a ni a, tlai lam thlengin a a bawlhhlawh ang.

¹⁸Tin, hmeichhia a mutpui pawhin an pahnihin an inbual ve ve tur a ni a, tin, tlai lam thlengin an bawlhhlawh ang.

¹⁹Tin, hmeichhiain thil put a neih a, a tisaa thil put chu thi a nih chuan ni sarih chhung chu a bawlhhlawh ang; tin, tupawh amah khawih apiangte chu tlai lam thlengin an bawlhhlawh ang.

²⁰Tin, a bawlhhlawh chhunga a mutna tawh phawt chu a bawlhhlawh ang a, a thutna tawh phawt pawh a bawlhhlawh bawk ang.

²¹Tupawh a khum khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.

²²Tupawh a thutna khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.

²³Khuma thil awm emaw, a thutnaa thil awm emaw khawih apiangte chu tlai lam thlengin an bawlhhlawh ang.

²⁴Tupawhin an mutpuia a bawlhhlawhna chu an kai chuan ni sarih an bawlhhlawh ang a: an mutna khum apiangte chu a bawlhhlawh ang.

²⁵Tin, hmeichhia a bawlhhlawh hun pangngai ni loa ni rei fe a thi a puh emaw, a bawlhhlawh dan pangngai aia rei a thi a puh emaw chuan, a bawlhhlawhna dan pangngai chhunga a awm thin angin thi puta a bawlhhlawh chhung zawng chuan a awm bawk tur a ni; a bawlhhlawh a ni.

²⁶A thi puh chhung zawnga a mutna khum tawh phawt chu a bawlhhlawh dan pangngai hun laia a khum ang a ni ang a; a thutna apiang chu a bawlhhlawh dan pangngai hun laia a bawlhhlawh angin a bawlhhlawh ang.

²⁷Tupawh chung thil khawih apiangte chu an bawlhhlawh ang a, an puante an su ang a, an inbual tur a ni a, tlai lam thlengin an bawlhhlawh ang.

²⁸Amaherawhchu a thi put chu tihthianghlim a nih chuan ni sarih a intuk ang a, chu mi hnuah chuan a lo thianghlim tawh ang.

²⁹Tin, a ni riat niin thuro tuak khat emaw, parva no tuak khat emaw a keng ang a, inbiakna puan in kawngka bulah puithiam a rawn pe tur a ni.

³⁰Tin, puithiamin sual thawina'n pakhat, halral thilhlanah pakhat a hian tur a ni; tichuan puithiam chuan thi puta a bawlhhlawhna thuah LALPA hmaah inremna a siamsak ang.

³¹Hetiang hian Israela thlahte chuan bawlhhlawhna ata chu in tihrang tur a ni, an zinga ka biakbuk an tihbawrhban chang pawha an bawlhhlawhna avanga an thih loh nan.

³²Hei hi thil putate leh bawlhhlawh phaha inpawlna chi chhuakate tana dan chu a ni;an bawlhhlawhna avanga peih sam lo te, ahmei apa, thil putho te, hmeichhia, an bawlhhlawh laia mutpuitute tan pawh," tiin.

³³an bawlhhlawhna avanga peih sam lo te, ahmei apa, thil putho te, hmeichhia, an bawlhhlawh laia mutpuitute tan pawh," tiin.