Read Baibul, Mizo Leviticus 19 Bible Online

Leviticus 19 - Baibul, Mizo bible

Leviticus 19

¹Tin, LALPA chuan Mosia a bia a,

²Israela thlah, mipuiho zawng zawng chu bia la, an hnenah, 'In thianghlim tur a ni: Kei, LALPA in Pathian hi ka thianghlim si a.

³Mi tinin in nu leh in pa in tih tur a ni a, tin, ka chawlhnite in serh tur a ni: Kei hiLALPA in Pathian chu ka ni.

⁴Milem lamah thle suh u la, milem chhun Pathiante insiam hek suh u: Kei hi LALPA in Pathian chu ka ni.

⁵Tin, LALPA tana remna thilhlana in inthawi hunin pawm tiak ni turin in hlan tur a ni.

⁶In hlan ni tak leh a tuka ei tur a ni a: ni thum ni thlenga awm a awm chuan hal tur a ni.

⁷Ni thum nia ei a nih vaih chuan thil tenawm a ni a, pawmsak a ni lo ang a,

⁸a ei apiang chuan LALPA thil thianghlim a tihbawrhban avangin a khawlohna mawh a phur ang a, chu mi chu a chipuite zing ata tuithlarin a awm zawk ang.

⁹Tin, in loa buh in seng hunin in vau femte thlengin in seng vek iur a ai lo a, a fo pawh in zawng tur a ni lo.

¹⁰Tin, in grep huana a to in zawng tur a ni lo a, in grep huana a rah tla pawh in chhar khawm tur a ni lo a, mi rethei leh ram dang mi in zuahsak tur a ni: Kei hi LALPA in Pathian chu ka ni.

¹¹Ruk in ru tur a ni lo a, a derin thil in ti tur a ni lo a, dawt in inhrilh tur a ni hek lo.

¹²In Pathian hming tihliauin ka hming chhalin dawtin chhia in chham tur a ni lo: Kei hi LALPA chu ka ni.

¹³Thenawmte i bum tur a ni lo a, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.

¹⁴Bengngawng chu anchhia i lawh tur a ni lo a, mitdel hmaah tlukna i dah tur a ni hek lo a, i Pathian chu i tih tur a sin: Kei hi LALPA chu ka ni.

¹⁵Rorelnaah chuan fel lo takin in rel tur a ni lo; mi rethei i thlei tur a ni lo a, mi thiltithei i zah chuang tur a ni lo a, fel takin i thenawm ro i relsak tur a ni.

¹⁶I chipuite zingah mite relin i vak vel ruai tur a ni lo a, i thenawm thisen thuah a ni lo zawngin i tang tur a ni hek lo: Kei hi LALPA chu ka ni.

¹⁷I rilruin i unau i haw tur a ni lo: I thenawm chu i zilhhau ngei tur a ni, a sualnaa i hulna'n.

¹⁸Phuba i la tur a ni lo a, i chipui thlahte huatna i pai tur a ni hek lo, nangmah i inhmangaih angin i thenawm i hmangaih tur a ni zawk: Kei hi LALPA chu ka ni.

¹⁹Ka thupekte chu in pawm tur a ni. I ran chu chi hrang hrang thlahtir suh: i lovah thlai chi hnih ching suh la, thil chi hrang pahnih tah pawlh puan i sin tur a ni hek lo.

²⁰Tupawh bawihnu, pasal hualtu nei, la tlan loh, la chhuahtir loh hmeichhia nena mu dun apiangte chu hrem an ni ang: tihhlum tur zawng an ni lo ang, ani chu la chhuah loh a nih avangin.

²¹Inbiakna puan in kawngka bulah LALPA hnena a bawhchhiat thawina, bawhchhiat thawina berampa chu a rawn kai tur a ni.

²²Tin, a thil tihsual tak, a sualnaah LALPA hmaah bawhchhiat thawina berampa chuan puithiamin inremna a siamsak ang; tichuan a thil tihsual tak a sualnaah chuan ngaihdam a ni ang.

²³Tin, ram chu in va luah a, ei atan thei kung chi tinreng in phun hun chuan a rah chu thiang loah in ngai tur a ni: in tan kum thum thiang loa ngaih tur a ni a; ei hauh loh tur a ni.

²⁴Amaherawhchu a kum li kum chuan a rah zawng zawng chu LALPA fakna'n a puala tihhran tur a ni.

²⁵Tin, a kum nga kum chuan in tan a pun zel theihna'n a rah chu in ei tur a ni: Kei hi LALPA in Pathian chu ka ni.

²⁶A thisen chawpin engmah in ei tur a ni lo a, dawi te in hmangin aien te in ching tur a ni hek lo.

²⁷I bekbawr atangin a velin i lu i met tur a ni lo a, i khabe hmul sir tuak i tan tur a ni hek lo.

²⁸Mitthi avangin in taksa in zai tur a ni lo a, in intial tur a ni hek lo: Kei hi LALPA chu ka ni.

²⁹Nawhchizuara siam turin i fanu tibawrhbang suh: ram chu uirena ramah a lo chang ang a, suahsualnain a lo khat dah ang e.

³⁰Ka chawlhnite chu in serh tur a ni a, ka hmun thianghlim chu in zah tur a ni: Kei hi LALPA chu ka ni.

³¹Ramhuai aienthiam zawlte chu pan suh u la, dawithiamte pawh in bawlhhlawh phahna turin anni chu zawng chhuak suh u:

³²Kei hi LALPA in Pathian chu ka ni.

³³Lua kelsam tote hmaah chuan i ding zel thin tur a ni a, tar hmel chu i zah tur a ni a, i Pathian chu i tih tur a ni; Kei hi LALPA chu ka ni.

³⁴Tin, ram dang mi, in rama khawsa ve an awm chuan in tichhe tur a ni lo.

³⁵Ram dang mi in zinga khawsate chu in tan in rama mi reng ang an ni tur a ni a, nangmah i inhmangaih angin i hmangaih tur a ni; nangni pawh Aigupta ramah khan ram dang mi in nih kha: Kei hi LALPA in Pathian ka nih hi.

³⁶rorel thuah te, tehna hmawlhah te, khinah te, tehnaah te fel lo takin in ti tur a ni lo.

³⁷Bukna dik tak, khin dik tak, epha dik tak, bin dik tak in nei tur a ni: Kei hi LALPA in Pathian, Aigupta ram ata hruai chhuaktu che u kha ka ni.Tin, ka thupek zawng zawngte leh ka rorel zawng zawngte chu in pawm ang a, in zawm tur a ni; Kei hi LALPA chu ka ni,' ti rawh," tiin.

³⁸Tin, ka thupek zawng zawngte leh ka rorel zawng zawngte chu in pawm ang a, in zawm tur a ni; Kei hi LALPA chu ka ni,' ti rawh," tiin.