Read Baibul, Mizo Leviticus 20 Bible Online

Leviticus 20 - Baibul, Mizo bible

Leviticus 20

¹Tin, LALPA'n Mosia a bia a,

²Israela thlahte hnenah, 'Tupawh, Israela thlahte zinga mi emaw, Israel rama khawsa ram dang mi emaw, an rila rah Moleka pe apiangte chu tihhlum ngei tur a ni a; he mi rama mite hian lungin an deng tur a ni.

³Tin, kei pawhin, ka hmun thianghlim tibawlhhlawh tur leh ka hming thianghlim tibawrhbang tura a rila rah Moleka a pek avangin chu mi chungah chuan ka hmai ka thuar ang a, a chipuite zing ata ka tiboral ang.

⁴Tin, he mi rama mite hian a rila rah Moleka a pek an haidera an tihhlum loh chuan, amah leh a chhungte chungah chuan ka hmai ka thuar ang a, Moleka laka uire tura min uiresan apiangte nen an chipuite zing ata ka tiboral ang.

⁵Tin, an laka uire tura ramhuai aienthiam zawlte leh dawithiamte pantu chungah chuan ka hmai ka thuar ang a, a chipuite zing ata ka tiboral ang.

⁶Chuvangin intithianghlim u la, thianghlim in awm rawh u: Kei LALPA in Pathian chu ka ni si a.

⁷Ka thupekte chu in pawmin in zawmtur a ni; Kei hi LALPA a tithianghlimtu che u ka ni.

⁸A nu emaw, a pa emaw anchhe lawh apiang chu tihhlum ngei tur a ni: a nu emaw, a pa emaw anchhe lawh a ni a, a chungah a thisen mawh chu a awm tur a ni.

⁹Mi nupui uire, a thenawm nupui uire chu, a uirepa leh a uirenu chu tihhlum ngei tur a ni.

¹⁰Tin, pate nupui mutpui chu, a pa saruakna hlim a ni a, tihhlum ve ve ngei tur an ni a, an thisen mawh chu an chungah a awm tur a ni.

¹¹Miin a monu a mutpui chuan tihhlum ve ve ngei tur an ni ang; suahsualna chungchuang ti an ni a, an thisen mawh chu an chungah a awm tur a ni.

¹²Miin hmeichhia a mutpui anga mipa a mutpui chuan thil tenawm tak an ti ve ve a ni a, tihhlum ngei tur an ni: an thisen mawh chu an chungah a awm tur a ni.

¹³Miin nufa faa nupuia a neih chuan suahsualna nasa tak a ni a, in zinga suahsualna a awm lohna'n amah leh anni pahnih pawh halhlum tur a ni.

¹⁴Miin ran a mutpui chuan tihhlum ngei tur a ni a, ran pawh chu in tihlum tur a ni.

¹⁵Tin, hmeichhiain ran a va hnaiha, a inpawltir chuan hmeichhia chu i tihlum tur a ni, ran pawh chu: tihhlum ngei tur an ni a; an thisen mawh chu an chungah a awm tur a ni.

¹⁶Miin a farnu, a pa fanu emaw, a nu fanu emaw a neih a, a saruakna a hmuh a, a ni pawhin a saruakna a hmuh chuan thil zahthlak tak a ni a, an chipuite thlahho mithmuhah tihboral tur an ni; a farnu saruakna hlim a ni a, a khawlohna mawh a phur ang.

¹⁷Tin, miin hmeichhia a fel loh laia a mutpui a, a saruakna a hlim chuan a thi chhuahna hlim a ni a, ani pawh a thi chhuahna hlim a ni a, tichuan an chipuite zing ata tihboral ve ve tur an ni.

¹⁸Chutichuan i nu laizawn emaw, i pa farnu emaw saruakna i hlim tur a ni lo: a laichin hnai saruaka siam a ni a: an khawlohna mawh an phur ang.

¹⁹Miin a pami nupui a mutpui chuan a pami saruakna hlim a ni a; an sual mawh an phur ang a, fanau loin an thi ang.

²⁰Miin a unaupa nupui a neih chuan thil bawlhhlawh a ni a: a unaupa saruakna hlim a ni a, fanau loin an awm ang.

²¹Chutichuan ka thupek zawng zawng te, ka rorel zawng zawngte in pawm ang a, in zawm tur a ni: tichuan awm tura ka hruaina che u ram chuan a luak chhuak dawn lo che u nia.

²²In hmaa ka hnawhchhuah tak hnam dante chu in zawh tur a ni lo: he'ng thil zawng zawng hi an ti thin a, chuvang chuan ka ten a ni.

²³Amaherawhchu nangni hnenah chuan an ram hnutetui leh khawizu luanna ram chu in luah anga, in luah atan ka lo pe ang che u, ka lo ti tawh a ni. Kei hi LALPA in Pathian, hnam dangte laka tihrangtu che u hi ka ni.

²⁴Chuvangin sa thlang leh thlang lo leh sava thlang leh thlang lo in thiei hrang ang a; sa emaw, sava emaw, leia a bawha bawkvak chi reng reng emaw in tana thlang loa ka thlei hrante chuan in nunna in titenawm tur a ni lo.

²⁵Ka tana mi thianghlim in ni tur a ni; Kei LALPA hi ka thianghlim si a, ka ta in nihna turin hnam dangte lakah ka tihrang che u a ni.Mipa pawh hmeichhia pawh ramhuai aienthiam zawl emaw, dawithiam emaw chu tihhlum ngei tur a ni: lungin an deng tur a ni: an thisen mawh chu an chungah a awm tur a ni,' ti leh bawk rawh," tiin.

²⁶Mipa pawh hmeichhia pawh ramhuai aienthiam zawl emaw, dawithiam emaw chu tihhlum ngei tur a ni: lungin an deng tur a ni: an thisen mawh chu an chungah a awm tur a ni,' ti leh bawk rawh," tiin.