Read Baibul, Mizo Leviticus 24 Bible Online

Leviticus 24 - Baibul, Mizo bible

Leviticus 24

¹Pathianin Mosia a bia a,

²Israela thlahte chu oliv hriak fim tak, chhit tura sawr, khawnvar tihalh reng nan I hnena rawn la turin thu pe rawh.

³Inbiakna puan ina thuhriattirna puanzar pawn lamah chuan tlai lam atanga zing lam thleng atan LALPA hmaah Aronan dah fel rawh se: hei hi in thlahte zel thlenga kumkhaw dan tur a ni.

⁴LALPA hmaah chuan khawnvarte chu dah fel thin rawh se.

⁵Tin, chhangphut dip mi la la, chu chu chang sawm leh pahnihah I awm tur a ni: chhang pakhatah chuan epha hmun sawma thena hmun hnih hman tura ni.

⁶LALPA hmaah dawhkan thianghlim chungah tlar hnihin, tlar khata paruk ve vein I tiang tur a ni.

⁷Chhang chungah, a tlar hnihah chuan beraw fim tak I dah tur a ni, hriatrengna, LALPA tana meia thilhlan anga nih theihna'n.

⁸Chawlhni apiangin LALPA hmaah a dah fel thin tur a ni: kumkhaw thuthlunna, Israela thlahte tana ni.

⁹Tin, Arona leh a fapate pual a ni ang a, hmun thianghlimah an ei tur a ni: kumkhaw dana LALPA tana meia thilhlante zing a mi, a tana thil thianghlim tak a ni," tiin.

¹⁰Israel hmeichhe fapa, a pa Aigupta mi, mi pakhat chu Israela thlahte zingah a va kal a: chu Israel hmeichhe fapa leh Israel mi, mi pakhat chu riah hmunah an insual a;

¹¹Israel hmeichhe fapa chuan anche lawhin pathin hming a sawichhia a; tichuan Mosia hnenah an rawn hruai a. A nu hming chu Selomithi a ni lo, Dan chi Difiria fanu a ni.

¹²LALPA ka atanga thu chhuak nghahna'n tan inah an khung a.

¹³Tin, LALPA'n Mosia a bia a,

¹⁴Anchhe lawhtu chu daipawnah hruai u la, a hretu zawng zawng chuan a luah an kut nghat se la, mi zawng zawng chuan lungin deng rawh se.

¹⁵Tin, Israela thlahte chu bia la, an hneha, 'Tupawh a Pathian anchhia lawh apiang chuan a sual mawh a phur ang a.

¹⁶Tin, LALPA hming sawichhia apiang chu tihhlum ngei tur a ni; mi zawng zawngin lungin an deng ngei ngei tur a ni: LALPA hming an sawichhiat chuan ram dang mi pawh, he rama mi reng pawh tihhlum tur a ni.

¹⁷Thi khawpa mi chunga kutthlak apiang chu tihhlum ngei tur a ni a;

¹⁸thi khawpa ran chunga kut thlak apiang chuan a rul tur a ni: nun aiah nun.

¹⁹tin, miin a thenawm a tihhmelhem chuan a tih ang tak chuan a chungah tih ve tur a ni;

²⁰ruh tliak aiah ruh tliak, mit aiah mit, ha aiah ha; mi a tihhmelhem angin a chungah pawh tih ve tur a ni.

²¹Ran tihhlum apiang chuan a rul tur a n a; mi tihlum apiang chu tihhlum ve tur a ni.

²²Ram dang mite tan leh he rama mi reng te tan dan hmun khat in nei tur a ni. Kei hi LALPA in Pathian ka nih hi,' I ti tur a ni," tiin.Tichuan Mosia chuan Israela thlahte chu a bia a, anchhe lawhtu chu daipawn an hruai chhuak a, lungin an deng a. Israela thlahte chuan LALPA'n Mosia thu apek ang chuan an ti ta a.

²³Tichuan Mosia chuan Israela thlahte chu a bia a, anchhe lawhtu chu daipawn an hruai chhuak a, lungin an deng a. Israela thlahte chuan LALPA'n Mosia thu apek ang chuan an ti ta a.