Read Baibul, Mizo Leviticus 25 Bible Online

Leviticus 25 - Baibul, Mizo bible

Leviticus 25

¹Tin, LALPA'n Sinai tlangah Mosia a bia a,

²Israela thlahte bia la, an hnenah, 'Ram ka pek che u in va thlen hun chuan, ram chu LALPA hmingin a chawl tur a ni.

³I loah kum ruk chhung chu thil i ching ang a,

⁴a kum sarih kum erawh chu ram chawlh derna, LALPA hminga chawlhna a ni ang a; i lovah bubal i ching tur a ni lo a, i grep huan i sat no tur a ni hek lo.

⁵I buh hli chu i seng tur a ni lo a, i enkawl loh grep chu i lo tur a ni lo: ram chawlh derna kum a ni tur a ni.

⁶Ram chawlh kuma mi chu in ei chawp atan a ni ang; i tan te, i chhiahhlawh lehiI chhiahhlawhnu tan te, i hlawhfa tan te, i hnena khawsa ram dang mi tan te;

⁷I bawng rual tan te, I rama ran tan te, chuta a hawng zawg zawng chu ei chawp atan a ni ang.

⁸Tin, chawlh kum kum sarih chu I hhiar ang a, kum sarih hmun sarih a ni ang a; chawlh kum kum sarih chhung chu kum sawli leh kum kua a ni ang a.

⁹Chumi hnu thla sarihna ni sawm ni chuan tawtawrawt ring taka chu i ham veltir ang a; inremna niah chuan in ram zawng zawngah tawtawrawt in ham vel tir tur a ni.

¹⁰Tin, kum sawmngana chu in lawm ang a, ram chhung zawng zawngah, chuta awm zawng zawnge hnenah zalenna thu in puang tur a ni: in tan Jubili a ni ang a; mi tin,in mahni ta ngai in ta leh ang a, mi tin, mahni in chhung khur theuhah in awm leh ang.

¹¹Chu mi kum sawmngana chu in tan Jubili a ni ang a; engmah in ching lo ang a, a hli pawh in la lo ang a, grep enkawl loh rah chu in lo tur a ni hek lo.

¹²Jubili a ni si a; in lawm tur a ni; chu in loa thil hawng chu in ei tur a ni.

¹³Hemi Jubili kum hian mi tinin mahni ta ngei in ta leh theuh tur a ni.

¹⁴I thenawm hnenah eng emaw I hralh a, i thenawm laka eng emaw i lei pawhin in inbum tur a ni lo:

¹⁵Jubili hnu a kum zat ang zelin i thenawm thil i lei ang a, buhbal hawn kum tam a zirin i hnenah a hralh tur a ni.

¹⁶A kum tam dan zir zelin a man chu i tipung ang a, tin, a kum tlem dan zir zelin a ma chu i tikiam ang a; bufal hawn kum tam azirin i lakah hralh a ni e.

¹⁷In inbum tur a ni lo a, i Pathian chu i tih tur a ni. Kei hi LALPA in Pathian chu ka ni si a.

¹⁸Chuvangin ka thuruatte chu i zawmin ka rorelte chu i pawmin I tih tur a ni; tichuan chu ramah chuan thlamuang takin in khawsa dawn nia.

¹⁹Ram chuan a rah a chhuah ang a, hnianghnarin in chen ang a, thlamuang takin in va khawsa dawn nia.

²⁰A nih leh, a kum saih kum chuan eng nge kan ei ang le? Ngaiteh, engmah kan ching dawn si lo a, kan thil hawngte kan sawng bawk dawn si lo a, in ti a nih chuan,

²¹a kum ruk kum chuan ka malsawmna inchungah ka thlentir ang a, kum thum chhung atan chuan rah a chhuah ang.

²²Tin, a kut riat kum chuan inching ang a, thil hawng in vawn , a hluite chu in ei ang a, a kum kua kum thleng, a lo thar leh thleng chuan in vawn, a hluite chu in ei tur a ni.

²³Kumkhua atan chuan ram chu hralh hlen tur a ni lo, ram chu ka ta a ni si a: mikhual, ka hnena khawsa mai in ni si a.

²⁴In ram luah zawng zawng chu a nei tur hmasain a tlan let thei tur a ni.

²⁵I unau chu lo rethein, a ram thenkhat lo hralh se la, a laichin bul berin a unauin a lo hralh chu a rawn tlan tur a ni.

²⁶Tin, miin a tlansaktu tur a neih loh a, a lo neihnun a, tlanna khawp a neih chuan

²⁷a hralh chin kum chu chhut se la, a hralhna pa chu a tel chuanna chu pek kir rawh se; tichuan a ram chu a luah leh ang.

²⁸A tana a tlan let leh theih loh erawh chuan a hrlh taka chu Jubili kum thlengin aleitu kutah chuan awm awh se; tin, Jubili kum huan a chhuak leh ang a, ani chuan a ram chu a luah leh ang.

²⁹Tin, kulh nei khuaa in, miin a hralh chuan a hralh a chin kum khat zen zawn chhung chuan a tlan leh thei ang; kum khat pumhlum chhung chuan tlan leh theihna a nei ang.

³⁰Kum khat chhung a tlan theih loh chuan kulh nei khuaa in chu kumkhuain a thlahte zel pawhin a leitu ta a ni tlat tur a ni a, Jubili ah pawha chhuak chuang lo ang.

³¹Kulh nei lo khuaa inte erawh chu thingtlang ram anga ngaih a ni ang a, tlan theih a ni ang a, Jubili-ah a chhuak ang.

³²Amaherawhchu, Levihote khua, an chanpuala khuaa inte chu Levihote chuan englai pawhin an tlan thei ang.

³³Tin, Leviho zinga miin a tlan loh chuan hralh tawh in leh a chanpual khua chu Jubiliah a chhuak ang a: Levihote khuaa inte chu Isrela thlahte zinga an chanpual a ni si a.

³⁴An khaw dai velahlote erawh chu hralh theih a ni lo ang a, an kumkhaw chanpual a ni si a.

³⁵I unau a lo retheih a, a rawn belh che chuan i lo chhawmdawl tur a ni; mi khual, i hnena khawsa angin i awmpui tur a ni.

³⁶A lakah tangka emaw, thil emaw, a pung la suh, Pathian tih zawk rawh: I unau chu i hnena a khawsak theihna'n.

³⁷A pung umin sum i puktir tur ani lo a, pung umin i ei turte puktir hek suh.

³⁸Kei hi LALPA in Pathian, Kanaan ram pe tur che u leh in Pathian ni tura Aigupta tam ata hruai chhuaktu che u ka ni.

³⁹Tin, i unau alo retheih a, i hnena a lo tluk luh chuan bawih angin i chhawr tur a ni loa:

⁴⁰inhlawhfa ang leh i hnena khawsa ve angin i hnenah a awm tur a ni:

⁴¹chu mi zawhah chuan i hnen ata a hhuak ang a, amah leh a fate nen, tin, anmahni chhngkaw ngaih an lut leh ang a, an pi leh pute in leh lo an luah leh tur a ni.

⁴²Aigupta ram ata ka hruai chhuah, ka chhiahhlawhte an ni si a, bawih hralh a hralh tur a ni lo.

⁴³Rura takina lakah I awm tur a ni lo a, I Pathian hu I tih tur a n zawk.

⁴⁴Bawihnu leh bawihpaa I neih turte hu in vel hnam zinga mi, bawih nu leh bawihpa atan chuan in lei tur a ni.

⁴⁵Tin, in zinga khawsa ram dang mi leh in rama piang an chhungte zinga mite pawh in lei thei bawk ang; chung chu in mi, in sa an ni ang.

⁴⁶Tin, in hnua in fate rochun atan an mi an saa an neih atan in siam ang a; chung zinga mite chu kumkhuaa in bawih atan in nei ang: amaherawhchu in unau Israela thlahte lakah chuan rura takin in awm tur a ni lo.

⁴⁷Ram dang mi emaw, I hnena khawsa tu emaw a lo neihnun a, a kianga I unau pa a lo retheih a, I hnena ram dang mi emaw, I hnena khawsa hnenah emaw, ram dang mite thlah chhung hnenah emaw a tluk luh chuan,

⁴⁸a tluk luh hnu pawhin tlab leh theih a ni ang a; a unaute zinga miin an tlan thei ang :

⁴⁹a pamiin emaw, a pami fapain emaw atlan theiang; a chite zinga alaichin hnaiin emaw a tlan thei ang a; tin, amah pawh a lo neihnun leh chuan a intlan thei ng.

⁵⁰a tluk luhna pa nen tluk luh atanga Jubili kum leh tur chut dun se la: a tluk luh man chu a kum azirin a ni ang a ; tin, hlawhfaa rawih chhut ang zela hhutsak a n ang.

⁵¹Kum tam tak a la bak chuan a tlanna man hu a belh chhung hu tawk man a pe kir leh tur a ni.

⁵²Jubili kum thlenna tur kum rei lo te chauh a la awm a nih chuan chhut dun se la; a awm kum tamzia azirin a tlanna man a pe kir tur a ni.

⁵³Kum khat bi zela rawih inhlawhfa angin a bel tur a ni: I mithmuhah rura takin a tih tur a ni lo.

⁵⁴Chung ang zawnga tlan a nih loh pawhin, Jubili kum chuan a chhuak ang a, amah leh a fate nen.Israela thlahte chu keima chhiahhlawhte an ni si a, Aigupta ram ata ka hruaichhuah, ka chhiahhlawhte an ni: Kei hi LALPA in Pathian chu ka ni.

⁵⁵Israela thlahte chu keima chhiahhlawhte an ni si a, Aigupta ram ata ka hruaichhuah, ka chhiahhlawhte an ni: Kei hi LALPA in Pathian chu ka ni.