Read Baibul, Mizo Leviticus 26 Bible Online

Leviticus 26 - Baibul, Mizo bible

Leviticus 26

¹Milem in insiam tur a ni lo a, milem siam chawp emaw, lung phun emaw in din tur a ni lo a, chibai buk atan in ramah hian milem chuanna lung in phun tur a ni hek lo: Kei hi LALPA in Pathian chu ka ni si a.

²Ka chawlhnite chu in serh ang a, ka hmun thianghlim chu in zah tur a ni: kei hi LALPA chu ka ni.

³Ka thuruatte chu in zawm a, ka thupekte in pawm a, in zawm chuan,

⁴ruah tuite chu a hun teah ka tlaktir ang a, lei chuan thil a hawntir ang a, rama thingte chun rah an chhuah ang a.

⁵In hruiha buh chuan grep lawh hun a man phak ang a; in lawh chuan thil chin hun a man phak ang a; in chhang chu hnianghnarin in chen ang a, in ramah hian thlamuang takin in khawsa ang.

⁶He ram hi ralmuang takin ka awmtir ang a, in mu hle hle ang a, tuma'n an tihlau lo ang he u: ramsa sual te chu he ram ata hi ka hnawttiau ang a, khandaihin in ram a fang tlang hek lo ang.

⁷In hmelmate chu in um ang a, in hmaah khandaiha thahin an awm ang.

⁸Mi pangain za in um ang a, zain sing in um ang a: in hmelmate chu in hmaah khandaiha thahin an awm ang.

⁹Tin, ka duhsak ang che u a , chi tam tak ka thlahtir ang che u a, ka tipung ang che u; tin, in lakah ka thuthlung ka inghet ang.

¹⁰Tin, rei tak in vawn a hluite chu in ei ang a, a thar dahna'n a hluite chu in la chhuak ang.

¹¹Tin, in zingah ka biak buk chu ka awmtir ang a; ka nunna chuan a hnuchhawn lo vang che u.

¹²In zingah ka cheng ang a, in Pathian ka ni ang a, tin, nangni pawh ka mite in ni ang.

¹³Kei hi LALPA in Pathian, an bawih in nih lohna tura Aiguptaram ata hruaichhuaktu che uchu ka ni a; in nghawnga kawlte chu ka titliak a, ding charin ka kaltir tk che u hi.

¹⁴Amaherawhchu ka thu in pawm loh a, he'ng thupek zawng zawngte hi zawm lo a,

¹⁵ka thuruatte in duh lo a, in nunnain ka rorelte a uat a, ka thupek zawng zawngte zawm loa ka thuthlung in bawhchhiat chuan,

¹⁶kei pawhin chungah hei hi ka ti ang; in chungah thil hlauhawm tak, in nunna tihmuih elh telh leh in mit tichau telh telh ngawrna leh sikserh te ka lentir ang: tin, in thlai chin chu in ching thlawn mai mai a ni ang, in hmelmate chuan an ei zel dawn a ni.

¹⁷In chungah chuan ka hmai ka thuar ang a, in hmelmate hmaah in tlawm ang: nangmahni hawtute in chungah ro an rel ang a, tuma um lohin in tlan ang.

¹⁸Tin, chuti chung pawha ka thu in la pawm loh cheu chuan in sualte avangin vawi sarih ka la hrem leh ang che u.

¹⁹In chakna chhuan tawlawl chu ka chhu chhia ang a, in van chu thir angah ka siam ang a, in lei chu dar angah:

²⁰tin, in tha in seng thlawn mai mai a ni ang: in ram chuan thil a hawntir lo ang a, rama thingte chuan rah an chauh hek lo ang.

²¹Mi kalhzawnga in awm a,ka thu in pawm loh chuan in sualnate zirin a leh sarihin in hungah hremna ka thlentir ang.

²²Tin, in zingah ramsate ka rawn kaltir ang a, chu chuan in fate a laksak ang che u a, in rante a sehsak ang che u a, a tikiam tial tial ang che u a, in kawnge a lo thing thuap ang.

²³Chuti chung pawha ka thununna in pawm huan loh a, mi kalhzawnga in la awm cheu chuan,

²⁴kei pawh nangmahni kalhzawngin ka awm ang a, keimah ngeiin in sual avangin vawi sarih ka hrem ang che u.

²⁵In chungah khandaih ka len ang a, chu chuan thuthlung phuba a la ang a, mahni khaw chhung theuhvah in tawm khawm ang a: tin, in zingah hri ka lentir ang a, hmelmate kuta pek in ni ang.

²⁶In rinpui ber chhang ka tihchahsak che u hunah chuan hmeichhe sawmin a awmna pakhatah an awm ang a, in chhang chu buk chiah zelin an pe leh ang che u; in ei ang a, in kham huang lo ang.

²⁷Chuti chung pawha ka thu in pawm huan loh a, mi kalhzawng in la awm cheu chuan,

²⁸thinrim takin nangmahnikalhzawngin ka awm ang a; in sual avangin vawi sarih ka hrem bawk ang che u.

²⁹In fapate sa in ei ang a, in fanute sa in ei bawk ang.

³⁰tin, in hmunsangte ka tichim ang a, in ni lemte ka titlu ang a, in ruangte chu in milemte ruang chungah ka paih ang; tin, ka nunna chuan a haw dawn che u a ni.

³¹In khuate chu ka titiau ang a, inhmun thianghlimte chu ka tiram ang a, in rimtuite chu ka hnim lo ang.

³²In ram chu ka titiau vang a; in hmelma chuta awmte chuan mak an ti ang.

³³in hnam dangte zingah ka tidarh ang che u a, a um tur che uin khandaih chu ka phawi ang; tichuan in ram chu a tiau avang a, in khuate chu a ram ang.

³⁴Tin, ram chuan a tiau chhung zawng leh in hmelmate rama in awm chhung chuan a chawlhniahte chuan a hli ang; chutih hunah chuan ram chu a chawl ang a, a chawlhniahte chuan a hlim ang.

³⁵A tiau chhung zawng chuan a chawl ang; in awm laia in chawlhnia chawl ve thin lote kha.

³⁶Tin, in zinga mi la awm hhunte chu, an hmelmate ramah an thinlungan chauhna ka awmtir ang; tin, hnathel leng riin a um ang a, khandaih laka tlanchhia angin an tlanchhia ang a, tuma um hleih lohin an tlu ang.

³⁷Tuma um hleih loin khandaiha um ang maiin an inpal tlu rem rum ang: inhmelmate lo dang turin chakna reng reng in nei lo ang.

³⁸Hnam dangte zingah in boral ang a, in hmelmate ram chuan a ei zo ang che u.

³⁹Tin, in zinga mi la awm chhunte chu in hmemate ramah an khawlohna avangin an hmuih telh telh ang; an pi leh pute chuan an khawlohnate an hmuih phah angin, anni pawhin an hmuih phah ve bawk ang.

⁴⁰Ka chunga an sualna avang leh an khawlohna leh an pi leh pute khawlohna leh mi kalhzawnga an awm avanga

⁴¹kei pawh anmahni kalhzawnga ka awm a, an hmelmate rama ka awmtirte chu an phat loh vang a; an thinlung tan loh chu an intihhnuai a, an khawlohna vanga hremna chu an pawm chuan,

⁴²Jakoba hnena ka thuthlung chu ka hre reng ang a: Isaaka leh Abrahama hnena ka thuthlungte pawh ka hre reng ang a; tin, ram pawh chu ka hre reng bawk ang.

⁴³Ram pawh chu an kiansan ang a, anmahni awm loha a tiau chhung chuan a chawlhniahte chuan a hlim ang; ka rorelnate an duh loh avang leh an nunnain ka thuruatte a huat thin avangin, an khawlohna hremna chu an pawm tur a ni.

⁴⁴Chuti chung pawh chuan anhmelmate rama an awm chu anmahni tiboral der tur leh an laa ka thuthlung bawhchhiain ka paihthla lo ang a, ka haw hek lo ang: Kei hi LALPA an Pathian chu ka ni si a:

⁴⁵an Pathian ka nih theihna tura hnam tinte mithmuha Aigupta ram ata ka hruai chhuah, an thlahtute thuthlung chu ahanmahni avang hian ka hre reng zawk ang: Kei hi LALPA chu ka ni,' ti rawh," tiin.Heng hi Sinai tlanga Mosia hmanga amah leh Israela thlahte kara LALPA'n a siam thupek te, rorel te leh dante chu a ni.

⁴⁶Heng hi Sinai tlanga Mosia hmanga amah leh Israela thlahte kara LALPA'n a siam thupek te, rorel te leh dante chu a ni.