Read Baibul, Mizo Leviticus 4 Bible Online

Leviticus 4 - Baibul, Mizo bible

Leviticus 4

¹Tin, LALPA chuan Mosia a bia a.

²Israela thlahte chu bia la, LALPA'n thil tih loh tura thu a pekte a enga pawh hi miin hriat loh vangin lo tipalh se la, a titu chu

³hriak thih puithiam ni se la, mipui thiam loh chantir thei thil a tihsual chuan a thil tihsual tak sual thawina'n LALPA hnenah bawng tuai sawiselbo, sual thawinaah hlan rawh se.

⁴Bawng chu inbiakna puan in kawngka bulah LALPA hmaah a rawn kai ang a, bawng lu chungah a kut a nghat ang a, LALPA hmaah bawng chu a talh tur a ni.

⁵Tin, hriak thih puithiam chuan bawng thisen engemawzat chu a la ang a, inbiakna puan inah chuan a rawn keng ang a:

⁶tin, puithiam chuan thisenah chuan a kut zungtang a chiah ang a, a then chu LALPA hmaah, hmun thianghlim puanzar bulah chuan vawi sarih a theh tur a ni.

⁷Tin, puithiam chuan LALPA hmaah inbiakna puan ina rimtui halna maicham kiahte chuan thisen chu tlem a tat ang; tin, bawng thisen zawng zawng chu inbiakna puan in kawngka kianga halral thilhlan maicham bulah chuan a chhung chhuak tur a ni.

⁸9,10 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lak angin a kawchhung thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu rang, a kalte chawpin a phawrh ang a; tin, puithiamin halral thilhlan maichamah a hlan tur a ni.

⁹8,10 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lak angin a kawchhung thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu rang, a kalte chawpin a phawrh ang a; tin, puithiamin halral thilhlan maichamah a hlan tur a ni.

¹⁰8,9 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lak angin a kawchhung thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu rang, a kalte chawpin a phawrh ang a; tin, puithiamin halral thilhlan maichamah a hlan tur a ni.

¹¹Tin, bawng vun te, a sa zawng zawng te, a lu nen, a kete nen, a kawchhungte, a ek te,

¹²a bawng pum chu daipawn lam hmun faiah vut paihnaah a kalpui ang a, thingchungah a hal ang: vut paihnaah chuan hal tur a ni.

¹³Israela chu a hnam puma an lo sual a, hre lo a LALPA thupek eng pawh an lo bawhchhiat palh chuan,

¹⁴chu thil tihsual chu hriat chhuah a nih veleh mipuiin sual thawina'n bawng tuai an hlan ang a, inbiakna puan in kawtah an rawn kai tur a ni.

¹⁵Tin, mipuiho upate chuan LALPA hmaah talh tur a ni.

¹⁶Tin, hriak thih puithiam chuan inbiakna puan inah bawng thisen engemawzat chu a rawn keng ang a:

¹⁷tin, puithiamin thisenah chuan a kut zungtang a chiah ang a, puanzar bulah LALPA hmaah vawisarih a theh tur a ni.

¹⁸Tin, thisen chu inbiakna puan ina LALPA hmaa maicham kiah chuan tlem a tat ang a, thisen zawng zawng chu inbiakna puan in kawngka kianga halral thilhlan maicham bulah chuan a chhung chhuak tur a ni.

¹⁹Tin, a thau zawng zawng chu a la vek ang a, maichamah a hal tur a ni.

²⁰Chutiang chuan bawng chu a ti ang a; sual thawina bawng a tih ang chiahin hei pawh hi a ti tur a ni: tin, puithiamin inremna a siam sak ang a, ngaihdam an ni ang.

²¹Tin, bawng chu daipawn lamah a kalpui ang a, bawng hmasa a hal angin a hal tur a ni: chu chu mipuite tana sual thawina a ni.

²²Roreltuin thil a tihsual a, LALPA a Pathianin tih loh tura thu a pek zawng zawng a enga pawh a tih palh a, thiam loh a chan a,

²³a thil sual tih chu hriattir a nih chuan a thilhlanah kel, a pa, sawiselbo a rawn kai ang a:

²⁴kel lu chungah chuan a kut a nghat ang a, LALPA hmaah hlaral thilhlan an talh thinnaah chuan a talh tur a ni: chu chu sual thawina a ni.

²⁵Tin, puithiamin sual thawina thisen chu a kut zungtangin tlem a pir ang a, halral thilhlan maicham kiahte chuan a tat ang a, halral thilhlan maicham bulah a thisen chu a chhung chhuak tur a ni.

²⁶Tin, a thau zawng zawng chu remna thilhlan inthawina thau a hal angin maichamah a hal tur a ni: tin, a sual chungchang thuah chuan puithiamin inremna a siamsak ang a, ngaihdam a ni ang.

²⁷roreltuin thil a tihsuala LALPA a Pathianin tih loh tura thu a pek zawng zawng a enga pawh a tih palha thiam loh a chana,

²⁸a thil sual tih chu hriattir a nih chuan a thilhlanah kel, a pa, sawiselbo a rawn kai ang a:

²⁹kel lu chungah chuan a kut a nghat ang a, LALPA hmaa halral thilhlan an talh thinnah chuan a talh tur a ni: chu chu sual thawina a ni.

³⁰Tin, puithiamin sual thawina thisen chu a kut zungtangin tlem a pir ang a, halral thilhlan maicham kiahte chuan a tat ang a, halral thilhlan maicham bulah a thisen chu a chhung chhuak tur a ni.

³¹Tin, a thau zawng zawng chu remna thilhlan inthawina thau a hal angin maichamah a hal tur a ni: tin, a sual chungchang thuah chuan puithiamin inremna a siamsak ang a, ngaihdam a ni ang.

³²Tin, vantlang zinga mi a tua pawhin LALPA'n tih loh tura thu a pekte a enga pawh tihsual palhin, thiam loh lo chang ta se la,

³³a thil sual tih chu hriattir a nih chuan a thilhlanah kel, a nu, sawiselbo, a thiltih sual tak sual thawina'n a rawn kai tur a ni.

³⁴Sual thawina lu chungah chuan a kut a nghat ang a, halral thilhlanna hmunah chuan sual thawina chu a talh tur a ni.

³⁵Tin, puithiamin thisen chu a kut zungtangin tlem a pir ang a, halral thilhlan maicham kiahte chuan a tat ang a, a thisen zawng zawng chu maicham bulah chuan a chhung chhuak tur a ni.

³⁶Tin, a thau zawng zawng chu remna thilhlan inthawina thau an lak angin a la vek ang a; tin, puithiam LALPA tana rimtuiah maichamah a hal tur a ni; tin, puithiamin inremna a siamsak ang a, ngaihdam a ni ang.

³⁷Tin, sual thawina'na a thilhlana beram no a rawn ken chuan, a nu, sawiselbo a rawn keng tur a ni.

³⁸Sual thawina lu chungah chuan a kut a nghat ang a, halral thilhlan an talhnaah chuan sual thawina'n a talh tur a ni.

³⁹Tin, puithiamin sual thawina thisen chu a kut zungtangin tlem a pir ang a, halral thilhlan maicham kiahte chuan a tat ang a, a thisen zawng zawng chu maicham bulah chuan a chhung chhuak ang a:tin, a thau zawng zawng chu, beram no thau, remna thilhlan inthawinaa mi lak angin a la vek ang a; tin, puithiamin LALPA tana meia thilhlan angin maichamah a hal tur a ni: tin, puithiamin a thil tihsual tak chungchang thuah inremna a siamsak ang a, ngaihdam ani ang.

⁴⁰tin, a thau zawng zawng chu, beram no thau, remna thilhlan inthawinaa mi lak angin a la vek ang a; tin, puithiamin LALPA tana meia thilhlan angin maichamah a hal tur a ni: tin, puithiamin a thil tihsual tak chungchang thuah inremna a siamsak ang a, ngaihdam ani ang.