Read Baibul, Mizo Leviticus 5 Bible Online

Leviticus 5 - Baibul, Mizo bible

Leviticus 5

¹Tupawh a thil hmuh emaw a thil hriat emaw hretu a nih a, rorelna hmaa puang tura tih a nih hnu pawha a sawi duh loa thil a tihsual chuan a khawlohna mawh chu a phur ang:

²tin, tupawhin thil thianghlim lo reng reng, ram sa thianghlim lo ruang emaw, ran thianghlim lo ruang emaw, a vaha vak chi rannung thianghlim lo ruang emaw hre lo pawha a khawih a, a lo thianghlim loh chuan thiam loh a chang ang:

³tin, mihring pawh a thianghlim lohna eng ang pawh ni se la, a thianghlim lohna chu hre lo pawha a khawih chuan a hriat chhuah hun chuan thiam loh a chang ang;

⁴tin, tupawhin thil tha lo emaw thil tha emaw ti tura a kaa hre lo pawha chhia a chham zung zung chuan, eng pawh ni se la, a chhechham chhuah zung zung mai chu a hriat chhuah hunah chuan thiam loh a chang ang:

⁵tin, heti hi a ni ang a, he'ng thil pakhatah pawh hian thiam loh a chan hun chuan a sualna chu a puang ang;

⁶sual thawina'n beram rual zinga mi a nu, beram no emaw kel emaw a thil tihsual tak man atan LALPA hnena hlan turin a bawhchhiat thawina chu a rawn keng ang a; puithiamin a sualna chungchang thuah chuan inremna a siam sak ang.

⁷A neihin beram no a tlin loh chuan LALPA hnena hlan turin a sual man atan chuan a bawhchhiat thawinaah thuro pahnih emaw parva no pahnih emaw a rawn keng tur a ni; pakhat chu sual thawina'n pakhat chu halral thilhlan atan

⁸Puithiam henah a rawn keng ang a, a ni chuan sual thawina tur chu a hlan hmasa ang a, phel loin a lu chu a nghawngah a thuai bung ang a:

⁹sual thawina thisen chu maicham pangah chuan tlem a theh ang a; tin, thisen la awm zawng chu maicham bulah chuan an far kangtir tur a ni: chu chu sual thawina a ni.

¹⁰Tin, a pa khata chu dan angin halral thilhlanah a hlan ang a: tin, puithiamin a thil tihsual tak chungchang thuah inremna a siamsak ang a, ngaihdam a ni ang.

¹¹Amaherawhchu a neihin thuro pahnih emaw parva no pahnih emaw pawh a tlin loh chuan a sual man atan thil hlanah sual thawina'n chhangphut dik tak, epha hmun sawma thena hmun khat a rawn keng ang a; hriak a leih tur a ni lo a, a chungah beraw a dah tur a ni hek lo, sual thawina a nih avangin.

¹²Puithiam hnenah a rawn keng ang a, a ni chuan sual thawina tur chu a hlan hmasa ang a, phel loin a lu chu a nghawngah a thuai bung ang a:

¹³Tin, chung thil zinga a enga pawh a tihsual tak chungchang thuah chuan puithiamin inremna a siamsak ang a, ngaihdam a ni ang: a la awm zawng chu chhangphut thilhlan ang bawkin puithiam chanpual tur a ni ang,' ti rawh," tiin.

¹⁴Tin, LALPA'n Mosia a bia a,

¹⁵Tupawhin thil a tihsuala, LALPA thil thianghlimte chunga a sual palh chuan a bawhchhiat thawina, beram rual zinga mi berampa sawiselbo, hmun thianghlim sekel ang, tangka sekel eng emaw zat hua i ngaih, bawhchhiat thawinaah LALPA tan a rawn kai tur a ni:

¹⁶tin, thil thianghlim chunga a lo tih dik loh takna chu a rul ang a, a hmun ngaa thena hmun khat a belh ang a, puithiam a pe tur a ni; tin, puithiam chuan bawhchhiat thawina berampa chuan inremna a siamsak ang a, ngaihdam a ni ang.

¹⁷Tupawhin thil a tihsuala tih loh tura LALPA'n thu a pekte a enga pawh a tih chuan, hre lo mah se la thiam loh a chang reng reng ang a, a khawlohna mawh chu a phur ang.

¹⁸Tin, beram rual zinga mi berampa sawiselbo, i ngaiha awm tawk, bawhchhiat thawinaah: puithiam hnenah a rawn kai tur a ni; tin, puithiam chuan hre loa a tihsual palh chungchang thuah chuan inremna a siamsak ang a, ngaihdam a ni ang:chu chu bawhchhiat thawina a ni: LALPA hmaa thiam loh chang a ni ngei a ni," tiin.

¹⁹chu chu bawhchhiat thawina a ni: LALPA hmaa thiam loh chang a ni ngei a ni," tiin.