Read Baibul, Mizo Jeremia 11 Bible Online

Jeremia 11 - Baibul, Mizo bible

Jeremia 11

¹Jeremia hnena LALPA thu lo thleng chu:

²He thuthlung thute hi ngaithla u la, Juda mite leh Jerusalema chengte hnenah sawi rawh u:

³Tin, nang chuan an hnenah, "LALPA Israel Pathian chuan heti hian a ti: He thuthlung thute ngaithla lotu chu anchhe dawngin awm rawh se:

⁴chu chu in thlahtute, Aigupta ram, thir rawhtuina ata ka hruai chhuah nia, ka tawngka chhuak awih u la, thu ka pek zawng zawngte chu ti rawh u, tia ka thupek chu a ni: tichuan ka mite in ni ang a,, kei chu in Pathian ka ni ang:

⁵in thlahtute hnena khawzu leh hnute tuia luang ram chhechhama pek ka tiam kha ka hlen theihna'n vawiinah a awm ang hian, ti rawh," a ti a. Tin, kei chuan, "Amen, Aw LALPA" tiin ka chhang a.

⁶I LALPA chuan ka hnenah, "Juda khawpuiahte leh Jerusalem khawlaiahte he'ng thu zawng zawng hi puang la, ;He thuthlung thute hi ngaithla u la, zawm rawh u.

⁷In thlahtute Aigupta ram ata ka hruai chhuah ni ata tun thlengin ka tawngka chhuak awih rawh u," tiin ka hriattir thin a.

⁸Mahse an awih lo a, beng an dawh hek lo, mi tin, mahni thinlung sual ang zelin an awm ta zawk a. Chuvangin he'ng thuthlung thu, ti tura thu ka pek, an tih loh zawng hi an chungah ka rawn thlen ta a ni," a ti a.

⁹Tin, LALPA chuan ka hnenah, "Juda mite leh Jerusalema chengte zingah phiarrukna a awm.

¹⁰An thlahtu, ka thu ngaithla duh lotute khawlohna lamah chuan an let leh a: pathian dangte rawng bawl turin an kal a: Israel chhungte leh Juda chhungte chuan an thlahtute hnena ka thuthlung siam chu an bawhchhe ta.

¹¹Chuvangin LALPA chuan heti hian a ti: Ngai teh u, an chungah thil tha lo, an pumpelh tawp loh tur chu ka rawn thlen ang; mi au vang a,mahse ka chhang lo ang.

¹²Tin, Juda khawpuite leh Jerusalema chengte chuan pathian, an hnena rimtui an halna thinte chu an au vang a, mahse an buai hunah chuan chung chuan an chhanhim tawp lo ang.

¹³Aw Juda, i pathiante chu i khawpui zat an ni si: thil zahthlak tak, Baala hnena rimtui halna tur maicham meuh pawh Jerusalem kawtthler zat ngawtin in lo din ta a.

¹⁴Chuvangin hengte hi tawngtaisak suh la, an tan dilna emaw aw emaw chhuah hek suh; an buai huna mi auh chu ka ngaithla dawn si lo a.

¹⁵Thil tenawm tak ti chungin, Ka duh tak chuan ka inah pual eng nge a neih? Thu intiamte leh sa serh chuan In chhiatna tur a pumpelhtir thei ang che u em ni? In chhuang thei em ni?

¹⁶LALPA chuan i hmingah, Oliv thing hring, rah tha mawi pui, a ti chia, Ri huau huauin a chungah mei a chhem a, A zarte pawh a tliak zo ta.

¹⁷Sipaihote LALPA, nangmah phuntu che chuan, Israel chhungte leh Juda chhungte sualna, Baala hnena rimtui hhlana, mi tihthinrimna thil, anmahni tana an thawh chhuah chunga thil tha lo tur thu chu i chungah a puang chhuak ta.

¹⁸LALPA chuan mi hriattir a, ka hre ta: Tichuan nang ngeiin an thiltihte mi kawhhmuh ta.

¹⁹Kei erawh chu beram no nunnem tak, Talh tura hruai ang mai ka ni; Thing chu a rah chawpin, i tichhia ang u khai, Mi nung ram ata ani chu i tibo daih ang u, A hming reng reng hriat a nih lohna'n, Tia ka chunga an thil phiar chu ka lo hre daih lo.

²⁰Mahse, aw Sipaihote LALPA, dik taka rel thintu, Chhungril lam leh thinlung fiah thintu,An chunga i phuba lak chu mi hmuhtir ang che, Ka chungchang thu hi i hnenah ka kawltir si a.

²¹Chuvang chuan Sipaihote LALPA chuan Anathoth mi, i nuna zawngtu, "Kan kuta i thih lohna'n LALPA hmingin thu sawi suh," titute chungchangah chuan heti hian a ti:

²²Ngai rawh u, anmahni ka hrem ang a, tlangvalte chu khandaihin an thi ang a, an fanute, an fapate chu tamin an thi ang a;thi bang reng an awm lo ang: Anathoth mite chungah chuan thil tha lo ka thlen dawn si a, an hremna kum tur ngei chu.

²³thi bang reng an awm lo ang: Anathoth mite chungah chuan thil tha lo ka thlen dawn si a, an hremna kum tur ngei chu.