Read Baibul, Mizo Jeremia 12 Bible Online

Jeremia 12 - Baibul, Mizo bible

Jeremia 12

¹Aw LALPA, i hnenah ka phunnawi pawhin, Nang zawng i dik thin; Mahse ka vuina thu chu ka sawi tho dawn. Engati nge mi suaksualte kawng chu a hmuingil thin ni? Engati nge bumhmang tawh phawtte chu nuamsa taka an awm thin le?

²Anni chu i phun a, a ni, zung an kai ta a, An thang a, a ni, rah an chhuah ta: An hmuiah chuan i hnai a, An chhungrilah zawng i hla si.

³Aw LALPA, kei erawh chu mi hria a, Mi hmu a, i lamah ka thinlung i fiah thin, Anni chu beram talh tur ang maiin hnuk chhuak la, An talhna ni tur chu ruat ang che.

⁴Ram chuan eng chen nge a sun ang a, Ram pum pui thlaite chu an vuai ang? A chengate suahsualna avangin Ramsate chu an ral zo a, savate pawh; "Kan hun hnuhnung chu an hmu lo ang," an tih avangin.

⁵Kea kal mite chu i tlansiakpuia, an tihchauh tawh che chuan, Engtin nge sakawrte i tlansiakpui theih ang? Muanna ramah him takin awm mah la, Jordan ram ngawah chuan engtin nge i tih ang?

⁶I unaute, i pa chhungkua ngeite chuan, Anni ngei chuan an bum tawh si chia; Anni chuan um chein ring takin an au chia, Thu tha tak sawi mahse awih reng reng suh.

⁷Ka in-lo kalsanin ka roluah tur ka paih bo ta; Ka nunnain a ngaih taki chu, A hmelma hnenah ka pe ta.

⁸Ka roluah tur chu ramhnuai sakeibaknei ang a lo ni ta, Ka lakah a rawl a chhuah a, Chuvangin ka hua a ni.

⁹Ka roluah tur chu ka tan sahel ei sava tial a ni em ni? Ramsa zawng va khawm ula, Ei turin rawn hruai rawh u.

¹⁰Berampu tam takte chuan ka grep huan an tichhia a, Ka chan chu an rap bet a, Ka chanvo nuam tak mai chu Thlaler ram tiau an chantir ta.

¹¹Ram tiauah an siam ta a, A tiau a, ka hnenah a vui a ni, A ram pum pui a tiau a, Mahse tuma'n an ngaihsak lo.

¹²Thlalera tlang kawlh zawng zawngah te, Tichhetute an lo thleng ta a; Ram tawp lehlam atanga lehlam thlengin LALPA khandaih chuan a ei zo ta si a, Muanna nei reng an awm ta lo.

¹³Buh chi an tuh a, hling an seng a, An intihah hrep a, hlawkna awm si loin, LALPA thinur nasa tak avangin In rah chhuahte chu in zahpui ang.

¹⁴Ka mi Israelte hnena roluah tura ka pek khawih chhetu, ka thenawm sualte zawng zawng chungchangah chuan LALPA chuan hetiangin a ti: "Ngai rawh u, an ram ata ka pawt chhuak ang a, an zing ata Juda chhungte ka phawi chhuak ang.

¹⁵Tin, heti hi a ni ang a, ka pawh chhuah hnuah anmahni ka khawngaih leh ang a, mi tin, roluah tur leh mi tin, ama ram ngeiah chuan ka rawn hruai ang.

¹⁶Tin, heti hi a ni ang a, Baala hnena ka mite chhechham an zirtir ang bawk a, ka hming a, 'LALPA a nuna a nun chhung chu' tia chhechham an zir a, ka mite awm dan ngun taka an zir chuan ka mite zingah ka din ang.Mahse an ngaihthlak loh chuan chu mi hnam chu a pawhin ka pawt chhuak ang a, ka tichhe zo ang," tih hi LALPA thu chhuak a ni.

¹⁷Mahse an ngaihthlak loh chuan chu mi hnam chu a pawhin ka pawt chhuak ang a, ka tichhe zo ang," tih hi LALPA thu chhuak a ni.