Read Baibul, Mizo Jeremia 17 Bible Online

Jeremia 17 - Baibul, Mizo bible

Jeremia 17

¹Juda sualna chu thir kawlawm leh lunghlu hria hmawr zumin ziak a ni; an thinlung phekah kerin a awm a, an maicham kiahte pawh;

²thing hring bul leh mual pawngahte chuan an faten an maichamte leh an Aser-te chu an hre reng si a. Aw nang ka tlang, rama mi, ram dung tluana i sualna avang hian i sum leh i ro zawng zawngte, i bawlhhmunte nen rallakah ka pe ang.

³I chanpual ka pek che kha i chan ang a, i ram hriat ngai loah chuan i hmelmate rawng ka bawltir ang che, ka thinurna mei, kum khuaa kang tur chu in chhem alh ta si a,

⁴LALPA chuan heti hian a ti: Mihring rinchhana, mihring ban chakna ring a, LALPA hawisanna thinlung neitu chu anchhe dawngin awm rawh se.

⁵Thlalera hnimbuk to ire ang an ni a, thil tha chhuak tur reng a hmu lo ang. Thlaler ram ro, chi leilung, tuma luah lohvah chuan a cheng zawk ang.

⁶LALPA ringtu, a rinchhan LALPA ni erawh chu a eng a thawl e.

⁷Tui kianga thingphun, lui kama zungkai, Khaw lum lo thleng pawh hlau lo, A hnahte hring reng si, Khawkhen kum pawisa lo. Rah chhuah thulh chuang si lo ang hi a ni ang.

⁸Thinlung hi thil zawng zawng aiin Bumhmang ber, chhe lailet der ani a; Tuin nge hre thiam thei ang?

⁹Kei LALPA hi mi tin, an awm dan ang zel leh An thiltih rah ang zela pe tura Rilru en chhuaktu, thinlung fiahtu ka ni.

¹⁰Mi, kut tling loa lo hausa chu varung, mahni tui ni lo awp keu ang a ni a, A la dam laiin amah an hransan ang a, A tawpah chuan mi a a lo ni mai ang.

¹¹Kan hmun thianghlim awmna chu Lalthuphah ropui tak, a tir ata chawisana awm chu a ni.

¹²Aw LALPA, Israel nghahfak, Nangmah kalsantu zawng zawng chu an mualpho ang;Kei mi hawisantute chu lei vaivuta ziak ang lek an ni ang, LALPA, nuna tuikhur chu, an kal san ta si a.

¹³Aw LALPA, mi tidam la, tichuan ka dam ang a, Mi chhanhi la, tichuan ka him ang, Ka fak fo thin chu i ni si a.

¹⁴Ngai teh, ka hnenah, 'LALPA thu chu khawiah nge? Lo thleng ang hiang,' an ti thin a.

¹⁵Thil tha lo thlen turin ka nawr lo chia, Chhiatna ni lah ka duh hek lo tih i hria; Ka kaa thu chhuak chu i hmai hmaa awm a ni,

¹⁶Ka tan tihbaiawm ni suh ang che,Mangan nia ka inhumhimna i ni.

¹⁷Mi tiduhdahtute chu mualpho se la, Kei erawh chu mualpho lo i la; Anni chu zam sela, kei erawh chu zam lo i la; Mangan ni an chungah thlen la, nasa takin tiboral ang che.

¹⁸LALPA chuan ka hnenah heti hian a ti: Kulh kawngka lun ber, Juda lalte luh leh chhuahna leh Jerusalem kulh kawngka zawng zawngahte chuan va ding la;

¹⁹tin, an hnenah, Nangni Juda lalte, Juda zawng zawngte, Jerusalema cheng zawng zawng he'ng kawngkaa lut thinte u, LALPA thu hi ngaithla rawh u.

²⁰LALPA chuan heti hian a ti e: In nun hi fimkhurpui hle teh u, Chawlhniin phur nei suh u la, Jersualem kulh kawngkaah luhpui hek suh u.

²¹Tin, chawlhniin in in ata phur in din chhuak tur a ni lo a, hna reng in thawk tur a ni hek lo ;in pute hnena ka thupek angin chawlhni chu in serh thianghlim zawk tur a ni.

²²Anni zawngin an ngaithla lo a, beng an dawh lo a; thunun chu an hriata an dawn lohna'n an intiluhlul ta zawk a ni.

²³Tin, LALPA thu chhuak chuan heti hian a ti: Piawsa taka mi ngaihthlaka, chawlhnia he khawpui kawngkaa thil in phurh luh loh a, hna reng thawk lo va chawlhni in serh thianghlim zawk chuan,

²⁴he khawpui kulh kawngkaah hian lalte leh hotute, Davida thutthlenga thu turte chu tawlailirte leh sakawrahte chuangin an lo lut ang a, anmahni leh an mi liante, Juda mite leh Jerusalem a chengte nen; tichuan he khawpuiah hian mi an cheng hlen tawh ang.

²⁵Juda khawpui leh Jerusalem chhehvel atang te, Benjamin ram atang te, Sefela ram atang te, tlang ram atang leh Chhim ram atang tein an lo kal ang a, halral thilhlan leh inthawinate, buhbal thilhlan leh rimtui te, lawmna inthawinate LALPA inah chuan an rawn la ang.Mahse chawlhni serh thianghlim tur leh chawlhnia phur neih loh leh Jerusalem kulh kawngkaa luhpui loh tur thu-ah mi ngaihthlak loh chuan a kulh kawngkaahte chuan mei ka chhuah ang a,Jerusalem lal inte chu a kang zo ang a,a mit lo ang.

²⁶Mahse chawlhni serh thianghlim tur leh chawlhnia phur neih loh leh Jerusalem kulh kawngkaa luhpui loh tur thu-ah mi ngaihthlak loh chuan a kulh kawngkaahte chuan mei ka chhuah ang a,Jerusalem lal inte chu a kang zo ang a,a mit lo ang.