Read Baibul, Mizo Jeremia 19 Bible Online

Jeremia 19 - Baibul, Mizo bible

Jeremia 19

¹LALPA chuan heti hian a ti: Kal la, belvawtu hlum bel va lei rawh; tin, mipuiho upate leh puithiam zinga upate hruai la;

²Harsith kawngkhar luhna bula Benhinom ruamah chuan kal la, chutah chuan i hnena thu ka hrilh tur che hi puang ang che.

³Heti hian ti ang che: Juda lalte leh Jerusalema chengte u, LALPA thu hi hre rawh u. Israelte Pathian, Sipaihote LALPA chuan heti hian a ti: Ngai teh u, he hmunah hian a hria apiang beng tikhawrh hial khawpa thil tha lo ka rawn thlen dawn.

⁴Mite chuan mi kalsan a, he hmun hi an tibawlhhlawh a, anmahni leh an pate leh Juda lalte pawhin an la hriat ngai hleih loh, pathian dangte hnenah rimtui an hal avang leh he hmun hi ami thiam thisena tihkhah avang leh

⁵Baala hnena halral thilhlan atana na fate an hlalna tur Baala hmun sangte an din avangin; chu chu ka thupek ani lo a, ka sawi hek lo a, ka rilruah pawh a awm ngai lo.

⁶Chuvangin, ngai teh, nite chu a lo thleng danw, LALPA thu chhuak chuan a ti; chung niahte chuan he hmun hi Topheth vuah a ni tawh lo ang a, Benhinm ruam vuah a ni hek lo ang: Insamna ruam vuah a ni tawh zawk ang.

⁷Tin, he mi hmunah hian Juda leh Jerusalem thil tumte chu ka tilohtlawn ang a; tin, anni chu khandaihin anhmelmate hmaah leh an nunna lak tumtute kutah ka tiltu ang; an ruangte chu chungleng savate leh leia ramsate chaw atan ka pe ang.

⁸Tin, he khawpui hi mak tihah leh chek khuman ka siam ang a, a kal apiangin a chhiat tawhte avang chuan mak an tia ng a, an chek khum bawk ang.

⁹An fanute leh an fapate sa ka eitir ang a; tin, an hmelmate leh an nunna lak tumtuten an huala an tihmangan hunah chuan tupawhin an thenawmte sa an ei ang.

¹⁰Tin, i kalpuite mithmuhah bel chu i tikeh ang a,

¹¹an hnenah heti hian a ti ang che, Sipaihote LALPA chuan heti hian a ti: hetiang bawk hian he mite leh he khua hi ka tikeh ang; belvawtu bel miin a tihkeh a, siam that leh rual a ni lo ang hian; tin, Topheth-ah an phum ang, phumna tur hmun dang a awm loh avngin.

¹²Chuti tak chuti tak chuan he hmun hi ka ti ang, tih hi LALPA thu chhuak a ni; tin, chutiang bawkin he khua hi Topheth anga siam hialin. A chhunga chengte chungah pawh ka ti ang:

¹³Jerusalem inte leh Juda lal ho inte-in tin, mai a chunga van lam thilte hnena rimtui hal tawhna zawng zawng leh pathian dangte hnena in tur thil hlan leih chhuah tawhna zawng zawngte chu Topheth hmun ang maia tihbawlhlawh a ni ang.

¹⁴Tin, Jeremia chu, LALPA'n thu sawi tura a tirhna hmun Topheth atang chuan a lo kal a; tin, LALPA in hung chhungah chuan a dinga, mipui zawng zawng hnenah chuan heti hian a ti a:Israelte Pathian, Sipaihote LALPA chuan heti hian a ti: Ngai teh u, thil tha lo ka sawi zawng zawng kha he khawpui leh a khawdang zawng zawngah hian ka rawn thlen dawn a ni: ka thu ngaithla lo tura an thinlung an tih khauh avangin.

¹⁵Israelte Pathian, Sipaihote LALPA chuan heti hian a ti: Ngai teh u, thil tha lo ka sawi zawng zawng kha he khawpui leh a khawdang zawng zawngah hian ka rawn thlen dawn a ni: ka thu ngaithla lo tura an thinlung an tih khauh avangin.