Read Baibul, Mizo Jeremia 20 Bible Online

Jeremia 20 - Baibul, Mizo bible

Jeremia 20

¹Tin, Imera fapa, LALPA ina hotupa ber, puithiam Pasura chuan Jeremian chung thute chu a sawi tih a lo hria a.

²Tichuan Pasura chuan zawlnei Jeremia chu a vua a, LALPA ina Benjamina kawngkhar chhaktaa kawlah chuan a tantir a.

³A tukah chuan Pasuran Jeremia chu a phelhin, Jeremia chuan a hnenah, "LALPA chuan i hmingah Pasura a vuah lo e, Magor-Misabiba a vuah zawk a che.

⁴LALPA chuan heti hian a ti si a: Ngai rawh, nangma tan leh i thiante zawng zawng tan tih khaiah ka siam ang che: anni chu an hmelmate khandaihin an tlu ang a, nang lah chuan i mitin i en ngawt ang. Juda ho zawng zawng chu Babulon lal kutah ka pe vek ang a: ani chu Babulonah salah a hruai ang a, khandaihin a that ang.

⁵Chu a chhapah, khawpui hausakna zawng zawng te leh Juda lalte ro zawng zawng chu an hmelmate kutah ka pe ang a, anni chuan an rawk ang a, an man ang a, Babulonah an hruai ang.

⁶Tin, nang Pasur, i in chhunga awm zawng zawngte nen salah in tang ang a; Babulonah chuan i kal ve ang a, chutah chuan i thi ang a, chutah chuan phumin i awm ang a, nang leh i thian dawt thi i lo hrilh thinte zawng zawng nen hian," a ti a.

⁷Aw LALPA, nangin mi lo bum a, bumin ka awmta a nih hi, Nang chu kei ain i chak a, mi hneh a; Nilengin nuihzabur ka ni ta, mi tu pawhin mi nuihzat hi.

⁸Thu ka sawi apiangin, ka au chhuak a, 'Inpawngnekna leh inramna,' tiin ka au a; LALPA thu chu ka tan chuan, nilenga dem leh hmuhsit hlawhna chauh a ni.

⁹Ani chu ka lam lo ang a, A hmingin tu ka sawi tawh hek lo ang," ti mah i la, Ka ruh chhunga mei kang inkhung ta ang mai hian Ka thinlung chhungah chuan a awm si thin, Ka pai hle hle zo lo a, ka chelh ngang lo a ni.

¹⁰Mi tam takte phunru ka hria, Kil tinah hlauhawm a awm, "Hek u la, i hek tlang ang u," tiin. Ka thenrual ka tluk chang rengtute chuan "Bumin a awm ang a, kan hneh ang, A chungah kan phuba kan la ang," an ti a.

¹¹Mahse LALPA chu mi huaisen hlauhawm tak angin ka hnenah a awm a, Mi tiduhdahtute chu an tlu ang a, mi hneh lo ang. Mualpho takin an awm ang a, an hlawhtlin dawn loh avangin, An kumkhaw hmingchhiatna chu theihnghlilhin a awm lo ang.

¹²Aw, Sipaihote LALPA, mi felte fiahtu, Thinlung leh rilru hmutlang thintu, An chunga i phuba lak chu mi hmuhtir teh, Ka chungchang thu hi ka kawltir ta si che a.

¹³LALPA hnenah chuan hla sa u la, LALPA chu fak rawh u; Thilsual titute kut ata tanpui ngaite nunna chu a hum si a.

¹⁴Ka pian chhuah ni chu anchhe dawngin awm rawh se. Ka nuin mi hrin ni chu malsawmin awm suh se.

¹⁵Ka pa hnena, "Fapa i nei ta e" Tih thu rawn thlena, Rawn tilawmtu chu An chhe dawngin awm rawh se.

¹⁶Chu mi chu, LALPA'n khawngaih hlek loa A tihram khuate angin awm rawh se. Zing lamah chuan an thawm hria se la, Chhun a lo nih chuan ralkhel thawm;

¹⁷Chhul chhunga mi tihhlum loh avang khan; Chu ti nise, ka nu chu ka thlan ni mai tur a, A chhul chuan mi pai kum khua mai tur .Engah khe nge chhul ata ka lo chhuah le, Thawkrim leh lungngaia awm tura Mualpho reng renga ka dam chhung nite hmang tur hian?

¹⁸Engah khe nge chhul ata ka lo chhuah le, Thawkrim leh lungngaia awm tura Mualpho reng renga ka dam chhung nite hmang tur hian?